- ग्राहकांना बचत खात्यातील बॅलन्स, मागील तीन व्यवहार व क्रेडिट कार्ड लिमिट पाहता येईल, आधीच मंजूर झालेल्या कर्जाचा तपशील मिळवता येईल आणि त्यांचे क्रेडिट व डेबिट कार्ड ब्लॉक/अनब्लॉककरता येईल
- ग्राहकांना कोणत्याही शाखेत न जाता, ही सेवा 24×7 तातडीने मिळेल
- बँकेच्या प्रोफाइल नंबरवर (9324953001)नोंदणीकृत मोबाइलवरून‘Hi’असा मेसेज पाठवा व तातडीने सुरुवात करा
मुंबई: आयसीआयसीआय बँकेने व्हॉट्सअॅपवर विविध बँकिंग सेवा दाखल केल्याचे आज जाहीर केले आहे.कोरोना विषाणूचा सामना करण्यासाठी देशभर लॉकडाउन सुरू असल्याने घरातच थांबण्याचा सल्ला देण्यात आलेल्या आमच्या ग्राहकांना विविध बँकिंग व्यवहार करणे सोयीचे जावे, यासाठी ही सेवा सुरू करण्यात आली आहे.
रिटेल व बिझनेस अशा दोन्ही ग्राहकांना अखंडितपणे बँकिंग सेवा देण्याच्या उद्देशाने आयसीआयसीआय बँकेने ‘आयसीआयसीआयस्टॅक’ या डिजिटल बँकिंग सेवा आणि एपीआय (अॅप्लिकेशन प्रोग्रॅम इंटरफेस) सादर केल्याच्या पार्श्वभूमीवर बँकेने व्हॉट्सअॅपवर ही नवीन सेवा दाखल केली आहे. ‘आयसीआयसीआयस्टॅक’ अंदाजे 500 सेवा देत असून त्यामध्ये ग्राहकांच्या जवळजवळ सर्व बँकिंग गरजांचा समावेश आहे, जसे डिजिटल खाते उघडणे, कर्ज सुविधा, पेमेंट सुविधा, गुंतवणूक व केअर सोल्यूशन्स.
या सेवेचा वापर करून रिटेल ग्राहकांना सर्व मेसेजेसासठी एंड-टू-एंड एन्क्रिप्शनमुळे सुरक्षित पद्धतीने त्यांच्या बचत खात्यातील बॅलन्स तपासता येईल, मागील तीन व्यवहार व क्रेडिट कार्ड लिमिट पाहता येईल, आधीच मंजूर झालेल्या कर्जाचा तपशील मिळवता येईल आणि त्यांचे क्रेडिट व डेबिट कार्ड ब्लॉक/अनब्लॉक करता येईल. याचबरोबर, त्यांना त्यांच्या परिसरातील जवळच्या तीन आयसीआयसीआय बँकएटीएमची व शाखांची माहिती मिळू शकेल. ग्राहकांना सोशल मीडिया वापरत असताना या सेवाही वापरता येऊ शकतील.
आयसीआयसीआय बँकेचे कार्यकारी संचालक अनुप बागची यांनी या उपक्रमाविषयी बोलताना नमूद केले, “गेले काही आठवडे कोरोना विषाणूचा उद्रेक झाला असल्याच्या पार्श्वभूमीवर, ग्राहकांना अखंडित व सुरळित डिजिटल बँकिंग सेवा देण्याचा आमचा सातत्याने प्रयत्न सुरू आहे. या दृष्टीने, ‘आयसीआयसीआयस्टॅक’ या डिजिटल सुविधेवर 500 सेवा उपलब्ध करण्यात आल्या आहेत.
आम्ही आता या सेवा व्हॉट्सअॅप या जगातील अत्यंत लोकप्रिय इन्स्टंट मेसेजिंग अॅप्लिकेशनवर उपलब्ध केल्या आहेत. आमच्या रिटेल ग्राहकांना बँकेच्या शाखेत न जाता त्यांचे बँकिंग व्यवहार स्वतःचे स्वतः करता येऊ शकतात. या सेवा तातडीने दिल्या जातील व त्या सुरक्षित आहेत. दैनंदिन जीवनामध्ये सोशल मीडियाचा वापर सतत वाढत असल्याने, ही नवी सेवा ग्राहकांना अतिशय सोयीस्कर वाटणार आहे. या सेवेमुळे त्यांना सोशल मीडियाचा वापर करत असतानाच बँकिंग व्यवहारही करता येणार आहेत.”
व्हॉट्सअॅपवापरत असणाऱ्या आयसीआयसीआय बँकेच्या कोणत्याही बचत खातेधारकाला या नव्या सेवेचा लाभ घेता येऊ शकतो. तसेच, बँकेचे केवळ क्रेडिट कार्ड वापरणाऱ्या ग्राहकांनात्यांचे कार्ड ‘ब्लॉक/अनब्लॉक’ करण्यासाठी या सेवेचा वापर करता येऊ शकतो.आयसीआयसीआय बँकेचे खातेदार नसलेल्या ग्राहकांनाही त्यांच्या परिसरातील शाखा किंवा एटीएम कुठे आहेत, हे जाणून घेण्यासाठी ही तत्पर सेवा वापरता येऊ शकते.
तातडीने सुरुवात करण्यासाठी पुढील करा:
- नंबर सेव्ह करा आणि ‘Hi’ लिहा:ग्राहकाने 9324953001हा आयसीआयसीआय बँकेचा योग्य व्हॉट्सअॅप प्रोफाइल नंबर आपल्या मोबाइल फोनच्या ‘काँटॅक्ट्स’मध्ये सेव्ह करावा आणि बँकेकडे नोंदणीकृत असणाऱ्या नंबरवरून या नंबरला <Hi>असे लिहून पाठवावे. बँक उपलब्ध सेवांची यादी पाठवून त्यास प्रतिसाद देईल.
- सेवांसाठी कीवर्ड टाइप करा:सेवांच्या यादीमधून आवश्यक सेवेसाठी कीवर्ड टाइप करा (ओळखण्यास सोपे व्हावे यासाठी संभाषणामध्ये कीवर्ड ठळक केलेले असतात), उदा. : <Balance>, <Block>. सेवा तातडीने निवडली व दर्शवली जाईल.
व्हॉट्सअॅपवर उपलब्ध असणाऱ्या बँकिंग व अन्य सेवांची माहिती पुढे दिली आहे:
बँकिंग सेवा व त्यांचे कीवर्ड:
- खात्यातील बॅलन्स तपासणे :कोणताही कीवर्ड टाइप करा, जसे<balance>, <bal>, <ac bal>
- मागील तीन व्यवहार पाहणे :टाइप करा<transaction>, <<stmt>, <history>
- थकित रक्कम जाणून घेणे आणि क्रेडिट कार्डाची उपलब्ध क्रेडिट मर्यादा पाहणे :टाइप करा< limit>, <cc limit>, <cc balance>
- क्रेडिट व डेबिट कार्ड तातडीने ब्लॉक/अनब्लॉक करणे :टाइप करा< block>, <lost my card >, <unblock>
- आधीच मंजूर झालेल्या झटपट कर्जांचा तपशील पाहणे : टाइप करा<loan>, <home loan>, <personal loan>, <instant loans>
अन्य सेवा:
- जवळचेआयसीआयसीआय बँक एटीएम व शाखा शोधा:टाइप करा<एटीएम> , <शाखा>इ.
- ट्रॅव्हल, डायनिंग, खरेदी इ.वर आजूबाजूला असणाऱ्या सवलती शोधा: टाइप करा<offer>, <discounts>
