मुंबई-विधानसभा सदस्यांमधून राज्यसभेवर पाठवायच्या ६ जागांसाठी शुक्रवारी (१० जून) मुंबईत मतदान होत आहे. आज अखेर मतदानाचा दिवस आला आहे. मतदानाच्या आदल्या रात्री उशिरा सूत्रं हलली, उपमुख्यमंत्री अजित पवार यांची खेळी केल्याचे सूत्रांचे म्हणणे आहे त्यानुसार इम्तियाज जलील यांनी रात्री मविआच्या नेत्यांची भेट घेतली. पहाटे पाचच्या सुमारास एमआयएमने महाविकास आघाडीला पाठिंबा जारी केला आहेसकाळी पाचच्या सुमारास इम्तियाज जलील यांनी ट्वीट करत ही माहिती दिली आहे.इम्तियाज जलील आपल्या ट्वीटमध्ये म्हणाले, भाजपाला हरवण्यासाठी राज्यातल्या राज्यसभा निवडणुकीसाठी एमआयएमने महाविकास आघाडीला पाठिंबा देण्याचं ठरवलं आहे. मात्र काँग्रेस आणि राष्ट्रवादीसोबत युतीमध्ये असलेल्या शिवसेनेसोबत आमचे वैचारिक मतभेद कायम राहतील
जलील यांनी धुलिया आणि मालेगाव इथल्या एमआयएम आमदारांच्या मतदारसंघांचा विकास व्हावा, यासाठी आम्ही काही अटी घातलेल्या आहेत. एमपीएससी आयोगावर मुस्लीम, अल्पसंख्याक समाजातल्या एका व्यक्तीची नेमणूक करावी आणि महाराष्ट्र वक्फ बोर्डाचा दिल्या जाणाऱ्या निधीत वाढ करावी, तसंच मुस्लिमांना आरक्षण देण्यात यावं. अशा काही अति घातल्याचे सांगण्यात येते आहे.
सातवा कौन ?
दरम्यान सहाव्या जागेसाठी मोठी चुरस असून मतदानाच्या पूर्वसंध्येला सर्वपक्षीय बैठकांचा जोर दिसून आला. राज्यसभेसाठी महाराष्ट्रात २४ वर्षांनंतर मतदान होत असल्याने दोन्ही बाजूंकडून आपापल्या आमदारांना गुरुवारी मतदानाचे प्रशिक्षण देण्यात आले. या निवडणुकीत भाजप, शिवसेना की काँग्रेसचा उमेदवार ‘सातवा’ म्हणजे पराभूत होणार कोण ? याकडे साऱ्यांचे लक्ष लागले आहे.
विधानसभेतील एकूण २८८ सदस्यांपैकी शिवसेनेच्या एका आमदाराचे निधन झाले असून अनिल देशमुख-नवाब मलिक यांना मतदान करण्याची परवानगी मिळाली नाही तर मतांचा कोटा ४२ वरून ४१ वर येणार आहे. काँग्रेस आमदारांची पवईतील वेस्टईन हाॅटेलात बैठक पार पडली.
त्याला निवडणूक प्रभारी मल्लिकार्जुन खरगे यांनी मार्गदर्शन केले. भाजप आमदारांची बैठक कफ परेड येथील ताज प्रेसिडेंट येथे झाली. विरोधी पक्षनेते देवेंद्र फडणवीस यांची कोरोना चाचणी निगेटिव्ह आल्याने ते बैठकीला हजर होते. शिवसेना नेत्यांची ट्रायडंट येथे बैठक झाली. वरळी येथील ब्लू सी हॉटेलमध्ये राष्ट्रवादीच्या आमदारांची बैठक झाली. किशोर जोरगेवार यांच्यासह काही अपक्ष आमदारांनी गुरुवारी पुन्हा मुख्यमंत्री उद्धव ठाकरे यांची भेट घेतली. काँग्रेस नेते पक्षाची बैठक संपल्यानंतर शरद पवार यांना सिल्व्हर ओक या निवासस्थानी भेटले. १४ व्या विधानसभेत बहुतांश आमदार प्रथमच निवडून आलेले आहेत. १९९८ नंतर राज्यात राज्यसभेला मतदान झालेले नाही. त्यामुळे प्रत्येक पक्षाने मतदानाची रंगीत तालीम (माॅक वोटिंग) घेतली एमआयएम एक मत राष्ट्रवादीला व एक काँग्रेसला देण्याची शक्यता.
सहा जागा, आघाडी १६७, भाजप ११२; सहा आमदारांची झाकली मूठ
आघाडी + १६७ शिवसेना – ५५, राष्ट्रवादी – ५१ (दोन सदस्य तुरुंगात), काँग्रेस – ४४ अपक्ष ९ : किशोर जोरगेवार (चंद्रपूर), गीता जैन (मीरा भाईंदर), नरेंद्र भोंडेकर (भंडारा), आशिष जयस्वाल (रामटेक), संजय शिंदे (करमाळा), चंद्रकांत पाटील (मुक्ताईनगर), मंजुळा गावित (साक्री), विनोद अग्रवाल (गोंदिया), राजेंद्र यड्रावकर (शिराेळ). छोटे पक्ष ८ : समाजवादी पार्टी – २, प्रहार जनशक्ती पार्टी – २, माकप – १, शेकाप – १, स्वाभिमानी पक्ष – १, क्रांतिकारी शेतकरी पार्टी – १ भाजप + ११२ भाजप- १०६ छोटे पक्ष २ : जनसुराज्य पक्ष १, मनसे १ अपक्ष ४ : प्रकाश आव्हाडे- इचलकरंजी, राजेंद्र राऊत- बार्शी, महेश बालदी- उरण, रवी राणा- बडनेरा.
राज्यसभा निवडणुकीत नवाब मलिक आणि अनिल देशमुख यांना न्यायालयाने मतदानाला परवानगी नाकारल्याने सत्ताधारी महाविकास आघाडीच्या गोटात अस्वस्थता पसरली आहे. पीएमएल विशेष न्यायालयाने बिनखात्याचे मंत्री नवाब मलिक आणि माजी गृहमंत्री अनिल देशमुख यांना राज्यसभेला मतदान करण्यास एक दिवसाचा जामीन नाकारला. या दोघांनी दुपारी उच्च न्यायालयात धाव घेतली. शुक्रवारी सकाळी ११ वाजता न्यायालय याप्रकरणी निकाल देणार आहे. मलिक आणि देशमुख यांचे मतदान होऊ न शकल्यास विजयासाठी मतांचा कोटा ४०.७१ येणार आहे.
हितेंद्र ठाकूर यांच्या पक्षाची तीन मते मिळण्याचा महाविकास आघाडीला अंदाज होता, परंतु ठाकूरही साथ देण्याबाबत साशंकता आह़े
उमेदवार : प्रफुल्ल पटेल (राष्ट्रवादी), संजय राऊत (शिवसेना), पीयूष गोयल (भाजप), इम्रान प्रतापगढी (काँग्रेस), अनिल बोंडे (भाजप), संजय पवार (शिवसेना), धनंजय महाडिक (भाजप)
आमदारांचे संख्याबळ
१०६ भाजप
५५ शिवसेना
५३ राष्ट्रवादी
४४ काँग्रेस
अपक्ष व छोटे पक्ष २९
राज्यसभेसाठी खुल्या पद्धतीने मतदान होते. त्यानुसार राजकीय पक्षांच्या आमदारांना आपल्या पक्षाच्या प्रतोदाला दाखवून मतदान करावे लागते. आमदाराने पक्षादेश धुडकावल्यास त्या आमदाराच्या विरोधात पक्षाला पक्षांतरबंदी कायद्याखाली कारवाई करता येते. अपक्षांना मात्र मतपत्रिका दाखविण्याचे बंधन नसते. राज्यसभा निवडणुकीत आमदारांची मते बाद होण्याचे अनेक प्रकार घडले आहेत. हरयाणामध्ये काँग्रेसच्या १४ आमदारांनी निवडणूक आयोगाने दिलेल्या पेनाऐवजी वेगळय़ा शाईच्या पेनाचा वापर केल्याने ही मते बाद ठरली होती. गुजरातमध्ये काँग्रेसच्या दोन आमदारांनी मते भाजपच्या नेत्यांना दाखविल्याने ती मते बाद ठरली होती. या पार्श्वभूमीवर सर्व राजकीय पक्षांनी मतदान कसे करायचे याचे प्रशिक्षण आपापल्या आमदारांना दिले आहे.
