पिनिनफरिना बॅटिस्टा इटलीमध्ये डिझाइन व निर्मिती केलेली आतापर्यंतची सर्वात शक्तिशाली रोड-लिगल कार म्हणून 2020 मध्ये येणार
* 1,900 hp/ 2,300 Nm टॉर्क व झीरो एमिशन यामुळे बॅटिस्टा दोनपेक्षाही कमी सेकंदांमध्ये 100 km/h परंत जाणार, तरीही 120 kWh लि-आयन बॅटरी पॅक असणारी, एकदा चार्ज केल्यावर 450 किमी अंतर जाण्याची क्षमता
* पाओलो पिनिनफरिना म्हणतात, “बॅटिस्टाने स्वप्न प्रत्यक्षात साकारले”. कारण, भविष्यातील सुंदर, नावीन्यपूर्ण, झीरो-एमिशन इलेक्ट्रिक कारच्या नावामध्ये त्यांच्या कुटुंबाचे नाव पहिले लिहिले जाणार आहे
जीनिव्हा – आटोमोटिव्ह कामगिरी, डिझाइन व तांत्रिक सहयोग यातील क्रांती पिनिनफरिना बॅटिस्टा या जगातील पहिल्या लक्झरी इलेक्ट्रिक हायपर परफॉर्मन्स जीटीच्या माध्यमातून समोर आली आहे.पिनिनफरिना कुटुंबाचे दीर्घ काळापासूनचे स्वप्न साकार करणारी आणि प्रचंड क्षमतेसह झीरो एमिशन हे नवे लक्ष्य साध्य करणारी, बॅटिस्टा ही पहिली केवळ पिनिनफरिना नाव असणारी कार आहे आणि ती अप्रतिम कामगिरी करणारी आहे. जीनिव्हातील हायपरकारच्या वर्ल्ड प्रीमिअरमध्ये सुंदर बॅटिस्टाची तीनही मॉडेल सादर करण्यात आली असून ती इलेक्ट्रिक कार कशी असावीत, याचा नवा आदर्श आहेत. तसेच, शुद्ध, ऐटदार व कालातीत इटालियन डिझाइनमध्ये सौंदर्य व कामगिरी यांचे सहसा न आढळणारे मिश्रणही त्यातून स्टायलिश पद्धतीने दिसणार आहे.
2020 मध्ये सादर झाल्यानंतर, बॅटिस्टा ही इटलीमध्ये डिझाइन व निर्मिती झालेली आजवरची सर्वात शक्तिशाली कार असेल आणि ती इंटर्नल कम्बशन तंत्रज्ञान असणाऱ्या आजच्या कोणत्याही रोड-लिगल स्पोर्ट्स कारला शक्य नसेल अशी उच्च कामगिरी करेल. सध्याच्या फॉर्म्युला 1 रेस कारपेक्षा वेगवान असणारी आणि 0 -100 km/h सब-टू सेकंड स्प्रिंट आणि 1,900 hp व 2,300 Nm टॉर्क असणारी बॅटिस्टा झीरो एमिशन पॅकेजमध्ये उत्कृष्ट अभियांत्रिकी व तंत्रज्ञान यांची सांगड घालणार आहे.
2020 हे वर्ष पिनिनफरिना एसपीए डिझाइन हाउसच्या 90व्या वर्धापनदिनाचे वर्ष असून, या डिझाइन हाउसने बॅटिस्टासाठी डिझाइन ब्रिफ घेतले आणि सर्वोत्कृष्ट पिनिनफरिनाची निर्मिती केली: अप्रतिम कामगिरी करण्यासाठी कारची नावीन्यपूर्ण अभियांत्रिकी सुरळीतपणे एकात्मिक करणारे आकर्षक स्वरूप. 1947 मध्ये किसिटालिया 202 नावाने आणि त्यानंतर 100 हून अधिक फरारीमध्ये आणि या दशकात दाखल करण्यात आलेल्या सर्वात अलीकडच्या कारमध्ये आढळलेले क्लासिक पिनिनफरिना कार्समध्ये आढळणारे स्वरूप व कार्यपद्धतीचे डिझाइनविषयक तत्त्व हेच आहे.
पिनिनफरिना बॅटिस्टाचे ऑटोमोटिव्ह इतिहासातील स्थान त्याच्या नावामुळे अधोरेखित झाले आहे. पूर्णतः इलेक्ट्रिक, झीरो-एमिशन, केवळ पिनिनफरिना ब्रँडेड लक्झरी कार या बाबतीतील ही पहिली कार असून, ती संस्थापक बॅटिस्टा, त्यांचा मुलगा सर्जिओ व नातू व पिनिनफरिना एसपीए अध्यक्ष पाओलो यांचे स्वप्न साकार करणारी आहे.
हा अपूर्व नवा ब्रँड आहे आणि त्याची पहिली कार भूतकाळाशी भावनिक धागा असणारी, वर्तमानासाठी महत्त्वाची असणारी व उज्वल भविष्यासाठी क्षमता असणारी आहे – बॅटिस्टाचे डिझाइन कालातीत आहे आणि एक उत्तम कलाकृती आहे.
ऑटोमोबिली पिनिनफरिनाचे मुख्य कार्यकारी अधिकारी मायकल पर्श्के यांनी सांगितले: “ही अत्यंत आकर्षक व खरी ऑटोमोटिव्ह यशोगाथा आहे. बॅटिस्टा ही भूतकाळातील उल्लेखनीय परंपरेपासून प्रेरित असणारी भविष्यातील हायपरकार आहे. त्यातील तांत्रिक यशामध्ये व भावनिक आत्मियतेमध्ये खरी प्रेरणा व नावीन्य सामावलेले आहे. इलेक्ट्रिफिकेशनमुळे कामगिरी नवी उंची गाठणार आहे आणि भविष्यात झीरो एमिशन साधणार आहे, तर ऑटोमोटिव्ह इतिहासाबद्दलच्या पॅशन व आदर यामुळे कारचे अनोखे रंगरूप साकारले जाणार आहे. बॅटिस्टा भविष्यातील क्लासिक व ऑटोमोटिव्ह आदर्श असेल, ऑटोमोटिव्ह क्षेत्राच्या इतिहासात स्वतःचे पान सुवर्णक्षरांनी लिहेल, असे आमचे उद्दिष्ट आहे.”
यशाचे गमक आकडेवारी व इतिहास यांच्या पलीकडे आहे. नवी कार कंपनी सादर करण्यासाठी यापूर्वी कधीही एकत्र न आलेले ऑटोमोटिव्ह क्षेत्रातील तज्ज्ञ ऑटोमोबिली पिनिनफरिनासाठी काम करत आहेत आणिपिनिनफरिना एसपीएबरोबर आणि तंत्रज्ञान स्पेशालिस्टबरोबर भागीदारी करत आहेत. याचा परिणाम म्हणजे, बुगाटी विरॉन व चिरॉन, फरारी सर्गिओ, लॅम्बोर्गिनी उरुस, मॅकलॅरन पी1, मर्सिडिज एएमजी-प्रोजेक्ट वन, पगानी झोंडा व पोर्शे मिशन ई अशा कार दाखल करण्यासाठी तयार करण्यात आलेल्या टीमपासून प्रेरणा व कौशल्य घेऊन तयार केलेली बॅटिस्टा पुढील वर्षी दाखल केली जाणार आहे.
दाखल होणार असलेली हायपरकार जगातील ऑटोमोटिव्ह क्षेत्राला तांत्रिक व सौंदर्य या बाबतीत भुरळ घालणार आहे. तसेच, दुर्मिळता हे तिचे ठळक वैशिष्ट्य असणार आहे. इटलीमध्ये जास्तीत जास्त 150 बॅटिस्टाची निर्मिती केली जाईल आणि त्यांचे समान वितरण उत्तर अमेरिका, युरोप व मध्य पूर्व/आशिया येथे केले जाईल. लॉसएंजलिसपासन लंडन, टोकयोपर्यंतच्या जगातील सर्वोत्तम लक्झरी कार रिटेल स्पेशालिस्टच्या मार्फत अप्रतिम ग्राहकसेवा दिली जाईल. पिनिनफरिना एसपीएच्या काम्बियानो मुख्यालयामध्ये प्रत्येक कार पूर्णतः पर्सनलाइज करण्याची संधी निर्माण करण्याचे नियोजन केले आहे.
बॅटिस्टा इलेक्ट्रिक कारची कामगिरी व इच्छित वैशिष्ट्ये या बाबतीत नवी प्रमाणके निर्माण करणार आहे. ईव्ही क्षेत्रासाठी ही पहिली पोस्टर कार असणार आहे आणि ऑटोमोबिली पिनिनफरिनाच्या निरनिराळ्या लक्झरी इलेक्ट्रिक कारसाठी अदर्श असणार आहे. यानिमित्ताने केवळ एक नवी कार सादर झालेली नाही, तर ऑटोमोटिव्ह क्षेत्रासाठी एक नवा क्षण, नवी संकल्पना साकार झाली आहे: पहिली झीरो-एमिशन, इटालियन लक्झरी कार.
