नवी दिल्ली: मोतीचूर चकनाचूर या नव्या सिनेमाच्या प्रदर्शनाबद्दल अतिशय खुष असणारे लोकप्रिय अभिनेते नवाजुद्दिन सिद्दिकी यांनी हॅलोच्या फ्रायडेफिव्हर या प्रमुख ऑनलाइन शोच्या आजच्या एपिसोडमध्ये सिनेमाविषीचे रंजक किस्से सांगितले. हॅलोच्या युजरनी या एपिसोडच्या प्रोमोला भरभरून प्रतिसाद दिला असून, प्रोमोज सुरू केल्यापासून केवळ 4 दिवसांत मिळाले तब्बल 10 दशलक्ष व्ह्यूज, 20,000+ लाइक व 1000 हून अधिक शेअर्स नोंदवले आहेत.
फ्रायडेफिव्हर हा वैशिष्ट्यपूर्ण ऑनलाइन शो हॅलोवरील चाहत्यांना त्यांच्या सिनेमातील आवडत्या कलाकारांच्या नजिक आणतो. या शोमुळे कलाकारांना त्यांच्या आगामी सिनेमाबद्दलची उत्सुकता व अपेक्षा व्यक्त करण्याची संधी मिळते. सिनेमा प्रदर्शित होण्यापूर्वी कलाकारांच्या मनामध्ये निर्माण होणारी अस्वस्थता टिपणाऱ्या या शोमध्ये धमाल प्रश्नोत्तरे रंगतात.
या एपिसोडदरम्यान, नवाजुद्दिन सिद्दिकी यांनी त्यांच्या चाहत्यांसाठी #हॅलोफ्रायडेफिव्हर प्रश्नांची उत्तरे दिली आहेत. जसे, सिनेमातील उत्साही व चिंतामुक्त पात्र साकारण्यासाठी त्यांनी कशी तयारी केली. त्यांनी वैयक्तिक अनुभवांविषयी बोलताना, अनेक टप्प्यांवर मिळालेल्या नकाराचा सामना कसा केला, तसेच त्यांचे जीवनातील ध्येय काय आहे, याविषयी सांगितले. मेहनत करणे आणि कधीही हार न मानणे, हे त्यांचे उद्दिष्ट असल्याचे त्यांनी सांगितले. आणखी एका फेरीमध्ये, नवाजुद्दीन यांनी त्यांच्या अभिनयातील कारकिर्दीविषयी आणि लोकप्रिय बनत असताना त्यांना तोंड द्याव्या लागलेल्या आव्हानांविषयी अनेक किस्से सांगितले. शोच्या अखेरीस त्यांनी प्रश्नोत्तराच्या सत्रामध्ये काही गमतीशीर प्रश्नांची उत्तरे दिली. त्यांचे व्यक्तिमत्त्व स्पष्ट करण्यासाठी “अपारंपरिक” हा शब्द अनेकदा वापरला जात असल्याचे त्यांनी मान्य केले.
15 नोव्हेंबर 2019 रोजी प्रदर्शित होत असलेल्या मोतीचूर चकनाचूर या सिनेमामध्ये नवाजुद्दिन सिद्दिकी व अथिया शेट्टी यांच्या प्रमुख भूमिका आहेत. बायको मिळवण्यासाठी धडपडणाऱ्या 36 वर्षीय पुरुषाची ही कथा आहे.
हॅलोच्या मागील एपिसोडमध्ये तापसी पन्नू व भूमी पेडणेकर यांनी त्यांच्या ‘सांड की आँख’ या सिनेमाबद्दल सांगितले. या एपिसोडनेही अनेकांचे लक्ष वेधून घेतले. हा एक एपिसोड 9,78,000 हून अधिक व्ह्यूजद्वारे असंख्य लोकांपर्यंत पोहोचला. युजर्सनी या एपिसोडचा पुरेपूर आनंद घेतला आणि सिनेमाच्या यशासाठी या कलाकारांना शुभेच्छा दिल्या.
