पुणे: आयसीआयसीआय बँकेने आर्थिक वर्ष 20 मध्ये, महाराष्ट्रातील रिटेल लोनचे वितरण वार्षिक 20%, म्हणजे 13,000 कोटी रुपयांपर्यंत वाढवणार असल्याचे आज जाहीर केले आहे. या आर्थिक वर्षात, राज्यातील कन्झ्युमर लोन, मॉर्गेज लोन व अॅग्री लोन या रिटेल लोन्सच्या श्रेणींमध्ये झपाट्याने वाढ होणार आहे. (मुंबई शहर व उपनगरे बँकेच्या मुंबई प्रदेशाचा भाग असल्याने त्यांचा समावेश या घोषणेमध्ये करण्यात आलेला नाही)
बँकेने पर्सनल, कार व टू-व्हीलर, कमर्शिअल व्हेइकल व गोल्ड लोन यांचा समावेश असणाऱ्या कन्झ्युमर लोनच्या वितरणामध्ये आर्थिक वर्ष 19 च्या तुलनेत आर्थिक वर्ष 20 मध्ये 22% म्हणजे 4,500 कोटी रुपयांपर्यंत वाढ करून ही वाढ साध्य करायचे ठरवले आहे. याचबरोबर, बँक मॉर्गेज लोनच्या वितरणात 11% म्हणजे 4,200 कोटी रुपयांपर्यंत वाढ करणार आहे.
“गेल्या काही वर्षांत महाराष्ट्रात रिटेल कन्झ्युमर लोन्समध्ये लक्षणीय वाढ झाली आहे. राज्याची अर्थव्यवस्था झपाट्याने प्रगती करत आहे आणि आर्थिक वर्ष 20 मध्ये राज्यात रिटेल लोनच्या वितरणामध्ये 20% म्हणजे 13,000 कोटी रुपयांहून अधिक वाढ होईल, असा अंदाज आहे. राज्यात कन्झ्युमर लोन्स, होम लोन्स व अॅग्री लोन्स यामध्ये वाढ करण्यावर आम्ही भर देत आहोत”, असे आयसीआयसीआय बँकेचे कार्यकारी संचालक अनुप बागची यांनी सांगितले.
“ग्राहकांना तंत्रज्ञान-प्रणित तातडीने कर्जे देणे आणि आमची उत्पादने टिअर 2 व 3 शहरांत उपलब्ध करणे, यामुळे या वाढीला मोठी चालना मिळणार आहे. आमच्या तंत्रज्ञानाच्या क्षमतेच्या आधारे आम्ही आता पूर्व-मंजूर ग्राहकांना डिजिटल चॅनलद्वारे होम लोन, इन्स्टंट पर्सनल लोन व ऑटो लोन यांना तातडीने मंजुरी देतो,“ असे बागची म्हणाले.
मॉर्गेज पोर्टफोलिओमध्ये, अफोर्डेबल हौसिंग श्रेणीच्या वाढीला चालना देण्यावर भर दिला जाणार आहे. अफोर्डेबल हौसिंग श्रेणीमध्ये, बँक सोलापूर, अहमदनगर, नाशिक, नागपूर या शहरांवर आणि पुण्याच्या बाह्यभागावर – तळेगाव, चाकण, मोशी, वाघोली, भर देत आहोत. बँक होम लोनचा विस्तारही मोठ्या प्रमाणात क्षमता असणाऱ्या नागपूर, नाशिक, कोल्हापूर व सातारा या टिअर 2 व 3 शहरांत करत आहे.
बागची यांनी नमूद केले, “आम्ही आर्थिक वर्ष 20 मध्ये महाराष्ट्रातील मॉर्गेज लोन वितरणाचे प्रमाण 11% म्हणजे 4,200 कोटी रुपयांपर्यंत वाढवायचे ठरवले आहे. यास चालना देण्यासाठी, आम्ही बहु-आयामी धोरण अवलंबले आहे. यामध्ये, अफोर्डेबल हौसिंग श्रेणीवर भर, टिअर 2 व 3 शहरांत विस्तार आणि क्रेडिट प्रोसेसिंग सेंटर्सच्या संख्येत वाढ (झटपट निर्णय घेण्यासाठी व होम लोनच्या वितरणासाठी) यांचा समावेश आहे. एक कोटी रुपयांपर्यंतच्या होम लोनला तातडीने डिजिटल पद्धतीने होम लोन मिळण्यासाठी आम्ही या क्षेत्रातील पहिली सुविधा नुकतीच जाहीर केली आहे. हा तंत्रज्ञान-प्रणित उपक्रम पूर्व-मंजुरी मिळालेल्या आमच्या लाखो ग्राहकांसाठी उपलब्ध आहे.”
ग्राहकांसाठी होम लोन वितरणाची प्रक्रिया जलद व सोयीची करण्यासाठी बँकेने रत्नागिरी, तळेगाव, अहमदनगर, अमरावती, धुळे व खोपोली या नव्या सहा शहरांमध्ये क्रेडिट प्रोसेसिंग युनिटची संख्या वाढवण्याचे नियोजन केले आहे.
पर्सनल लोन्सविषयी बोलताना बागची यांनी सांगितले की, बँकेला ‘इन्स्टा पीएल’ या इन्स्टंट उत्पादनाला भरघोस प्रतिसाद मिळत आहे. “या सुविधेद्वारे आमच्या पूर्व-मंजूर ग्राहकांना पर्सनल लोनसाठी अर्ज करता येऊ शकतो आणि तातडीने त्यांच्या खात्यात पैसे जमा होऊ शकतात. याचबरोबर, कोल्हापूर, सांगली, सोलापूर, हिंगोली, भंडारा व उस्मानाबाद अशा टिअर 2 शहरांत/जिल्ह्यांत पगारदार व स्वयंरोजगार असणाऱ्या व्यक्तींकडून पर्सनल लोनसाठी चांगला प्रतिसाद मिळाला आहे.
ऑटो लोनविषयी त्यांनी सांगितले, “पूर्णतः डिजिटल पद्धतीने, आमच्या लाखो ग्राहकांना मंजुरीचे पत्र तातडीने देण्यासाठी आम्ही नुकतेच पूर्व-मंजूर ‘इन्स्टा ऑटो लोन’ जाहीर केले आहे.”
आयसीआयसीआय बँक उद्योजकांसाठी आणि मायक्रो स्मॉल अँड मीडिअम एंटरप्राइज (एमएसएमई) उद्योगांसाठी नावीन्यपूर्ण डिजिटल सेवा देण्यावरही भर देत आहे. यामुळे त्यांना व्यवसाय करणे सुलभ होते व व्यवसायाचा विस्तार करण्याच्या संधींचा लाभ घेता येतो.
बँक आपल्या सेल्फ हेल्प ग्रुप (एसएचजी) कार्यक्रमाद्वारे महाराष्ट्रातील ग्रामीण महिलांमधील उद्योजकतेला उत्तेजन देत आहे आणि बँकेने अंदाजे 2,500 कोटी रुपयांहून अधिक रकमेचे कर्ज वितरित केले आहे व 12 लाखांहून अधिक महिलांना लाभ दिला आहे. आर्थिक वर्ष 20 च्या अखेरीपर्यंत, बँकेने 15 लाखांहून अधिक महिला लाभार्थींपर्यंत पोहोचण्याचे आणि एकूण 3,000 कोटी रुपयांच्या कर्जाचे वितरण करण्याचे उद्दिष्ट ठेवले आहे.
आयसीआसीआय ग्रुप महाराष्ट्र राज्यामध्ये आयसीआयसीआय अकॅडमी फॉर स्किल्सद्वारे गरजू युवकांना मोफत व्यावसायिक प्रशिक्षण देत आहे. अकॅडमीची महाराष्ट्रात मुंबई, पुणे, नागपूर व नरसोबावाडी येथे चार केंद्रे आहेत आणि राज्यातील 24,900 हून अधिक गरजू युवकांना व्यावसायिक प्रशिक्षण देण्यात आले आहे. आर्थिक वर्ष 20 मध्ये, शाश्वत रोजगार मिळवण्याच्या हेतूने अकॅडमी 27,000 हून अधिक युवकांना प्रशिक्षित करणार आहे.
वंचित व गरजू युवकांना ‘विक्री कौशल्ये’, ‘कार्यालय प्रशासन’, ‘इलेक्ट्रिकल व होम अप्लायन्सेस दुरुस्ती’, ‘रेफ्रिजरेटर व एअर-कंडिशनिंग दुरुस्ती’, ‘पंप व मोटर दुरुस्ती’, ‘असिस्टंट ब्युटी थेरपीस्ट’, व ‘होम हेल्थ एडी’ अशा कौशल्यांचे प्रशिक्षण देण्याचे महाराष्ट्रातील स्किल अकॅडमी सेंटर्सचे उद्दिष्ट आहे. दरवर्षी 125 हून अधिक बॅचना प्रशिक्षण देण्याची सेंटर्सशी क्षमता आहे. नागपूरमधील अकॅडमी केवळ महिला प्रशिक्षणार्थींना सामावून घेते.
