मुंबई/नवी दिल्ली, 31 मार्च 2020
कोविड- 19 च्या उद्रेकामुळे तयार झालेल्या अनपेक्षित परिस्थितीत विविध गंभीर समस्यांना तोंड द्यावे लागत आहे, विशेषतः कमी उत्पन्न गटातील फीचर फोन वापरणाऱ्या प्रीपेड ग्राहकांना तीव्र अडचणींना सामोरे जावे लागत आहे. अशा ग्राहकांना या कठीण काळात कनेक्टेड राहाता यावे यासाठी भारतातील आघाडीची दूरसंचार सेवा पुरवठादार असलेल्या व्होडाफोन आयडिया लिमिटेड (व्हीआयएल) कंपनीने आज पुढील घोषणा केल्या आहेत –
कमी उत्पन्न गटातील ग्राहकांच्या प्रीपेड योजनांची वैधता 17 एप्रिल 2020 पर्यंत वाढवण्यात आली आहे. वैधतेच्या वेळमर्यादेतील ही वाढ मोफत असून त्यामुळे व्होडाफोन आणि आयडियाच्या लाखो ग्राहकांच्या योजनेची वैधता संपली, तरी इनकमिंग कॉल्स येणे बंद होणार नाही.
सुमारे 100 दशलक्ष फीचर फोन वापरणाऱ्या ग्राहकांच्या खात्यात 10 रुपयांचे क्रेडिट जमा करण्यात आले असून यामुळे त्यांना फोन किंवा एसएमएसच्या माध्यमातून आपल्या कुटुंबियांच्या आणि मित्रपरिवाराच्या संपर्कात राहाता येणार आहे.
सर्व पात्र ग्राहकांना येत्या काही दिवसांत शक्य तितक्य जलदपणे वैधतेमधे करण्यात आलेली वाढ आणि टॉक टाइम देण्यात येणार आहे.
व्होडाफोन आयडियाचे विपणन संचालक अवनीश खोसला म्हणाले, ‘आजच्या अवघड काळात ग्राहकांनी कोणत्याही अडथळ्यांची चिंता न करता आपल्या कुटुंबियांशी कनेक्टेड करावे. वैधतेमधे करण्यात आलेली वाढ आणि टॉक टाइम क्रेडिटचा प्रतिबंधात्मक लॉकडाउनमुळे सर्वात जास्त फटका बसलेल्या स्थलांतरित कामगार तसेच रोजंदारीवर काम करणाऱ्या कष्टकऱ्यांना फायदा होणार आहे. कनेक्टिव्हिटी सुरळीत राहावी यासाठी आमच्या नेटवर्क टीम्स 24X7काम करत आहेत.’
कमी उत्पन्न गटातील फीचर फोन युजर्ससाठी देण्यात आलेल्या या खास उपक्रमामुळे व्होडाफोन आयडियाच्या ग्राहकांना त्यांच्या प्रियजनांच्या संपर्कात राहाता येणार आहे तसेच स्थानिक पातळीवरील ताज्या घडामोडी जाणून घेता येणार आहेत.
स्मार्टफोनच्या माध्यमातून व्होडाफोन आयडियाच्या सेवा वापरणाऱ्या ग्राहकांना ऑनलाइन आणि डिजिटल प्लॅटफॉर्मच्या मदतीने त्यांचे अकाउंट रिचार्ज करता येणार आहे.
– अप्स – मायव्होडाफोन अप, मायआयडिया अप
– संकेतस्थळ – www.vodafone.in, www.ideacellular.com
– ई- वॉलेट्स – पेटीएम, गुगल पे, फोन पे, अमेझॉन पे इत्यादी
– युएसएसडी – तुमच्या व्होडाफोन/आयडिया क्रमांकावरून *121# डायल करा
व्होडाफोन आयडिया लिमिटेडबद्दल
व्होडाफोन आयडिया ही आदित्य बिर्ला समूह आणि व्होडाफोन समूहाची भागिदारी आहे. ही भारतातील आघाडीची दूरसंचार सेवा पुरवठादार कंपनी आहे. कंपनी पॅन भारताला टुजी, थ्रीजी आणि 4जी प्लॅटफॉर्मद्वारे व्हॉइस आणि डेटा सेवा पुरवते. डेटा आणि व्हॉइसच्या वाढत्या मागणीनुसार पुरवठा करण्यासाठी मोठ्या स्पेक्ट्रमची सोय करण्यात आली असून कंपनी ग्राहकांचा चांगली सेवा देण्यासाठी आणि लाखो नागरिकांना अधिक चांगले भविष्य घडवण्यासाठी मदत करून खऱ्या अर्थाने ‘डिजिटल इंडिया’ला योगदान देण्यासाठी बांधील आहे. कंपनी नवे आणि जास्त स्मार्ट तंत्रज्ञान उपलब्ध करण्यासाठी पायाभूस सुविधा विकसित करत असून त्याद्वारे रिटेल आणि व्यावसायिक ग्राहकांना नाविन्यपूर्ण उत्पादनांसाठी तयार करत आहे., जे डिजिटल चॅनेल्सच्या यंत्रणेद्वारे तसेच प्रत्यक्ष अस्तित्वाद्वारे सहज उपलब्ध असेल. कंपनीची राष्ट्रीय शेअर बाजार (एनएसई) आणि मुंबई शेअर बाजारात (बीएसई) नोंदणी झालेली आहे.
व्होडाफोन आयडिया लिमिटेड(पूर्वीची आयडिया सेल्युलर लि.) – सीआयएन L32100GJ1996PLC030976, नोंदणीकृत कार्यालय: सुमन टॉवर्स, प्लॉट नं. 18, सेक्टर 11, गांधीनगर 382011, गुजरात, भारत. फोन: 91 79 6671 4000, फॅक्स: 91 79 2323 2251
