घर ग्राहकांना मोठी बचत करण्याची संधी देणारा या क्षेत्रातील पहिला रिड्युसिंग मंथली इन्स्टॉलमेंट्स प्लान
- सुरचित पद्धतीने दरमहा अधिक मुद्दलाची परतफेड करून ग्राहक व्याजाच्या रकमेत बचत करू शकणार
- क्विकपे होम लोनमुळे, ग्राहकांना 20 वर्षांसाठीच्या, 50 लाख रुपयांच्या कर्जावर 11.7 लाख रुपये वाचवू शकतात
- ईएमआयऐवजी (इक्वेटेज मंथली इन्स्टॉलमेंट्स) ग्राहक रिड्युसिंग मंथली इन्स्टॉलमेंट्स भरणार
मुंबई: अॅक्सिस बँक या भारतातील तिसऱ्या क्रमांकाच्या सर्वात मोठ्या खासगी बँकेने ‘क्विकपे होम लोन’ हे या क्षेत्रातील पहिलेवहिले गृहकर्ज दाखल केले असून, या कर्जामुळे घर ग्राहकांना कर्जावरील व्याजाच्या रकमेमध्ये मोठी बचत करणे शक्य होणार आहे. महत्त्वाचे म्हणजे, या क्षेत्रातील चाकोरी मोडून, क्विकपे होम लोन परतफेडीचे पर्यायी नियोजन देणार असून, त्यामध्ये ग्राहकांना बाकी असलेल्या बॅलन्सवरील व्याजासह, समान रकमेची मुद्दल फेडायची असेल. त्यामुळे, इक्वेटेड प्रिन्सिपल रक्कम व रिड्युसिंग इंटरेस्ट रक्कम यातून रिड्युसिंग मंथली इन्स्टॉलमेंट्स तयार होईल. परिणामी, गृहकर्जाच्या संपूर्ण कालावधी भराव्या लागणाऱ्या एकूण व्याजाच्या रकमेमध्ये घट होईल आणि त्याचा फायदा ग्राहकांना मिळेल.
ग्राहक ईएमआयऐवजी (इक्वेटेज मंथली इन्स्टॉलमेंट्स) रिड्युसिंग मंथली इन्स्टॉलमेंट्स भरणार आहेत. सुरुवातीचे इन्स्टॉलमेंट्सअधिक असतील (याच कालावधीच्या, याच कर्जाच्या रकमेवरील ईएमआयपेक्षा), पण कर्जाच्या संपूर्ण कालावधीदरम्यान इन्स्टॉलमेंटची रक्कम कमी होत जाईल.
यानिमित्त बोलताना, अॅक्सिस बँकेचे कार्यकारी संचालक (रिटेल बँकिंग) राजीव आनंद यांनी सांगितले, “ग्राहकांच्या फायद्याच्या दृष्टीने आम्ही क्विकपे होम लोन हे नावीन्यपूर्ण उत्पादन दाखल केले असून, त्यामुळे ग्राहकांवरील एकंदर व्याजाचा भार कमी होणार आहे.‘रिड्युसिंग मंथली इन्स्टॉलमेंट्स’ ही विशेष संकल्पना आणि व्याजावर मोठी बचत, यामुळे घर ग्राहकांना निश्चत आकृष्ट केले जाईल.”
हे उत्पादन अधिक स्पष्ट करण्यासाठी, 50 लाख रुपयांच्या, 20 वर्षे कालावधीच्या व वार्षिक व्याजदर 9.00% असणाऱ्या एका गृहकर्जाचे उदाहरण घेऊ. ग्राहकांना या कर्जासाठी 20 वर्षांमध्ये एकूण 57.96 लाख रुपये व्याज भरावे लागेल. परंतु, अॅक्सिस बँकेच्या क्विकपे होम लोनसाठी, 50 लाख रुपयांच्या, याच कालावधीसाठीच्या व 9.20% इतका थोडासा अधिक व्याजदर असणाऱ्या कर्जासाठी केवळ 46.19लाख रुपये व्याज भरावे लागेल व त्यामुळे ग्राहकांना व्याजामध्ये 11.77 लाख रुपये वाचवता येतील.
