मुंबई– होंडा मोटरसायकल अँड स्कूटर इंडिया प्रा. लि. ने आज पश्चिम भारतातील 19 वर्षांच्या कालावधीत तब्बल 11 दशलक्ष ग्राहकसंख्येचा महत्त्वाचा टप्पा पार केला.
दर्जा आणि वेगासह पश्चिम भारतातील ग्राहकांचे समाधान
होंडा टुव्हीलर्स इंडिया हा पश्चिम भागातील पहिल्या क्रमांकाचा दुचाकी ब्रँड आहे. होंडाने आपल्या कार्यकाळाच्या पहिल्या 14 वर्षांत 5.5 दशलक्ष ग्राहक मिळवले. त्यानंतर गेल्या केवळ चारच वर्षांत ही संख्या तिपटीने वाढवत होंडाने आणखी 5.5 दशलक्ष ग्राहक मिळवले आहेत. होंडा टुव्हीलर्स इंडिया आता गुजरात, महाराष्ट्र आणि गोवा या पश्चिम राज्यांतील 11 दशलक्ष ग्राहकांना सफरीचा आनंद देत आहे.
होंडाच्या या महत्त्वपूर्ण कामगिरीविषयी होंडा मोटरसायकल अँड स्कूटर इंडियाच्या विक्री आणि विपणन विभागाचे वरिष्ठ उपाध्यक्ष – श्री. यदविंदर सिंग गुलेरिया म्हणाले, ‘आमच्या ब्रँडवर सातत्याने प्रेम आणि विश्वासाचा वर्षाव केल्याबद्दल पश्चिम भारतातील 11 दशलक्ष ग्राहकांचे आम्ही आभारी आहोत. गेल्या इतक्या वर्षांत ग्राहकांना होंडाप्रती वाटणारा विश्वास मोठ्या प्रमाणात वाढला असून ‘होंडा जॉय क्लब’ या 100 टक्के डिजिटल लॉयल्टी प्रोग्रॅमच्या माध्यमातून आम्ही ग्राहकांना आणखी आनंद देत आहोत. या उपक्रमाअंतर्गत वेगवेगळ्या भागिदारींद्वारे होंडा करन्सी विविध टचपॉइंट्समध्ये वापरण्यासाठी भरपूर पर्याय दिले जातात.’
गुजरात, महाराष्ट्र आणि गोवा ही तीन राज्ये देशातील एकूण दुचाकी विक्रीमध्ये 15 टक्के योगदान देतात. बाजारपेठेतील 40 टक्के हिश्श्यासह होंडा आर्थिक वर्ष 2015 पासून पश्चिम भारतात आघाडीचे स्थान राखून आहे.
पश्चिम भागातील समाजाप्रती होंडाची बांधिलकी
होंडाने विथलापूर, गुजरात येथे (2016 मध्ये) चौथा कारखाना उभारला असून त्याची वार्षिक क्षमता 1.2 दशलक्ष युनिट्स आहे.
व्यवसायापेक्षाही होंडाला समाजाला आपलीशी वाटणारी कंपनी बनण्याची आकांक्षा असून कंपनीने आतापर्यंत पश्चिम भागात ग्रामीण शिक्षण, महिला सबलीकरण, आरोग्यसेवा, रस्ते सुरक्षा आणि समाज विकास उपक्रमांद्वारे 5.1 लाख नागरिकांचे हित साधले आहे. होंडाने पश्चिम भारतात सात कौशल्य विकास केंद्रे (आयटीआय) दत्तक घेतली असून त्याद्वारे नाशिक, पालघर, धुळे, पुणे, राजकोट, गांधीनगर आणि अहमदाबाद येथील तरुणांना नोकरीसाठी आवश्यक कौशल्ये शिकवली जातात. रस्ता सुरक्षेचा प्रचार करण्यासाठी होंडाने महाराष्ट्रात दोन ट्रॅफिक प्रशिक्षण पार्क्स उभारली आहेत. (येवले आणि ठाणे)
*एसआयएएमचा राज्यानुसार अहवाल (आर्थिक वर्ष 2015- आर्थिक वर्ष 2019)
