मुंबई– सार्वजनिक क्षेत्रातील भारतातील आघाडीची बँक असलेल्या बँक ऑफ बडोदाने ह्युदांई मोटर्स इंडिया लि. या देशातील पहिल्या स्मार्ट मोबाइल सोल्यूशन्स तसेच सर्वात मोठ्या निर्यातदार कंपनीबरोबर पसंतीचे वित्त पुरवठादार (प्रीफर्ड फायनान्सर) म्हणून सामंजस्य करार (एमओयू) केल्याचे जाहीर केले.
बँक ऑफ बडोदाचे व्यवस्थापकीय संचालक आणि मुख्य कार्यकारी अधिकारी श्री. पी. एस. जयाकुमार आणि ह्युदांई मोटर्स इंडिया लि.चे व्यवस्थापकीय संचालक आणि मुख्य कार्यकारी अधिकारी श्री. सिऑन सिओब किम यांनी कागदपत्रांवर सह्या केल्या.
ओरिजनल इक्विपमेंट मॅन्युफॅक्चरर (ओईम) (मूळ भागांचे उत्पादक) कंपनीसोबत बँक ऑफ बडोदाने अशाप्रकारची पहिलीच भागिदारी केली असून त्याअंतर्गत वितरक आणि ग्राहकांना तपशीलवार आर्थिक आराखडा मिळेल तसेच ह्युदांई मोटर्स इंडिया लि. च्या देशभरातील नेटवर्कमुळे बँकेचे अस्तित्वही विस्तारेल. वितरक वित्तपुरवठा बँकेच्या सध्याच्या पुरवठा साखळी वित्त उत्पादनानुसार केला जाईल.
या भागिदारीबाबत बँक ऑफ बडोदाचे व्यवस्थापकीय संचालक आणि मुख्य कार्यकारी अधिकारी श्री. पी. एस. जयाकुमार म्हणाले, ‘ह्युंदाई मोटर्स इंडिया लि. सारख्या आघाडीच्या प्रवासी वाहन उत्पादक कंपनीबरोबर सहकार्य करताना आम्हाला आनंद होत आहे. आम्ही वाहन उद्योगाला पाठिंबा देण्यासाठी प्रयत्नशील असून या उद्योगाच्या भविष्याबाबत सकारात्मक आहोत. वाहन कर्ज/वितरक वित्त/व्यावसायिक वित्त क्षेत्रात भरपूर संधी असून या करारामुळे बाजारपेठेतील आमचे अस्तित्व विस्तारेल अशी खात्री वाटते.’
सामंजस्य करारावर सही करण्याच्या कार्यक्रमात ह्युदांई मोटर्स इंडिया लि.चे व्यवस्थापकीय संचालक आणि मुख्य कार्यकारी अधिकारी श्री. सिऑन सिओब किम म्हणाले, ‘बँक ऑफ बडोदासारख्या भारतातील सार्वजनिक क्षेत्रातील आघाडीच्या बँकेबरोबर करार करताना आम्हाला अभिमान वाटत आहे. यामुळे ग्राहक तसेच वितरकांना नव्या युगातील बँकिंग आणि वित्त उत्पादने उपलब्ध होतील. या करारामुळे आमचे वितरक भागीदार त्यांच्या इनव्हेंटरी निधीबाबतच्या गरजा प्रभावीपणे पूर्ण करू शकतील याची आम्हाला खात्री वाटते.’
