महत्त्वाची वैशिष्ट्ये –
गाडीच्या किंमतीच्या पूर्ण 100 टक्के कर्ज, झिरो डाउन पेमेंट, आकर्षक व्याजदर, कर्जाचा कालावधी 36 महिने
दिल्ली– ग्राहकांसाठी रिटेल वित्त पुरवठ्याचे पर्याय विस्तारण्यासाठी होंडा मोटरसायकल अँड स्कूटर इंडिया प्रा. लि. ने आज टाटा कॅपिटल फायनान्सेस सर्व्हिसेस लिमिटेडसारख्या देशातील आघाडीच्या एनबीएफसीबरोबर सामंजस्य करार (एमओयू) केला. देशभरात रिटेल वित्त पुरवठा करण्यासाठी ही भागिदारी करण्यात आली आहे.
भागिदारी औपचारिक करण्यासाठी सामंजस्य करारावर सही करण्याच्या कार्यक्रमात होंडा मोटरसायकल अँड स्कूटर इंडिया प्रा. लि.च्या विक्री आणि विपणन विभागाचे वरिष्ठ उपाध्यक्ष श्री. यदविंदर सिंग गुलेरिया, टाटा कॅपिटल फायनान्सेस सर्व्हिसेस लिमिटेडचे व्यवस्थापकीय संचालक श्री. कुसल रॉय आणि इतर मान्यवर उपस्थित होते.
होंडाच्या नव्या दुचाकी रिटेल वित्त भागिदारीविषयी होंडा मोटरसायकल अँड स्कूटर इंडिया प्रा. लि.च्या विक्री आणि विपणन विभागाचे वरिष्ठ उपाध्यक्ष श्री. यदविंदर सिंग गुलेरिया म्हणाले, ‘वाहनांची किंमत वाढत असताना दुचाकीचे जास्तीत जास्त ग्राहक त्यांची आवडती दुचाकी खरेदी करण्यासाठी वित्तपुरवठ्याचे पर्याय पसंत करत आहेत. बीएस- व्हीआय स्थित्यंतर जवळ आले असल्यामुळे येत्या वर्षात ग्राहकांचा कर्ज घेण्याकडे असलेला कल आणखी वाढेल असे आम्हाला वाटते. अशावेळेस टाटा कॅपिटल फायनान्सेस सर्व्हिसेस लिमिटेडबरोबर केलेली भागिदारी आमच्यासाठी तसेच ग्राहकांना वित्तपुरवठ्याचे सोयीस्कर पर्याय करून देणारी फायदेशीर असेल.’
टाटा कॅपिटल फायनान्सेस सर्व्हिसेस लिमिटेडबरोबर करण्यात आलेला नवा सामंजस्य करार आजपासून अमलात येणार असून होंडाच्या ग्राहकांना आकर्षक व्याजदर, दुचाकीच्या किंमतीच्या 100 टक्के कर्ज, परतफेडीसाठी 36 महिन्यांचा कालावधी, ग्राहकाच्या पात्रतेनुसार कमी ईएमआय योजना असे अतिरिक्त फायदे मिळणार आहेत. पसंतीचे वित्तपुरवठा भागीदार या नात्याने टाटा कॅपिटल होंडा टुव्हीलर्स इंडियाच्यचा ग्राहकांना कमीत कमी कागदपत्रे आणि सरासरी कर्जावर 5 हजार रुपयांच्या अतिरिक्त बचतीसह कर्ज वितरणाचे सोपे आणि जलद पर्याय मिळणार आहेत.
