भारतातील एकमेव नोंदणीकृत डिस्काउंट ब्रोकर असलेल्या 5पैसा.कॉमने आज व्हेस्टेड फायनान्सशी भागिदारी केल्याचे जाहीर केले असून त्याअंतर्गत आमच्या सर्व ग्राहकांना अमेरिकी बाजारपेठेत शून्य कमिशन गुंतवणूक सुविधा दिली जाणार आहे.
5पैसा.कॉम ही भारतीय ब्रोकर्समधील सर्वाधिक वेगाने 1 दशलक्ष ग्राहक वर्गापर्यंत पोहोचलेली कंपनी असून त्यांच्याद्वारे परवडणारा ट्रेडिंग प्लॅटफॉर्म पुरवला जातो. हा प्लॅटफॉर्म मिलेनियनल- पहिल्यांदाच गुंतवणूक करणाऱ्यांमधे विशेष लोकप्रिय आहे. व्हेस्टेड फायनान्स ही अमेरिकी सिक्युरिटीज अँड एक्सचेंज कमिशन नोंदणीकृत गुंतवणूक सल्लागार आहे. त्यांच्या ऑनलाइन प्लॅटफॉर्ममुळे भारताताली गुंतवणुकदारांना अगदी सहजपणे अमेरिकी शेयर्स व ईटीएफमधे गुंतवणूक करता येणार आहे.
5पैसा.कॉमचे मुख्य कार्यकारी अधिकारी प्रकर्ष गगदानी म्हणाले, ‘अमेरिकेतील नव्या युगाच्या तंत्रज्ञान शेयर्सकडे गुंतवणुकदारांना कल वाढत असल्याचे आम्हाला दिसून आले आहे. बरेच उद्योग आणि संकल्पना भारतात गुंतवणूक संधीच्या स्वरुपात उपलब्ध नाहीत. व्हेस्टेड फायनान्सबरोबर आम्ही केलेल्या भागिदारीमुळे ही उणीव बरून काढली जाईल आणि आमच्या ग्राहकांना आमच्या अत्याधुनिक तंत्रज्ञान प्लॅटफॉर्मसह जागतिक बाजारपेठांचा लाभ घेता येईल. आणि अर्थातच आम्ही या व्यवहारांसाठी कोणत्याही प्रकाराचे कमिशन आकारणार नाही.’
5पैसा.कॉमच्या प्रत्येक ग्राहकाला त्याचे खाते केवळ काही मिनिटांत व्हेस्टेड फायनान्सशी जोडता येईल. गुंतवणुकदारांना त्यांच्या खात्यात शून्य बाकी ठेवूनही फ्रॅक्शनल शेयर गुंतवणूक करता येईल. व्हेस्टेड फायनान्सद्वारे कंपनीत खास तयार केलेले प्री- बिल्ट पोर्टफोलिओज पुरवले जातील.
5पैसा.कॉमच्या म्हणण्यानुसार कंपनीच्या ग्राहकांना सहजपणे वेगवेगळ्या संकल्पना आणि धोरणांसह संशोधित पोर्टफोलिओमधे त्यांच्या जोखीम प्रोफाइलनुसार सहजपणे गुंतवणूक करता येईल आमि कोणत्याही लॉक-इन तरतुदीशिवाय कोणत्याही वेळेस पैसे काढता येतील.
कंपनीद्वारे शून्य ब्रोकरेजमधे आवडीचे म्युच्युअल फंड्स, विमा आणि कर्ज इत्यादी सुविधाही त्यांच्या प्लॅटफॉर्मवर पुरवल्या जातात. 5पैसा.कॉम हे भारतातील सर्वाधिक वापरले जाणारे स्टॉक ट्रेडिंग अप असून त्यांचे सहा दशलक्ष युजर्स आहेत, तर गुगल प्लेस्टोअरवर त्याला सातत्याने 4 चे रेटिंग आहे.
