पुणे :
हिंजवडी – माण या माहिती-तंत्रज्ञान नगरीत असलेल्या भव्य विठ्ठल रुक्मिणी मंदिराचा पाचवा वर्धापन दिन गुरुवार, दि. 26 मार्च 2015 रोजी साजरा होत असून, यानिमित्त विठ्ठल रुक्मिणी मंदिर समितीने सोमनाथ महाराज चौधरी (आळंदी) यांना ‘वारकरी भूषण’ पुरस्कार जाहीर केला आहे.
26 मार्च रोजी सायंकाळी 7 वाजता होणार्या कार्यक्रमात ‘राष्ट्रीय समाज पक्षा’चे अध्यक्ष आमदार महादेव जानकर यांच्या हस्ते हा पुरस्कार देण्यात येणार आहे, अशी माहिती समितीच्या वतीने बाळूमावशी धुमाळ यांनी दिली.
विठ्ठल रुक्मिणी मंदिरामध्ये (माण (गवारेवाडी), बापूजीबुवा मंदिराजवळ, विठ्ठल रुखुमाई मंदिर, ता.मुळशी, जि.पुणे) वर्धापनदिनानिमित्त काकड आरती, होमहवन, हरिपाठ, महाप्रसाद, संगीत भजन कार्यक्रमांचे आयोजन केले आहे.