पुणे दि.१८: सामाजिक न्याय व विशेष सहाय्य विभागाच्या येरवडा येथील मागासवर्गीय मुलींच्या शासकीय वसतिगृहात २०२२-२३ या शैक्षणिक वर्षासाठी प्रवेश प्रक्रियेला सुरूवात झाली आहे. येथे १०० मागासवर्गीय मुलींना अकरावी ते बारावी, पदविका व आयटीआय या वर्गासाठी मोफत प्रवेश देण्यात येणार आहे.
वसतिगृहात सर्व सुविधा मोफत पुरविल्या जात असून यामध्ये दरमहा ८०० रूपये निर्वाहभत्ता, १०० रूपये स्वच्छतेसाठी तर प्रत्येक शैक्षणिक वर्षात स्टेशनरीसाठी ४ हजार रूपये देण्यात येतात. सहल, गणवेश, अॅप्रन व प्रोजेक्टसाठी शासननिर्णयाप्रमाणे रक्कम देण्यात येत असून मोफत भोजन सुविधाही पुरविली जाते.
वसतिगृहात प्रवेशासाठी तहसीलदार यांचा मागील वर्षाचा उत्पनाचा दाखला, मागील वर्षाचे गुणपत्रक, जातीचा दाखला, रहिवाशी प्रमाणपत्र या कागदपत्रांसह इच्छुकांनी सहाय्यक आयुक्त, समाजकल्याण, पुणे- ०२०-२९७०६६११, संत जनाबाई मुलींचे शासकीय वसतिगृह पुणे- ०२०-२६३६०९६०, मागासवर्गीय मुलींचे शासकीय वसतिगृह येरवडा-९५६१५६८४५९ येथे संपर्क साधावा, असे आवाहन वसतिगृहाच्या गृहपाल यांनी केले आहे.
000
