सुरतः गुजरातमधील शहरांना जोडण्यासाठी शहरातील उद्योगपतींनी एक नवी हवाई सेवा सुरू केली आहे. यामध्ये ‘प्रथम’नावाचे विमान आज धनत्रयोदशीदिवशी सकाळी १० वाजून १० मिनिटे झाली असता सुरतच्या एअरपोर्टवर लँड झाले.तेव्हा त्याच्या स्वागतासाठी स्वामी धर्मवल्लभदास यांच्या प्रमुख उपस्थितीत कार्यक्रम आयोजित करण्यात आला. हे विमान९ सीटांची व्यवस्था असलेले सेसेना केरवान कंपनीचे असून याचे मॉडेल नंबर सी-२०८८ आहे. हे९सीटर विमान अहमदाबाद, राजकोट, भावनगर, जामनगर, भूज, अमरेली, बरोडा, मुंबई आणि शिर्डी यांच्या दरम्यान सेवा देणार आहे .
ही हवाई सेवा१ डिसेंबरपासून सुरू करण्यात येणार आहे. मात्र जर कोणाला चार्टर करायचे असेल तर हे विमान २३ऑक्टोबरपासून उपलब्ध करून देण्यात आले आहे. सुरत डायमंड आणि टेक्सटाईलच्या व्यापारासाठी जगभरात प्रसिध्द असूनही कनेक्टीव्हीटी नसल्याने सुरतला तोटा होत आहे. हीच गोष्ट लक्षात घेऊन सुरतमधील तीन मोठे हिरा उद्योगपती सावजीभाई घोलकीया, लालजीभाई पटेल, गोविंदभाई घोलकीया आणि रिअल इस्टेटशी संबंधीत असलेले लवजीभाई बादशाह यांनी एकत्र येऊन ही खासगी विमानकंपनी सुरू केली आहे.
हिरे व्यापाऱ्यांनी सुरू केली खासगी विमानसेवा
About the author
