करदाते समाधानी -महापालिका समाधानी
अवाजवी दंड आणि भरमसाठ व्याजाने फुगत थकत चाललेल्या वादग्रस्त मह्सुलीचा विषय निघतोय निकाली
अभय योजनेत दि. ०२ ऑक्टोबर २०२० ते ३० नोव्हेंबर २०२०:
१,१२,२९१ मिळकतधारकांकडुन
३५० कोटी जमा
🔺एकुण दि.०१ एप्रिल २०२० ते ३० नोव्हेंबर २०२०:
६,९९,१७१ मिळकतधारकांकडुन
१२०० कोटी जमा
🔺काल एका दिवसात (३० नोव्हेंबर २०२०):
११,२१७ मिळकतधारकांकडुन
४२ कोटी जमा
पुणे – गेल्या आठ महिन्यांपासून करोनामुळे आर्थिक उत्पन्नाचा ताळमेळ ढासळलेल्या महापालिकेस मिळकतकर थकबाकीदारांच्या अभय योजनेमुळे दिलासा मिळाला. यातून तब्बल 341 कोटींचा महसूल मिळाला आहे.योजनेचा मागील दोन महिन्यांत सुमारे 1 लाख 10 हजार 110 मिळकतधारकांनी लाभ घेतला असून पुढील आर्थिक वर्षापासून हे नियमित मिळकतधारक होणार आहेत. त्यामुळे पालिकेस पुढील वर्षापासून सुमारे 300 कोटींचे उत्पन्न वाढणार असल्याची माहिती स्थायी समिती अध्यक्ष हेमंत रासने आणि कर विभागाचे प्रमुख विलास कानडे यांनी दिली.दरम्यान स्थायी समितीचे अध्यक्ष रासने यांनी सांगितले कि,अभय योजनेला मुदतवाढ देण्याची मागणी विचाराधीन आहे. पालिकेतील पक्षनेते आणि सर्वसामान्य नागरिकांकडून मुदतवाढ देण्याची मागणी होत आहे. पालिकेच्या महसूलवाढीसाठी आणखी योजना राबवून वर्षअखेरपर्यंत पाच हजार कोटी रुपयांचे उत्पन्न मिळविण्याचे उद्दिष्ट आहे.
शहरातील थकबाकीदारांसाठी जाहीर केलेल्या अभय योजनेतून पुणे महापालिकेला दोन महिन्यांत हे उत्पन्न प्राप्त झाले आहे. त्यामुळे एक एप्रिलपासून नोव्हेंबरअखेरपर्यंत पालिकेच्या तिजोरीत बाराशे कोटी रुपये जमा झाले आहेत. पालिका हद्दीतील साडेदहा लाख मिळकतींपैकी सात लाख १८ हजार मिळकतदारांनी करभरणा केला असून, अजूनही तीन लाख मिळकतदार कर भरण्यापासून लांबच आहेत. करोनामुळे यंदा पालिकेच्या मिळकतकराच्या उत्पन्नावर परिणाम होईल, अशी भीती वर्तविण्यात येत होती. मात्र, पुणेकरांनी पालिकेचा कर भरण्यासाठी सुरुवातीपासून चांगला प्रतिसाद दिला. त्यानंतर थकबाकी वसूल करण्याकरिता दंड आणि व्याजावर ८० टक्के सूट देणारी अभय योजना एक ऑक्टोबरपासून लागू करण्यात आली. गेल्या दोन महिन्यांमध्ये एक लाख १० हजार मिळकतदारांनी अभय योजनेचा लाभ घेतला आहे. त्यातही नोव्हेंबरमध्ये लाभ घेणाऱ्यांची संख्या सर्वाधिक असून, या महिन्यातच २१८ कोटी रुपये पालिकेच्या मिळाले आहेत. अभय योजनेतून तीनशे कोटी रुपयांपेक्षा अधिक महसूल प्राप्त झाल्याने चालू आर्थिक वर्षातील मिळकतकराचे उत्पन्न बाराशे कोटींवर पोहोचले आहे.महापालिकेसह नव्याने समाविष्ट ११ गावांतील मिळकतींची एकत्रित संख्या साडेदहा लाखांच्या दरम्यान आहे. अभय योजनेपूर्वी त्यापैकी सहा लाख मिळकतदारांनी कोव्हिड-१९ मुळे उद्भवलेल्या परिस्थितीत पालिकेचा कर भरला होता. अभय योजनेत त्यात आणखी नागरिकांची भर पडल्याने चालू वर्षात पालिकेच्या एकूण मिळकतींपैकी जवळपास ७० टक्के नागरिकांनी कर भरला आहे. लॉकडाउनचा फटका बसूनही नागरिकांनी कर भरण्यास प्राधान्य दिल्याने महापालिकेने नागरिकांचे आभार मानले आहेत.महापालिकेचा मिळकतकर थकविणाऱ्यांची संख्या मोठी आहे. मिळकतकराची मूळ मागणी आणि त्यावरील दंड-व्याज यांसह संपूर्ण थकबाकीची वसुली केली असती, तर पालिकेला सुमारे पाचशे कोटी रुपयांहून अधिक उत्पन्न प्राप्त झाले असते. मात्र, अभय योजनेत कर भरणाऱ्यांना ८० टक्के सवलत देण्यात आल्या आहे.
(सर्व आकडे कोटी रुपयांमध्ये)
वर्ष – प्राप्त महसूल दिलेली सवलत
२०१५-१६ ३७७ ९०
२०१६-१७ ३११ ९०
२०२०-२१ ३५० १७५
