महाराष्ट्राचा राजकीय पेच आता गुजरातमधून आसामकडे सरकणार आहे. शिंदे यांच्यासह 40 बंडखोर आमदार सुरतहून विशेष विमानाने गुवाहाटीत पोहोचले आहेत. सुरत विमानतळावर माध्यमांशी बोलताना एकनाथ शिंदे म्हणाले होते की, आम्ही बाळासाहेब ठाकरेंचे हिंदुत्व सोडले नाही. उद्धव ठाकरेंनी भाजपसोबत सरकार स्थापन करावे अशी माझी इच्छा आहे. माझ्यासोबत एकूण 40 आमदार आहेत, त्यापैकी 34 शिवसेनेचे आणि 7 अपक्ष आहेत.आणखी १० आमदारही येणार आहेत
गुवाहटीत एकनाथ शिंदेसह उपस्थित सर्व आमदारांच्या बैठकीला सुरुवात झाली आहे. दरम्यान, राज्यपाल भगतसिंह कोश्यारी यांना कोरोनाची लागण झाली आहे. उपचारांसाठी ते रिलायन्स रुग्णालयात दाखल झाले आहेत. दुसरीकडे, बंडखोर गटाचे प्रमुख एकनाथ शिंदे यांनीही यावर प्रतिक्रिया दिली आहे. ते म्हणाले की, अद्याप राज्यपालांना भेटण्याचा तसेच भाजपला पाठिंबा देण्याचा कुठलाही निर्णय झालेला नाही. आम्ही गुवाहाटीत 40 पेक्षा जास्त आमदार आहोत. आम्ही शिवसेना सोडण्याचा तसेच इतर कुठल्याही पक्षात जाण्याचा आम्ही निर्णय घेतलेला नाही, फक्त आम्ही बाळासाहेबांचे हिंदुत्व, त्यांची भूमिका पुढे घेऊ जात आहोत.”
ते पुढे म्हणाले की, सत्तेसाठी बाळासाहेबांच्या विचारांची तडजोड आम्ही करणार नाहीत. आम्ही बाळासाहेबांचे शिवसैनिक आहोत. त्यामुळे त्यांच्या विचारांवर आम्ही काम करणार आहोत. म्हणून, बाळासाहेबांच्या विचाराचे सर्व आमदार एकत्र आले आहेत. सध्या आम्ही कोणावर टीका टिप्पणी केलेली नाही. त्यामुळे विकासाचे राजकारण आणि बाळासाहेबांचे विचार पुढे नेण्याचा आमचा प्रयत्न असणार आहे.
पुढे एकनाथ शिंदे म्हणाले की, मी कालही कट्टर शिवसैनिक होतो आणि आजही आहे आणि उद्याही राहणार आहे. आमची भूमिका सुरुवातीपासून हिंदुत्वाची होती. त्यामुळे मी बाळासाहेबांचे विचार पुढे नेणार आहे. माझ्यासोबत कुठल्याही जोर जबरदस्तीने आमदार आलेले नाहीत. स्वत:च्या मर्जेने ते माझ्यासोबत आले आहेत. 40 पेक्षा जास्त आमदार माझ्यासोबत आहेत.
लाइव्ह अपडेट्स :
- आसामचे मुख्यमंत्री एकनाथ शिंदे यांची भेट घेण्याची शक्यता
- एकनाथ शिंदे यांनी गुवाहाटीत दाखल झाले असून, आज दुपारी ते विशेष विमानाने मुंबईत येणार आहेत
- शिवसेनेचे संजय राठोड, योगेश कदम गुवाहटीकडे रवाना.
- संध्याकाळपर्यंत 50 आमदार ठाकरे सरकारविरोधात जाण्याची शक्यता.
- राज्यपालांचा चार्ज दुसऱ्या राज्याकडे सोपवला नाही.
- राजभवनाचे स्पष्टीकरण. व्हिडीओ कॉन्फरन्सद्वारे उपस्थित राहणार.
- राज्यपाल कोश्यारींना कोरोना.
- शिंदे समर्थक आमदारांची गुवाहटीत बैठक.
- दुपारी बारा वाजता महाविकास आघाडीची बैठक.
- काँग्रेसचे दिग्गज नेते कमलनाथ मुख्यमंत्री उद्धव ठाकरे यांना भेटायला जाणार.
- विमानतळावर भाजपचे मोहित कंबोज आणि संजय कुटे बंडखोर आमदारांसोबत दिसले आहेत.
- आसामचे पाणीपुरवठा मंत्री हॉटेल रॉडिसनमध्ये दाखल
- रॉडीसन हॉटेलमध्ये बैठकीचे आयोजन
- आमदारांना सुरक्षा देण्याचे हे राज्य सरकारचे काम – सुधीर मुनगंटीवार, भाजप नेते
बंडखोर आमदारांची यादी
1. एकनाथ शिंदे – कोपरी
2 अब्दुल सत्तार – सिल्लोड, औरंगाबाद
3. शंभुराज देसाई – पाटण, सातारा
4. संदिपान भुमरे – पैठण, औरंगाबाद
5. भरत गोगावले – महाड, रायगड
6. नितीन देशमुख – बाळापूर, अकोला
7.अनिल बाबर – खानापूर-आटपाडी, सांगली
8.विश्वनाथ भोईर – कल्याण पश्चिम
9. लता सोनवणे- चाेपडा
10. संजय गायकवाड – बुलडाणा
11. संजय रायमूलकर – मेहकर
12. महेश शिंदे – कोरेगाव, सातारा
13. शहाजी पाटील – सांगोला, सोलापूर
14. प्रकाश आबिटकर – राधानगरी, कोल्हापूर
15 संजय राठोड – दिग्रस, यवतमाळ
16. ज्ञानराज चौगुले – उमरगा, उस्मानाबाद
17. तानाजी सावंत – परंडा, उस्मानाबाद
18. संजय शिरसाट – औरंगाबाद पश्चिम
19. रमेश बोरनारे – वैजापूर, औरंगाबाद
20. श्रीनिवास वनगा, पालघर
21. बालाजी कल्याणकर -नांदेड
22. बालाजी किणीकर- अंबरनाथ
23. सुहास कांदे -नांदगाव
24. महेंद्र दळवी- अलिबाग
25. प्रकाश सुर्वे -मागाठणे
26. महेंद्र थोरवे -कर्जत
27. शांताराम मोरे -भिवंडी 28.किशोर पाटील- पाचोरा
29. चिमणराव पाटील- एरंडोल
30. प्रदीप जैस्वाल- औरंगाबाद
ठाकरेंच्या संपर्कातील आमदार :
1. वैभव नाईक
2. उदयसिंह राजपूत
3. रवींद्र वायकर
4. राहुल पाटील
5. उदय सामंत
6. प्रकाश फातर्पेकर
7. सुनील प्रभू
8. गुलाब पाटील
9. भास्कर जाधव
10. संतोष बांगर
11. आदित्य ठाकरे
12. राजन साळवी
13. अजय चौधरी
14. दिलीप लांडे
15. सदा सरवणकर
16. दादा भुसे
17. संजय पोतनीस
18. सुनील राऊत
19 कैलास पाटील
20. दीपक केसरकर
21.यामिनी जाधव
22. रमेश कोरगावकर
23. योगेश कदम
24. मंगेश कुडाळकर
25 प्रताप सरनाईक यापैकी काही आमदार शिंदेंच्याही संपर्कात
