मुंबई: भारतातील दुसऱ्या क्रमांकाची सरकारी बॅंक असलेल्या बॅंक ऑफ बडोदातर्फे एलजीइलेक्ट्रॉनिक्स इंडिया प्रा. लि.शी एक सामंजस्य करार करण्यात आला आहे. या बॅंकेच्या 112 व्यावर्धापनदिनानिमित्त दोन्ही संस्थांमध्ये सुरू असलेली व्यावसायिक भागीदारी यामुळे बळकट होणार असल्याचेयावेळी सांगण्यात आले. या प्रसंगी बँक ऑफ बडोदाच्या वरिष्ठ व्यवस्थापकांच्या उपस्थितीत बँक ऑफ बडोदाचेव्यवस्थापकीय संचालक व मुख्य कार्यकारी अधिकारी पी. एस. जयकुमार आणि एलजी इलेक्ट्रॉनिक्स इंडियाचेमुख्य आर्थिक अधिकारी सू चियोल किम यांनी या सामंजस्य करारावर स्वाक्षऱ्या केल्या.
एलजीच्या विक्रेत्यांचे व उप विक्रेत्यांचे मोठे नेटवर्क, डेबिट व क्रेडिट कार्डांवर आधारित ईएमआयची परवडणारीसोल्यूशन्स आणि बँकेचे 7 कोटींहून अधिक डेबिट कार्डधारक यांची सांगड घालून काही व्यावसायिक प्रस्तावांवरकाम करण्यास या दोन्ही संस्थांनी सहमती दर्शविली आहे. करारातील इतर व्यावसायिक प्रस्तावांमध्ये, एलजीच्या कर्मचाऱ्यांना गट विमा उत्पादनांसह बँकेची किरकोळ कर्जांची उपलब्धता आणि बॅंक ऑफ बडोदाच्याकर्मचाऱ्यांना एलजीची उत्पादने मिळणे अशा काही तरतुदींचा समावेश आहे. एलजीच्या विक्रीमधील पन्नासटक्क्यांहून अधिक वाटा उचलणाऱ्या तिच्या वितरकांच्या मोठ्या जाळ्याचा लाभ बॅंक ऑफ बडोदाच्या 12 कोटींहून अधिक ग्राहकांना मिळण्याच्या दृष्टीने ही भागिदारी महत्त्वाची ठरणार आहे.
बँक ऑफ बडोदाचे व्यवस्थापकीय संचालक व मुख्य कार्यकारी अधिकारी पी. एस. जयकुमार या प्रसंगी म्हणाले, “दोन्ही संघटनांमधील व्यवसायातील वाढ, उत्पादकता आणि नफा यांचा समन्वय साधण्यासाठी एलजीबरोबरसंयुक्तपणे काम करण्यास आम्ही वचनबद्ध आहोत. एलजीसारख्या आघाडीच्या संस्थेची सर्वसमावेशकव्यावसायिक भागीदारी आम्हाला बिझनेस-टू-बिझनेस (बी 2 बी) संबंध निर्माण करण्यात मदत करेल. याभागिदारीमुळे आमच्या ग्राहकांना एलजीची उत्पादने घेताना खरेदी प्रक्रियेत सुधारणा आढळून येईल, तसेच याप्रक्रियेचा एकंदर खर्च कमी करणे, नाविन्यपूर्ण उत्पादने उपलब्ध होणे आणि सेवा-वितरण त्वरित मिळणे यांचालाभ होणार आहे.“
एलजी इलेक्ट्रॉनिक्स इंडिया प्रायव्हेट लिमिटेडचे मुख्य आर्थिक अधिकारी सू चेओल किम म्हणाले, “आम्हीनेहमीच नवीन उपक्रमांवर आणि आमच्या ग्राहक व व्यावसायिक भागीदारांना भिन्न उत्पादने, सेवा देण्यावरविश्वास ठेवतो. बँक ऑफ बडोदाच्या सहकार्याने नवीन व्यवसाय विस्ताराच्या दृष्टीने एलजी आणि अँड बँक ऑफबडोदा या दोन्ही संस्थांसाठी हा मोठ्या लाभाचा प्रस्ताव असेल. ही सामरिक भागीदारी आमच्या ग्राहकांना विविधस्वरुपाच्या आकर्षक योजना मिळण्यात साह्यकारी ठरेल, तसेच आमच्या चॅनेल भागीदारांना सोपेपणाने कर्जांचेपर्याय प्रदान करेल. एलजी इलेक्ट्रॉनिक्स आणि बँक ऑफ बडोदा या दोन्ही संस्थांच्या कर्मचाऱ्यांना एकमेकांच्याउत्पादनांचा व सेवांचा विशेष लाभ मिळवून देणारी ही सुवर्णसंधी असणार आहे. ”
बँक ऑफ बडोदाबद्दल :
बँक ऑफ बडोदाची स्थापना 20 जुलै 1908 मध्ये झाली. गुजरातमधील वडोदरा येथे (पूर्वीचे बडोदा) मुख्यालयअसलेली ही सरकारी बँकिंग आणि वित्तीय सेवा संस्था आहे.
बँक ऑफ बडोदा ही भारतात सर्वत्र पसरलेली आणि स्वयं-सेवा वाहिन्यांचे पाठबळ असलेली तिसऱ्या क्रमांकाचीमोठी बॅंक आहे. बँकेच्या वितरण नेटवर्कमध्ये 9,500हून अधिक शाखा, 13,400हून अधिक एटीएम आणि1,200हून अधिक स्वयं-सेवा देणाऱ्या ई-लॉबी समाविष्ट आहेत. या बॅंकेच्या २१ देशांमध्ये १०० शाखा वउपकंपन्यांची कार्यालये आहेत. त्या माध्यमांतून बॅंक आंतराष्ट्रीय स्वरुपाचे कामकाज करते. बीओबीफायनान्शियल सोल्यूशन्स लिमिटेड (आधीचे बीओबी कार्ड्स लि.), बीओबी कॅपिटल मार्केट्स आणि बीओबीअॅसेट मॅनेजमेन्ट कंपनी लिमिटेड अशा बॅंकेच्या उपकंपन्या आहेत. इंडिया फर्स्ट लाईफ इन्शुरन्स याकंपनीबरोबर बॅंक ऑफ बडोडाने आयुर्विम्याबाबत संयुक्त उद्योग सुरू केला आहे. नैनिताल बँकेत बँक ऑफबडोदाची 98.57 टक्के मालकी आहे. बडोदा उत्तर प्रदेश ग्रामीण बँक, बडोदा राजस्थान ग्रामीण बँक आणि बडोदागुजरात ग्रामीण बँक या तीन प्रादेशिक ग्रामीण बँकादेखील बँकेने प्रायोजित केल्या आहेत.
एलजी इलेक्ट्रॉनिक्स इंडिया प्रायव्हेट लिमिटेड बद्दलः
एलजी इलेक्ट्रॉनिक्स इंडिया प्रा. लि., ही दक्षिण कोरियातील एलजी इलेक्ट्रॉनिक्स या कंपनीच्या मालकीचीउपकंपनी आहे. भारतात तिची स्थापना जानेवारी 1997 मध्ये झाली. इलेक्ट्रॉनिक्सच्या ग्राहकोपयोगी वस्तू वउपकरणे, एचव्हीएसी, आयटी हार्डवेअर आणि मोबाईल कम्युनिकेशन्स या क्षेत्रातील हा अत्यंत लोकप्रिय व मोठाब्रॅंड आहे. गेल्या दशकभरात, एलजीने भारतात प्रीमियम ब्रँड हे स्थान मिळवलेले आहे. तसेच या उद्योगामध्ये याकंपनीने काही ट्रेन्ड्स निर्माण केलेले आहेत. एलजीच्या जगभरातील सर्व कारखान्यांमध्ये ग्रेटर नोएडा येथीलएलजीईआयएलचा कारखाना हा सर्वात पर्यावरणपूरक असा ठरला आहे.या कंपनीचा दुसरा पर्यावरणपूरककारखाना पुण्याजवळ रांजणगाव येथे आहे. येथे एलईडी टीव्ही, वातानुकूलन आणि व्यावसायिक वातानुकूलनयंत्रणा, वॉशिंग मशीन, रेफ्रिजरेटर, मॉनिटर्स, ऑडिओ, वॉटर प्युरिफायर, एअर प्यूरिफायर आणि डिझायनरसिलिंग फॅन तयार करण्यात येतात.
