पुणे-अखिल भारतीय मराठा शिक्षण परिषद,पुणे व इंडीयन मेरिटाईम फाउंडेशन पुणे यांच्यामध्ये सामंजस्य करार करण्यात आला. मेरिटाईम रिसर्च सेंटर बरोबरच मेरिटाईम म्युझियम व ग्रंथालयाची स्थापना होणार आहे. या करारामुळे नौदल, जहाज बांधणी व दुरुस्ती, सागरी पर्यावरण, बंदरे, भारताचा समुद्री वारसा आणि त्याचे ऐतिहासिक महत्व, समुद्री कला आणि अंडरवॉटर टेक्नॉलॉजी या विषयीच्या संशोधनास चालना मिळणार आहे.या करारामुळे भारतीय महासागर सेव्हर्स या योजनेला देखील प्रोत्साहन मिळणार आहे. अभियांत्रिकी महाविद्यालयातील विद्यार्थी व प्राध्यापकांना अंडरवॉटर टेक्नॉलॉजी वर संशोधन करण्याची संधी उपलब्ध होणार आहे तसेच आंतरराष्ट्रीय कोस्टल क्लीनअप या विषयावर कार्याशाळा,व्याख्याने यांचे आयोजन करता येणार आहे. मेरिटाईम म्युझियम व ग्रंथालयामुळे विविध जहाजांच्या प्रतिकृती पहाण्यासाठी उपलब्ध होतील व तज्ञ नौदल अधिकाऱ्या कडून विद्यार्थ्यांना मार्गदर्शन मिळणार आहे.
या सामंजस्य करारावर संस्थेच्या सरचिटणीस सौ.प्रमिला गायकवाड, संयुक्त चिटणीस अँड. संदीप कदम, अँड. भगवानराव साळुंखे, खजिनदार श्री.विजयसिंह जेधे, श्री. किशोर बाबर व इंडीयन मेरिटाईम फाउंडेशनचे कमांडर राजन वीर, अध्यक्ष इंडीयन मेरिटाईम फाउंडेशन, कॅप्टन आनंद दीक्षित, कॅप्टन रवी हजरनवीस, कमांडर अजय चिटणीस, कमांडर अर्नब दास यानी स्वाक्षरी केली. सदर सामंजस्य करार करताना अभियांत्रिकी महाविद्यालयाचे प्राचार्य डॉ. सुनिल ठाकरे,सर्व विभाग प्रमुख व इंडीयन मेरिटाईम फाउंडेशनचे सर्व सदस्य उपस्थित होते.
