पुणे – करारो इंडियाच्या 20 व्या वर्धापनदिनानिमित्त आयोजित करण्यात आलेले दोन दिवसीय सेलिब्रेशन, समूहाचे इटलीबाहेरचे पहिले हरित केंद्र आज बंद होईल. याप्रसंगी नव्या उत्पादन जागेची पायाभरणी करण्यात आली असून हे केंद्र सध्या रांजणगाव (पुणे) येथील केंद्राची जागा घेईल आणि त्यामुळे भारतीय कारखान्याला आपली क्षमता लक्षणीय प्रमाणात विकसित करणे शक्य होईल.
‘1400 कर्मचाऱ्यांना सामावून घेणाऱ्या या औद्योगिक केंद्राने उत्पादन सुरू केल्याची 20 वर्ष आज आपण साजरी करत आहोत. हा एक असामान्य आकडा असून, जर आपण विचार केला, तर सर्व इटालियन कारखान्यांमध्ये काम करणाऱ्या करारो कर्मचाऱ्यांची संख्या सारखीच आहे,’ असे समूहाचे अध्यक्ष एन्रिको करारो आपल्या भाषणात म्हणाले – याचा अर्थ स्पष्ट आहे, की भारत हा आमच्या संपूर्ण समूहाच्या भविष्यासाठी अतिशय महत्त्वाचा संदर्भबिंदू आहे आणि राहील.
आज 17 टक्क्यांच्या हिश्श्यासह भारत हा आपल्या समूहासाठी पहिली महत्त्वाची बाजारपेठ आहे. सर्वोत्तम पातळीवर काम करण्याच्या आपल्या संस्कृतीमुळे करारो ब्रँड आपल्यासारख्या क्षेत्रातल्या सर्व महत्त्वाच्या कंपन्यांद्वारे ओळखला जातो व समूहाचा आदर केला जातो. करारो म्हणजे दर्जा, तंत्रज्ञान आणि विश्वासार्हता.
“आजच्या सेलिब्रेशनच्या निमित्ताने पायाभरणीसह सुरू झालेल्या या उत्पादन जागेच्या विस्तारामुळे आम्हाला भारतीय बाजारपेठेसाठी खास डिझाइन करण्यात आलेल्या पोर्टल एक्सेलसारख्या नव्या उत्पादन श्रेणीसाठी क्षमता विस्तार करणे शक्य होईल, असेही एन्रिको करारो म्हणाले. स्थानिक आणि निर्यात बाजारपेठेसाठीचे आमचे कामकाज व सेवांच्या भविष्यकालीन विकासासाठी हा मूलभूत घटक आहे.”
“आज आपण ज्या जागतिक अर्थव्यवस्थेच्या संदर्भात काम करतो, ते अजिबात सोपे नाही याची जाणीव आपल्याला असलीच पाहिजे. विकासाचा निर्देशांक सातत्याने खाली घसरत आहे. आणि भारतासारख्या बाजारपेठेत, जिथे आम्हाला आतापर्यंत कायम उच्च समाधान मिळाले, तिथे शेती तसेच बांधकाम उपकरणे क्षेत्रात अवघड परिस्थिती दिसून येत आहे,” असे एन्रिको करारो म्हणाले. मात्र, इतिहासाने आपल्याला शिकवले आहे, की अशाच परिस्थितीमध्ये भविष्यातल्या विकासाची पायाभरणी करायला हवी.”
नवे उत्पादन केंद्र पाच हजार चौरस मीटर्सची जागा व्यापेल आणि ते 2021 पर्यंत पूर्णपणे कार्यान्वित होईल असे अपेक्षित आहे. त्याअंतर्गत आधुनिक उत्पादन लाइन इन्स्टॉल केली जाईल, जी प्रामुख्याने 75 एचपीपर्यंतचे इंजिन असलेल्या छोट्या ट्रॅक्टर्ससाठी पोर्टल एक्सेल्स तयार करेल. या उत्पादनाला आधीपासूनच भारतीय शेती यंत्रणा उत्पादकांकाडून मान्यता मिळत आहे.
समांतरपणे या विस्तारामुळे अंतर्गत लॉजिस्टिक्सचा प्रभावी वापर होईल, कारण या जागेत आधुनिक पद्धतीने गोदामे बांधली जाणार आहेत. यामुळे ग्राहक सेवा उंचावेल आणि साठ्याच्या पातळीचे वेळेवर व्यवस्थापन शक्य होईल.
उत्पादन जागेच्या पुढील विस्तार प्रक्रियेचा हा केवळ एक तुकडा असेल, ज्यामुळे आजची श्रेणी नव्या उत्पादनांसह जास्त समृद्ध होईल व पर्यायाने तीन वर्षांत स्थानिक कामकाजामध्ये 50 टक्क्यांची वाढ होईल.
गेल्या 20 वर्षांत भारतीय कारखान्यामध्ये 100 दशलक्ष युरोपेक्षा जास्त गुंतवणूक. 2023 पर्यंत कामकाजाचे आधुनिकीकरण आणि स्थानिक कारखान्यांच्या विस्तारासाठी 20 दशलक्ष युरोंची गुंतवणूक करणे अपेक्षित.
करारो समूह – प्रोफाइल
करारो हा एक आंतरराष्ट्रीय समूह असून तो ऑफ- हायवे गाड्या आणि खास ट्रॅक्टर्ससाठी लागणाऱ्या ट्रान्समिशन यंत्रणा क्षेत्रात अग्रेसर आहे. 2018 मध्ये समूहाची एकत्रित उलाढाल 624 दशलक्ष युरोज होती.
समूहाचे कामकाज दोन व्यावसायिक शाखांमध्ये विभागण्यात आले आहे.
– ड्राइव्ह यंत्रणा
– करारो ड्राइव्ह टेक आणि एसआयएपी या उपकंपन्यांद्वारे समूह डिझाइन, उत्पादन आणि ट्रान्समिशन यंत्रणेच्या विक्री (अक्सेल्स, टान्समिशन्स आणि ड्राइव्ह) प्रामुख्याने शेती आणि बांधकाम उपकरणांसाठी केली जाते तसेच वाहन उद्योगापासून साहित् हाताळणी, शेती उपकरणे आणि बांधकाम उपकरणे यांसारख्या वैविध्यपूर्ण क्षेत्रांसाठी गियर्सच्या मोठ्या श्रेणीचे विपणन केले जाते.
– ट्रॅक्टर्स
करारो अग्रीतालिया या उपकंपनीद्वारे ग्रुप खास प्रकारच्या ट्रॅक्टर्सचे (विनयार्ड्स आणि ऑर्किड्ससाठी 60 ते 100 एचपीपर्यंत) डिझाइन आणि उत्पादन करतो. जॉन डिअरे, मॅसे फर्ग्युसन आणि क्लास यांसारख्या थर्ड पार्टी ब्रँड्ससाठी हे उत्पादन केले जाते तसेच खास स्वतःच्या ब्रँडच्या श्रेणीसाठी अग्रीतालिया नाविन्यपूर्ण ट्रॅक्टर श्रेणीसाठी अभियांत्रिकी सेवा पुरवते.
समूहाची होल्डिंग कंपनी करारो एस. पी. ए. इटालियन शेअर बाजारात 1995 पासून (सीएआरआर. एमआय) नोंदली गेलेली असून तिचे मुख्यालय काम्पोदार्सेगो (पॉडा) येथे आहे. 30 जून 2019 रोजी समूहाची एकूण कर्मचारी संख्या 3196 असून त्यापैकी 1479 इटलीमध्ये – इटलीतील उत्पादन केंद्रांत (3), भारत (2), चीन, अर्जेंटिना आणि ब्राझील येथे कार्यरत आहेत.
