पुणे- दिवाळी सणाच्या तोंडावर अनेक आमिषे दाखविणाऱ्या बिल्डरच नव्हे तर अनेक व्यावसायिक कपड्यांच्या दुकानांच्या जाहिराती प्रसिद्ध होत असतात , पण या जाहिरातींना भुलून जाऊ नका ,फसव्या जाहिराती ओळखा आणि त्याकडे पाठ फिरवा असे आवाहन गार्ह्क चळवळीतून होत असताना पिंपरी चिंचवडमध्ये मोठी करवाई करण्यात आली आहे. कपड्यांच्या नामांकित कंपनीच्या नावाचा आणि लोगोचा वापर करुन बनावट कपड्यांची विक्री करणाऱ्या दोघांवर वाकड पोलीस ठाण्यात कॉपीराईट अॅक्टनुसार गुन्हा दाखल करण्यात आला आहे.पोलिसांनी या कारवाई 15 लाख 75 हजार रुपये किंमतीचा मुद्देमाल जप्त केला आहे.
इम्रान युनुस शेख(रा. ओंकार कॉलनी, नढेनगर, काळेवाडी) आणि लुधियाना पंजाब येथील शिव भोले यांच्यावर वाकड पोलीस ठाण्यात गुन्हा दाखल केला आहे. याप्रकरणी नरेंद्र सिंग (वय-44) यांनी फिर्याद दिली आहे. पोलिसांनी ही कारवाई शनिवारी (दि.8) सायंकाळी साडे सहाच्या सुमारास काळेवाडी येथील रिझवान ड्रेसेस येथे केली.
पोलिसांनी दिलेल्या माहितीनुसार, फिर्यादी हे लेझिस्ट आयपीआर सर्व्हिस लि. (या कंपनीचे संचालक असून त्यांच्या कंपनीकडे एडिडास नाईकी ,अंडर आर्मर , इंक, रिबॉक), केलविन क्लेन यासारख्या प्रसिद्ध कंपन्यांचे लोगे व ब्रँड नेमचा गैरवापर करणाऱ्यांविरुद्ध कारवाई करण्याचा अधिकार आहे. फिर्यादी यांना वाकड पोलीस ठाण्याच्या हद्दीत नामांकीत कंपन्यांचे नाव आणि लोगो वापरुन बनावट कपड्याची विक्री होत असल्याची माहिती मिळाली होती.
फिर्यादी यांनी परिमंडळ दोनचे पोलीस उपायुक्त यांच्याकडे तक्रार अर्ज केला होता. त्यानुसार पोलिसांनी फिर्यादी यांच्या मदतीने आरोपी इम्रान युनुस शेख याच्या रिझवान ड्रेसेस या दुकानात छापा टाकला. त्यावेळी आरोपीने नामांकित कंपन्याच्या नावाचा व चिन्हाचा वापर करुन बनावट टी शर्ट, ट्रॅक पॅन्ट व जॅकेट असा एकूण 15 लाख 75 हजार रुपये किमतीता माल दुकानात विक्रीसाठी ठेवल्याचे आढळून आले. आरोपीने हे कपडे लुधीयाना पंजाब येथील शिव भोले याच्याकडून घेतल्याचे सांगितले.
ही कारवाई सहायक पोलीस निरीक्षक हाबळे,शस्त्र विरोधी पथकाचे सहायक पोलीस निरीक्षक देशमुख,दरोडा विरोधी पथकाचे पोलीस उपनिरीक्षक भांगे , पोलीस अंमलदार खारगे, पुलगम,,महिला पोलीस हवालदार लोमटे, गायकवाड, पोलीस नाईक शेंडगे, कोकणे शेख, अत्तार यांच्या पथकाने केली.
