गुंतवणुकीमुळे उत्पादन क्षमतेत ५०% वाढ
· पुढील वर्षी ही क्षमता आणखी वाढवण्याचे उद्दिष्ट
Pune, 03 ऑक्टोबर २०२२: अग्रगण्य बांधकाम साहित्य कंपनी अपर्णा एंटरप्रायझेस लिमिटेडने आज त्यांच्या uPVC विभागासाठीच्या विस्तार योजनेचे अनावरण केले. बच्चुपल्ली येथे नवीन उत्पादन केंद्र सुरू करून ही घोषणा करण्यात आली. ही उत्पादन लाइन अपर्णा एंटरप्रायझेसच्या uPVC ब्रँड्स- अपर्णा व्हेंस्टर आणि ओकोटेकच्या uPVC प्रोफाइल आणि खिडकी आणि दरवाजा प्रणालीची आवश्यकता पूर्ण करेल. नवीन उत्पादन लाइन अपर्णा एंटरप्रायझेसच्या एकूण uPVC प्रोफाइल उत्पादन क्षमतेचा ५०% पेक्षा जास्त विस्तार करेल आणि एकूण क्षमता ४५० टनांवरून प्रति महिना ७०० टनांपर्यंत नेईल. २०२३ या वर्षामध्ये या विभागाची क्षमता आणखी वाढवून ११०० टन प्रति महिना गाठण्याचे ब्रँडचे उद्दिष्ट आहे.
uPVC विभागाच्या योजनांबद्दल बोलताना संचालक-तांत्रिक श्री. टी चंद्रशेखर म्हणाले, “बांधकाम उद्योगाने २०२१ मध्ये १७% वाढ नोंदवली होती. बांधकाम साहित्य क्षेत्रातही अशीच वाढ झाली होती. सार्वजनिक पायाभूत सुविधांच्या गुंतवणुकीत गती आल्याने आणि रिअल इस्टेट खरेदी अजूनही उच्च राहिल्याने दोन्ही उद्योग आपली दौड सुरू ठेवतील. या विस्ताराचा उद्देश या क्षेत्रात विशेषत: uPVC खिडकी आणि दरवाजा प्रणालीमध्ये वाढत्या संधींचा लाभ घेण्याच्या उद्देशाने आहे.”
“मजबूतपणा आणि टिकाऊपणामुळे uPVC झपाट्याने खिडक्या आणि दरवाजांसाठी पसंतीचा पर्याय बनत आहे. गेल्या आर्थिक वर्षात कोविड १९ च्या महामारीत लॉकडाऊनमुळे व्यावसायिक कामकाजामध्ये व्यत्यय आला तरीही uPVC विभागाने विक्रीत ५०%ची वाढ नोंदवली असून आम्ही आणखी क्षमता वाढवण्याचा आणि वाढ स्थिर ठेवण्याचा विचार करत आहोत,” असेही श्री. चंद्रशेखर म्हणाले.
क्षमता विस्तार बाजारपेठेतील पोहोच विस्तारालाही पूरक ठरेल. अपर्णा एंटरप्रायझेस भारतातील ओकोटेक आणि अपर्णा व्हेंस्टर या दोन्ही ब्रँडसाठी त्यांचे डीलरशिप नेटवर्क ५०% ने वाढविण्याचा विचार करत आहे.
अपर्णा एंटरप्रायझेसच्या uPVC विभागामध्ये विस्तृत उत्पादन पोर्टफोलिओ आणि दोन जागतिक दर्जाचे उप ब्रँड यांचा समावेश आहे. २००८ मध्ये सादर झालेल्या अपर्णा व्हेंस्टरने सर्वेक्षण, डिझाइन, फॅब्रिकेशन, डिलिव्हरी, इन्स्टॉलेशन आणि सेवा यासह शेवटपर्यंत सुविधा पुरविणारे सुमारे १.८ दशलक्ष uPVC खिडक्या आणि दरवाजे तयार आणि स्थापित केले आहेत. हैदराबाद आणि बंगलोरमधील उत्पादन सुविधा अत्याधुनिक जर्मन फॅब्रिकेशन मशीनरीने सुसज्ज आहेत. uPVC प्रोफाईल ब्रँड ओकोटेकची स्थापना २०१६ मध्ये करण्यात आली आणि तंत्रज्ञानावर आधारित uPVC प्रोफाइलच्या उत्पादनासाठी कटिबद्ध आहे. त्रास-मुक्त फॅब्रिकेशनसाठी सर्वोत्तम uPVC प्रोफाइल तयार करण्यावर नेहमीच लक्ष केंद्रित केले जाते.
अपर्णा एन्टरप्राईझेस लिमिटेडविषयी
अपर्णा एन्टरप्राईझेस लिमिटेड (एईएल)ही अत्यंत यशस्वी असणाऱ्या अपर्णा समूहाचा एक भाग आहे. १९९० मध्ये स्थापना झालेल्या एईएलचे काम इमारत बांधणी साहित्य उत्पादनात जसे की आरएमसी (रेडीमेड कोन्क्रिट), uPVC खिडक्या आणि दारं, जमीन आणि भिंतींच्या फरशा, अॅल्युमिनियम खिडक्या आणि दरवाजे यंत्रणा आणि बाह्य दर्शनी भाग, उत्कृष्ट स्नानगृहं आणि स्वयंपाकघर यासाठी चालते. गेल्या ३० वर्षांहून अधिक काळ असंख्य महत्वाच्या प्रकल्पांशी संलग्न राहिलेली एईएल ही जागतिक पातळीवर तंत्रज्ञान, संशोधन, रचना आणि गुणवत्ता यासाठीचे मापदंड ठरविण्यासाठी ओळखली जाते. आज उच्च गुणवत्तेची उत्पादनं तयार करणारी आणि निर्देशक, कंत्राटदार पुरवठा आणि भागधारक यामध्ये अग्रणी म्हणून एईएल ओळखली जाते. सर्व नियमांचे काटेकोर पालन करणारी एईएल कोणत्याही तपशीलवार निकषांना उतरू शकते.
