वाई :वाईचे नगराध्यक्षपद आज राष्ट्रवादीपुरस्कृत तिर्थक्षेत्र विकास आघाडीचे उपनगराध्यक्ष असलेले अनिल सावंत यांनी स्विकारले. कार्यकर्त्यांनी यावेळी फटाक्यांची आतिषबाजी करित आनंदोत्सव साजरा केला.
वाईच्या लोकनियुक्त नगराध्यक्षा डॉ. प्रतिभा शिंदे यांना नगराध्यक्षपदावरून दूर करण्याचा महत्त्वपूर्ण निर्णय नगरविकास विभागाच्या राज्यमंत्र्यांनी घेतला . त्यामुळे रिक्त झालेल्या नगराध्यक्षपदाचा पदभार उपनगराध्यक्ष अनिल सावंत यांनी स्विकारला. मुख्याधिकारी रजेवर असल्याने कार्यालयीन अधिक्षक नारायण गोसावी यांनी त्यांना नगराध्यक्षपदाचा पदभार सुपूर्त केला.
यावेळी नगराध्यक्ष सावंत म्हणाले, आमदार मकरंद पाटिल यांच्या नेतृत्वाखाली मिळालेल्या काळात नगराध्यक्ष काय काम करू शकतो हे निश्चीत समजेल असे काम करु. प्रलंबीत विकासकामे व वाईच्या विकासासाठि सर्वतोपरी प्रयत्न करणार असून मिळालेल्या संधीला योग्य न्याय देण्याचा कसोशीने प्रयत्न करु, असे ते म्हणाले.
नगराध्यक्षपद राष्ट्रवादीकडे आल्याने सर्व नगरसेवक व कार्यकर्त्यांमध्ये जल्लोषाचे वातावरण पसरले आहे. यावेळी आघाडिचे कार्याध्यक्ष संजय लोळे, नगरसेवक प्रदिप चोरगे, चरण गाकवाड, भारत खामकर, किशोर बागुल, राजेश गुरव, संग्राम पवार, दिपक ओसवाल, अँड. श्रीकांत चव्हाण, कांताराम जाधव, सौ. सिमा नायकवडी, सौ. शितल शिंदे, सौ. स्मिता हगीर, रेश्मा जायगुडे, प्रियंका डोंगरे, सौ. आरती कांबळे, मनिष भंडारे, अजित शिंदे, अशोकराव सरकाळे, विकास जाधव आदींसह अनेकजण उपस्थित होते. त्यांचे राष्ट्रवादिच्या अनेक कार्यकर्त्यांनी पुष्पगुछ, शालश्रीफळ देवुन तसेच दुरध्वनीवरून अभिनंदन केले.
