पुणे:
“एस. एस. अगरवाल इंग्लिश मिडीयम स्कूल’ दत्तवाडी येथील शाळेचा दिनांक 18 जून 2015 रोजी 9 वा वर्धापनदिन मोठ्या उत्साहात पार पडला. शैक्षणिक वर्षापासून शाळेच्या वर्धापनदिनापासून 1ली ते 9 वी च्या विद्यार्थ्यांना “ई-लर्निंग’ सुविधा देण्यात येणार आहे. यामध्ये 1ली ते 9 वी च्या वर्गांमध्ये ” प्रोजेक्टर’ बसविण्यात आले आहेत. चित्रफितींच्या माध्यमातून विद्यार्थ्यांना विषय समजून सांगितले जातील, अशी माहिती शाळेच्या मुख्याध्यापिका शुभांगी रासकर यांनी दिली.
या “ई-लर्निंग सुविध’चे उद्घाटन विजय जालान (संस्थापक), डॉ. सुरेश अगरवाल (सचिव), लीली बी. पटेल यांच्या हस्ते झाले.
यावेळी विजय जगदीशचंद्र अगरवाल (उपसंस्थापक), सदस्य जयभगवान गुप्ता, प्रमुख सद्स्य रामनिवास एल.अगरवाल, आर.एल.अगरवाल, शुभांगी रासकर (मुख्याध्यापिका), तसेच शाळेचे शिक्षक, शिक्षकेतर कर्मचारी, सभासद आणि विद्यार्थी यावेळी उपस्थित होतेे.
