मुंबई – सिंगापूरमध्ये मुख्यालय असलेली ग्लोबल इंडियन इंटरनॅशनल स्कूल भारतातील पहिला स्मार्ट कॅम्पस पुणे येथे लाँच करणार आहे. सिंगापूरमध्ये 2018 मध्ये लाँच करण्यात आलेली आंतरराष्ट्रीय पुरस्कारक प्राप्त स्मार्ट कॅम्पसची संकल्पा हडपसर आणि बालेवाडी येथे अमलात आणली जाणार आहे. नव्या पिढीला 21 व्या शतकातील कौशल्ये शिकवण्याच्या उद्दिष्टाने या कॅम्पसची स्थापना करण्यात येणार आहे.
जीआयआयएस भारतात अस्तित्वात असलेल्या कॅम्पसमध्ये समान अध्यापन तंत्र आणि उपक्रम राबवले जाणार असून त्यासाठी येत्या काही वर्षांत 420 कोटी रुपयांची गुंतवणूक केली जाणार आहे.
स्मार्ट कॅम्पसमध्ये स्मार्ट कॅम्पस अध्यापन तंत्रासह विद्यार्थ्यांना शिकवण्यातून मिळणारे निष्कर्ष उंचावण्यासाठी आणि त्यांना भविष्याकरता तयार करण्यासाठी खास वैशिष्ट्ये वापरात आणण्यात आली आहेत.
स्मार्ट कॅम्पसतर्फे जागतिक विद्यार्थी आदानप्रदानासाठी डिजिटल आणि व्हर्च्युअल वर्ग, विद्यार्थ्यांची उपस्थिती व कॅम्पसच्या सुरक्षेसाठी फेशियल रेकग्निशन, संशोधन, कृत्रिम बुद्धीमत्ता, रोबोटिक्स आणि औद्योजिकता स्टुडिओज अशाप्रकारच्या सुविधा विद्यार्थ्यांना उपलब्ध करून दिल्या जातात. विद्यार्थ्यांना नवी कौशल्ये आत्मसात करता यावीत आणि त्यांच्या सर्वांगीण विकासासाठी हरित व शाश्वत शिक्षणाचे वातावरण उपलब्ध व्हावे यासाठी या सुविधा दिल्या जातात.
त्याचबरोबर भारतात पहिल्यांदाच जीआयआयएसद्वारे शालेय स्तरावर क्रीडा विश्लेषण सुरू केले जाणार असून त्याद्वारे विद्यार्थ्यांची माहिती आणि सांख्यिकी माहितीद्वारे मैदानावरील कामगिरीवर देखरेख केली जाईल व ती उंचावण्यासाठी मदत केली जाईल. आंतरराष्ट्रीय स्तरावर बास्केटबॉल आणि सॉकर या खेळांच्या संघांसाठी हे तंत्र वापरले जाते.
पुण्यात सुरू होणार असलेल्या भारताच्या पहिल्या स्मार्ट कॅम्पसविषयी जीआयआयएसचे सह- संस्थापक आणि अध्यक्ष श्री. अतुल तैमुर्णीकर म्हणाले, ‘विद्यार्थ्यांना जागतिक मंचावरील आपल्या भविष्याकरता तयार करण्यासाठी स्मार्ट कॅम्पसवर नेक्स्टजेन लर्निंगची निर्मिती करण्यासाठी शिक्षण क्षेत्रात अत्याधुनिक तंत्रज्ञान आणण्यासाठी ग्लोबल इंडियन इंटरनॅशनल स्कूल बांधील आहे.’
विद्यार्थ्यांना 21 व्या शतकातील कौशल्ये आत्मसात करता यावीत यासाठी जीआयआयएसतर्फे कौशल्यांवर आधारित स्टुडिओज सुरू करण्याचे जीआयआयएसचे नियोजन असून त्यात डिजिटल डिझाइन, रेडिओ आणि टीव्ही स्टुडिओ, मेकर स्पेसेस, किंग आणि इतरही बऱ्याच स्टुडिओजचा समावेश असेल व त्यामागे भविष्यातील तंत्रज्ञानाविषयीचे ज्ञान उंचावण्याचा हेतू असेल. शिक्षण आणि अनुभूती उंचावण्यासाठी काहींची खास निवड केली जाणार असून त्यात दृकश्राव्य यंत्रणा, विद्यार्थी व शिक्षकांसाठी स्मार्ट आयडी कार्ड्स, कॅशलेल पेमेंट यंत्रणा, स्मार्ट टॉयलेट्स, मोशन सेन्सर्स इत्यादींचा समावेश असेल.
लोबल इंडियन इंटरनॅशनल स्कूलबद्दल
119 पुरस्कारांचे विजेते ग्लोबल इंडियन इंटरनॅशनल स्कूल (जीआयआयएस) हे उच्चभ्रू आंतरराष्ट्रीय स्कूल्सचे नेटवर्क असून सिंगापूर, मलेशिया, जपान, थायलंड, यूएई, व्हिएतनाम आणि भारतातील 19 कॅम्पसमध्ये मिळून 15 हजार विद्यार्थी शिक्षण घेत आहेत. २००२ मध्ये स्थापन झालेल्या जीआयआयएसद्वारे शिशुगट ते 12 वी पर्यंतच्या विद्यार्थ्यांसाठी आंतरराष्ट्रीय तसेच भारतीय अभ्यासक्रम उपलब्ध करून दिला जातो. यामध्ये इंटरनॅशनल बक्लोरियूट डिप्लोमा प्रोग्रॅम (आयबीडीपी), केंब्रिज आयजीसीएसई, सेंट्रल बोर्ड ऑफ सेकंडरी एज्युकेशन (सीबीएसई) आणि ग्लोबल माँटेसरी प्लस प्रोग्रॅमचा समावेश आहे.
9 जीईएमएस पद्धतीद्वारे तरुण मनांचा विकास करून त्यांचे जागतिन नेते आणि संशोधकांमध्ये रुपांतर करणे हे जीआयआयएसचे ध्येय असून हा एक सर्वांगीण दृष्टीकोन आहे, ज्यामध्ये शिक्षणाची क्रीडा, परफॉर्मिंग आर्ट्स, उद्योजकता आणि व्यक्तिमत्त्व विकासाशी सांगड घालण्यात आली आहे. जीआयआयएस ही ग्लोबल स्कूल्स फाउंडेशनची (जीएसएफ) सदस्य आहे. जीएसेफ ही प्रशासनाचे उच्च मापदंड आणि प्रस्थापित शैक्षणिक निकष यांसाठी जगभरात ओळखली जाते. तिला गेल्या 15 वर्षांत 100 पेक्षा जास्त पुरस्कार मिळालेले आहेत.
