तीन वर्षांत होंडा इंटेलेक्च्युअल प्रॉपर्टी राइट्स एनफोर्समेंट टीमने भारतभरात जप्त केले
दोन कोटी रुपये किंमतीचे 94 हजार सुटे भाग
दिल्ली– उच्च दर्जाचा मालकी अनुभव, उत्पादनाची विश्वासार्हता आणि देशभरातील 43 दशलक्ष ग्राहकांनी टाकलेला विश्वास जपण्यासाठी होंडा मोटरसायकल अँड स्कूटर इंडिया प्रा. लि. ने देशभरात बनावट सुटे भाग विकणारे व्यापारी आणि उत्पादकांवर धाड मोहिमांची मालिका राबवली.
ग्राहकाची सुरक्षिततेला सर्वोच्च प्राधान्य असल्यामुळे होंडा टुव्हीलर्स इंडियाने 2017 मध्ये आपल्या आंतरराष्ट्रीय आयपीआर तज्ज्ञांच्या नेतृत्वाखाली नवी इंटेलेक्च्युअल प्रॉपर्टी राइट्स एनफोर्समेंट (आयपीआर) टीम तयार केली आहे. तेव्हापासूनच ‘होंडा जेन्युइन पार्ट्स’(एचजीपी) अभियानाने होंडाचे बनावटी सुटे भाग विकणारे व्यापारी, उत्पादक आणि पुरवठादारांविरोधात आक्रमकपणे पावले उचलत गुन्हेगारी कारवाई करण्याची सुरुवात केली आहे.
यापुढचे पाऊल म्हणून होंडाने स्थानिक पोलिसांच्या मदतीने दिल्ली आणि कटक येथे जून 2019 मध्ये अनाधिकृत सेवा केंद्रांविरोधात चार यशस्वी धाड मोहीमा राबवत एकूण 10,462 बनावट भाग ताब्यात घेतले. त्यात बनावट सुटे भाग, अक्सेसरीज, विविध प्रकारचे बनवाटी रंग, स्कूटर गार्ड संच, 49 लाख रुपये किंमतीचे नकली पॅकेजिंग उपकरण आणि लेबल प्रिंटिंग उपकरण यांचा समावेश होता.
होंडाने बावना औद्योजिक परिसर आणि करोल बाग बाजारपेठ परिसरातील बनावट वस्तू आणि अक्सेसरीजच्या वितरकांविरोधात केलेल्या तक्रारीनंतर दिल्ली पोलिसांनी दोन धाडी टाकल्या.
कटक (ओडिशा) येथे झालेल्या 2 स्वतंत्र धाड मोहिमांमध्ये पोलिसांनी सेक्टर 9 आणि चांदी रस्ता येथे होंडाच्या खोट्या ब्रँड नावाअंतर्गत चालवल्या जाणाऱ्या दोन सेवा केंद्रावर धाड घालत मालकाला अटक केली.
होंडाच्या आयपीआर एनफोर्समेंट टीमने आपल्या स्थापनेनंतर गेली तीन वर्ष स्थानिक पोलिस व शोध संघटनांबरोबर काम करत आहे. आतापर्यंत प्रमुख शहरांमध्ये 15 यशस्वी धाडी घालण्यात आल्या असून या शहरांत दिल्ली, बेंगळुरू, चेन्नई, हैद्राबाद, सिकंदराबाद, गांधीनगर, मुंबई, अहमदाबाद, कटक आणि गांधी हसारू (गुरगाव) यांचा समावेश आहे. यात एकूण 94 हजार बनावट सुटे भाग, अक्सेसरीज आणि इतर वस्तूंचा समावेश असून त्यांची किंमत तब्बल दोन कोटी रुपये आहे. बाजारपेठेतून मिळणाऱ्या माहितीच्या आधारे होंडा आयपीआर एनफोर्समेंट टीमने वाहन उद्योग परिसर तसेच वाहनांचे सुटे भाग पुरवणाऱ्या हबमधील नकली रिटेलर्स/पुरवठादार यांच्यावर धाडी घातल्या असून 2017 मधील तीन धाडींनंतर अलीकडे कार्यवाही तीव्र करत 2019 च्या केवळ सहा महिन्यांत 6 धाडी घातल्या आहेत.
भविष्यातही होंडा आपल्या ग्राहकांचे बनवाट, नकली आणि खोट्या भागांपासून संरक्षण करण्यासाठी बनावट व्यापारी, पुरवठादार आणि उत्पादकांवर अशाचप्रकारे आक्रमक कारवाई करत राहाणार आहे.
त्याशिवाय होंडाने आपल्या ग्राहकांना केवळ होंडाचे अस्सल सुटे भाग घेण्याचे आवाहन केले असून हे भाग होंडाच्या भारतभरातील अधिकृत दालनांत, सेवा केंद्रात तसेच वितरकांकडे सहज उपलब्ध असतात. आमच्या मूल्यवान ग्राहकांची सुरक्षितता लक्षात घेत होंडाने त्यांना केवळ होंडाचेच अस्सल सुटे भाग वापरण्याचे आवाहन केले आहे, कारण हे भाग कठोर निकष वापरून होंडाच्या जागतिक दर्जानुसार बनवलेले असतात.
होंडाच्या सर्व अस्सल भागांवर उच्च सुरक्षा दर्शवणारे एमआरपी लेबल दिलेले असते. या लेबलशी छेडछाड करणे शक्य नसल्यामुळे तसेच त्यावर असलेल्या सुरक्षा सुविधायुक्त होलोग्राममुळे ते अस्सल आहे की नकली हे सहजपणे ओळखता येते. होंडाचे अस्सल भाग कसे ओळखावे याचे तपशील https://www.honda2wheelersindia.com/services/how-to-idendify-honda-genuine-parts वर देण्यात आले आहेत.
या एचजीपी अभियानामध्ये ‘प्रामाणिक व्हा, प्रामाणिक खरेदी करा’ या तत्वाचा डिपार्टमेंट ऑफ इंडस्ट्रीयल पॉलिसी अँड प्रमोशन (डीआयपीपी), कंट्रोलर जनरल ऑफ पेटंट डिझाइन अँड ट्रेडमार्क्स, जपान चेंबर ऑफ कॉमर्स आणि इंडस्ट्री इन इंडिया, भारतीय कस्टम्स आणि काही राज्यांच्या पोलिस खात्यांबरोबर बैठकीद्वारे प्रचार करण्यात येत आहे.
