कोविड 19 मुळे निर्माण झालेली निधीची तातडीची गरज पूर्ण करण्यासाठी विविध योजना दाखल
मुंबई: बँक ऑफ बडोदा या भारतातील आघाडीच्या सरकारी कर्जदात्या बँकेने घरगुती व कृषीविषयक गरजा पूर्ण करण्यासाठी महिला सेल्फ हेल्प ग्रुपना (एसएचजी) तातडीचे आर्थिक सहकार्य उपलब्धहोण्याच्या हेतूने कृषी क्षेत्रासाठी विविध योजनाजाहीर केल्या आहेत. तसेच, कोविड 19 मुळे निर्माण झालेली तात्पुरती रोखतेची चणचण भागवण्यासाठी फार्मर प्रोड्युसर ऑर्गनायझेशनना (एफपीओ/एफपीसी) मदत करण्याच्या उद्देशाने इमर्जन्सी क्रेडिट लाइनची घोषणा केली आहे.
एसएचजी-कोविड 19साठी अॅडिशनल अॅश्युरन्स स्कीमनुसार, सध्याच्या एसएचजींना CC/OD/TL/DL या स्वरूपात मदत करणार आहे. प्रति एसएचजी कर्जाची किमान रक्कम 30000 रुपये आहे आणि या योजनेअंतर्गत प्रति सदस्य जास्तीत जास्त 1 लाख रुपये कर्ज दिले जाणार आहे, तसेच कर्जाच्या परतफेडीचा कालावधी 24 महिने आहे.
या योजनेअंतर्गत कर्जाची परतफेड मासिक किंवा तिमाही पद्धतीने करता येऊ शकते आणि कर्ज वितरण केल्याच्या तारखेपासून सहा महिने कालावधीसाठी मॉरेटोरिअम असणार आहे.
एफपीओ/एफपीसी यांसाठी बडोदा इमर्जन्सी क्रेडिट लाइन योजनेनुसार,कोविड 19 मुळे एफपीओ/एफपीसीयांच्यासमोर निर्माण झालेली रोख रकमेची तात्पुरती चणचण पूर्ण करण्याचा प्रयत्न केला जाणार आहे. एकत्रित मर्यादेच्या 10% मर्यादा मंजूर केली जाईल, त्यामध्ये कर्जाची जास्तीत जास्त रक्कम 500,000 रुपये असेल व कालावधी 36 महिन्यांचा असेल.मॉरेटोरिअमकालावधी जास्तीत जास्त सहा महिने असेल.
डेरी, फिशरीज यासह सध्याच्या कृषी गुंतवणूक कर्ज ग्राहकांसाठीच्या बडोदा स्पेशल स्कीमअंतर्गत,कोविड 19 चा परिणाम झाल्याने शेतीची देखभाल व अन्य संबंधित कामे यासाठी तातडीने निधीची गरज भागवण्यासाठी शेती समुदायासाठी इन्स्टंट क्रेडिट पुरवले जाणार आहे. यासाठी सध्याच्या रेग्युलर इन्व्हेस्टमेंट क्रेडिट अॅग्रिकल्चर खात्यांसाठी मंजुरीची मर्यादा, अन्य कृषी विभागाच्या मर्यादेच्या 10% (म्हणजे किमान 10000 रुपये) आणि जास्तीत जास्त 50000रुपये आहे.
कोविड 19 मुळे फटका बसलेल्या सध्याच्या पीक कर्ज ग्राहकांसाठीच्या बडोदा स्पेशल स्कीमअंतर्गत,शेती व संबंधित कामे यासाठी असणारी निधीची गरज पूर्ण करण्यासाठी इन्स्टंट क्रेडिट दाखल करण्यात आले आहे. या योजनेसाठी मर्यादा सध्याच्या नियमित केसीसीधारकांसाठी केसीसी मंजुरी मर्यादेच्या 10% म्हणजे किमान 10000 रुपये आणि जास्तीत जास्त 50000 आहे.
कार्यकारी संचालक विक्रमादित्य सिंग खिची यांनी सांगितले, “बँक ऑफ बडोदामध्ये आम्ही महिला सेल्फ हेल्प ग्रुपना आणि कृषी समुदायाला आर्थिक पाठिंबा द्यायचे ठरवले आहे, जेणे करून सध्याच्या या अवघड काळादरम्यान त्यांना त्यांच्या आर्थिक गरजा पूर्ण करता येऊ शकतात.शेतीची देखभाल, अन्य संबंधित कामे व आपले काम सुरू ठेवण्यासाठी घरगुती गरजा पूर्ण करण्याच्या दृष्टीने शेतकरी व महिला एसएचजी यांच्यासाठी उपलब्ध करण्यात आलेल्या इन्स्टंट क्रेडिटचा त्यांनी लाभ घ्यावा, असे आमचे आवाहन आहे.”
बँक ऑफ बडोदाविषयी:
जुलै 20, 1908 रोजी स्थापन झालेलीबँक ऑफ बडोदा (“बँक”)ही सरकारी बँकिंग व वित्तीय सेवा कंपनी आहे व तिचे मुख्यालय भारतातील गुजरात येथील वडोदरा (अगोदरचे नाव बडोदा) येथे आहे.
बँक ऑफ बडोदाही भारतातील दुसरी सर्वात मोठी बँक आहे व तिचा सेल्फ-सर्व्हिस चॅनेल्सद्वारे देशांतर्गत लक्षणीय विस्तार आहे. बँकेच्या वितरण जाळ्यामध्ये 9,500+ शाखा, 13,400+ एटीएम व 1,200+ सेल्फ-सर्व्हिस ई-लॉबीज आहेत. 21 देशांतील उपकंपन्यांच्या 100 शाखा/कार्यालये याद्वारे बँक आंतरराष्ट्रीय स्तरावरही मोठ्या प्रमाणात कार्यरत आहे. बँकेच्या संपूर्ण मालकीच्या उपकंपन्या आहेत – बीओबी फिनान्शिअल सोल्यूशन्स लिमिटेड (पूर्वीची बीओबी कार्ड्स लि.), बीओबी कॅपिटल मार्केट्स व बडोदा अॅसेट मॅनेजमेंट इंडिया लि. बँक ऑफ बडोदाने लाइफ इन्शुरन्ससाठी इंडिया फर्स्ट लाइफ इन्शुरन्स ही संयुक्त भागीदारी केली आहे आणि इंडिया इन्फ्राडेट लि. ही पायाभूत सुविधांना अर्थपुरवठा करते.बँकेचा नैनिताल बँकेमध्ये 98.57% हिस्सा आहे. बँकेने तीन प्रादेशिक ग्रामीण बँका प्रायोजित केल्या आहेत – बडोदा उत्तर प्रदेश ग्रामीण बँक, बडोदा राजस्थान ग्रामीण बँक व बडोदा गुजरात ग्रामीण बँक.
