कार्वी प्रायव्हेट वेल्थने जाहीर केली इंडिया वेल्थ रिपोर्ट 2019 ची 10वी आवृत्ती
- वैयक्तिक गुंतवणूकदारांचा कल भौतिक मालमत्तांकडून वित्तीय मालमत्तांकडे वळत असून, गेल्या 5 वर्षांत वित्तीय मालमत्तांचे प्रमाण 57.25% वरून 60.95% पर्यंत वाढले आहे.
- वित्तीय मालमत्तांमध्ये डायरेक्ट इक्विटीने पहिले स्थान कायम राखले, आर्थिक वर्ष 2019 मध्ये केवळ 6.39% वाढ झालेली असली तरीही.
- 5 ट्रिलिअन डॉलरची अर्थव्यवस्था बनण्याचे भारताचे स्वप्न वैयक्तिक संपत्तीवरही परिणाम करणार असून वैयक्तिक संपत्तीमध्ये सध्याच्या 430 लाख कोटी रुपयांवरून अंदाजे 799 लाख कोटी रुपयांपर्यंत वाढ होणार आहे.
पुणे, ऑक्टोबर 23: कार्वी प्रायव्हेट वेल्थ या कार्वी ग्रुप या आघाडीच्या वित्तीय सेवा समूहाच्या संपत्ती व्यवस्थापन कंपनीने आज ‘इंडिया वेल्थ रिपोर्ट 2019’ची 10वी आवृत्ती जाहीर केली आहे. हा अहवाल भारतातील प्रत्येक व्यक्तीने सर्व संपत्ती वर्गांमध्ये गुंतवलेल्या प्रत्येक रुपयाचा मागोवा घेतो.
गेल्या काही वर्षांच्या तुलनेत संपत्तीमध्ये झालेल्या वाढीची तुलना करता, भारतातील वैयक्तिक संपत्ती आर्थिक वर्ष 19 मध्ये 9.62% वाढून 430 लाख कोटी रुपये झाली आहे. यातील बहुतांश वाढ वित्तीय मालमत्तेमध्ये 10.96% वाढ झाल्याने साध्य झाली आहे, तर या तुलनेत भौतिक संपत्तीमध्ये 7.59% वाढ झाली. डायरेक्ट इक्विटीने गुंतवणुकीचा मोठा हिस्सा आकृष्ट करून आघाडीचे स्थान कायम ठेवले आणि 6.39% वाढ नोंदवली. म्युच्युअल फंड, पेन्शन फंड, पर्यायी गुंतवणूक व आंतरराष्ट्रीय मालमत्ता यांनी चांगली वाढ साध्य केली.
यानिमित्त बोलताना, कार्वी प्रायव्हेट वेल्थचे मुख्य कार्यकारी अधिकारी अभिजीत भावे यांनी सांगितले, “भारतात गुंतवणुकीच्या पर्यायांची निवड करत असताना डायरेक्ट इक्विटीला आजही सर्वाधित प्राधान्य दिले जाते. भारतातील इक्विटी बाजारात किती चढ-उतार आले तरी या बाजारावर असणारा गुंतवणूकदारांचा विश्वास यातून अधोरेखित होतो. 2024 पर्यंत, 5 ट्रिलिअन डॉलरची अर्थव्यवस्था बनण्याच्या भारताच्या लक्ष्याचा सकारात्मक परिणाम वैयक्तिक गुंतवणूकदारांच्या संपत्तीवर दिसून येईल, असे आम्हाला वाटते. पुढील पाच वर्षांत भारतातील एचएनआय लोकसंख्या 1 दशलक्षपर्यंत वाढण्याची शक्यता आहे.”
आर्थिक वर्ष 19 मध्ये, वित्तीय मालमत्तांतीतल वैयक्तिक संपत्तीमध्ये 10.96% वाढ झाली आणि ही संपत्ती आर्थिक वर्ष 18 मधील 236 लाख कोटी रुपयांवरून 262 लाख कोटी रुपयांपर्यंत वाढली. गेल्या वर्षाप्रमाणे, गुंतवणुकीसाठी आघाडीचे 5 पर्याय डायरेक्ट इक्विटी, फिक्स्ड डिपॉझिट, इन्शुरन्स, बचत खाती व रोख असे होते. त्यांचे वित्तीय मालमत्तांमध्ये एकूण योगदान 72.33% होते.
आर्थिक वर्ष 19 मध्ये, भौतिक मालमत्तांमधील वैयक्तिक संपत्ती 7.59% वाढली. त्यामध्ये, सोने व रिअल इस्टेट यांचे एकत्रित योगदान 92.57% होते. या आर्थिक वर्षात, वैयक्तिक गुंतवणूकदारांनी भौतिक स्वरूपातील मालमत्तांमध्ये केलेली एकूण गुंतवणूक 167 लाख कोटी रुपये आहे.
आर्थिक वर्ष 24 पर्यंत, भातातील एकूण वैयक्तिक संपत्ती 13.19% सीएजीआरनुसार वाढून अंदाजे 799 लाख कोटी रुपये होईल, असा अंदाज आहे. सध्या ही संपत्ती 430 लाख कोटी रुपये आहे. वित्तीय मालमत्तांमध्ये होणारी गुंतवणूक 66.11% असेल, तर भौतिक मालमत्तांमध्ये 33.89% गुंतवणूक केली जाईल, असा अंदाज आहे.
कन्झमशनमध्ये वाढ झाली की, पायाभूत सुविधा व हरित ऊर्जा यामध्ये लक्षणीय गुंतवणूक, तसेच कर सुधारणेसारखे नियमनातील बदल, मोठ्या प्रमाणात तरुण मनुष्यबळ यामुळे भारतीय अर्थव्यवस्थेला 5 ट्रिलिअन डॉलरची अर्थव्यवस्था बनण्याचे स्वप्न पूर्ण करण्यासाठी चालना मिळणार आहे. हे लक्ष्य साध्य करण्यासाठी निम-शहरी व ग्रामीण भागाबरोबरच शहरी भागही वाटचाल करणार आहे.
कार्वी प्रायव्हेट वेल्थविषयी
कार्वी प्रायव्हेट वेल्थ ही कार्वी समूहाची वेल्थ मॅनेजमेंट कंपनी असून ती हाय नेट-वर्थ इंडिव्हिज्युअल्सना (एचएनआय) व कुटुंबांना त्यांच्या विशिष्ट गरजांनुसार विशेष व कस्टमाइज्ड संपत्ती व्यवस्थापन सेवा देते. या क्षेत्रातील दिग्गजांचे पाठबळ असलेल्या विविध उत्पादनांमुळे कार्वी प्रायव्हेट वेल्थ येथे परिपूर्ण संपत्ती व्यवस्थापन उपलब्ध आहे. आमच्या ग्राहकांना सुस्पष्ट, तटस्थ व योग्य गुंतवणूक पर्याय देण्याच्या समूहाच्या मतानुसार सेवा दिली जाते. कार्वी प्रायव्हेट वेल्थ 2 स्तरांवरील ओपन आर्किटेक्चर फर्म आहे – संपत्तीवर्गाचा स्तर व उत्पादन स्तर आणि डेट्, इक्विटी, रिअल इस्टेट व पर्यायी संपत्ती अशा सर्व संपत्तीवर्गांमध्ये सर्वंकष गुंतवणूक पर्याय उपलब्ध करते.
कार्वी समूहाविषयी
सन 1982 मध्ये स्थापन झालेला व हैदराबाद येथे मुख्यालय असलेला कार्वी समूह हा भारतातील आघाडीचा वित्तीय सेवा समूह आहे. हा समूह गेल्या काही वर्षांत स्थिरपणे वाटचाल करत असून, विविध प्रकारच्या वित्तीय सेवांसह जागतिक स्तरावर अस्तित्व निर्माण करत आहे. हा समूह विविध व्यवसायांच्या बाबतीत व स्पर्धेच्या बाबतीत आघाडीच्या स्थानी आहे. हा समूह सर्व वित्तीय सेवा समाविष्ट करतो – रजिस्ट्री व शेअरचे हस्तांतर, स्टॉक ब्रोकिंग, वित्तीय उत्पादनांचे (इक्विटी, म्युच्युअल फंड, आयपीओ, बाँड मुदत ठेवी) वितरण, संपत्ती व्यवस्थापन, कॉर्पोरेट फायनान्स, कमॉडिटीज ब्रोकिंग, एनबीएफसी, डाटा मॅनेजमेंट सर्व्हिसेस, इन्शुरन्स ब्रोकिंग, इन्व्हेस्टमेंट ब्रोकिंग व डिपॉझिटरी पार्टिसिपंट.
