राष्ट्रीय सामाजिक एकात्मता अभियान
पुणे- राष्ट्रीय ओबीसी महासंघ, डॉ प्रल्हाद वडगांवकर समाज सेवा ट्रस्ट, फुले शाहु आंबेडकर एज्युकेशनल अँड सोशल फौंडेशन व सप्तपदी वधु वर केंद्रातर्फे राष्ट्रीय सामाजिक एकात्मता अभियानातर्गत
सर्व धर्मीय,सर्वजातीय मधील विधवा,विधुर घटस्फोटित , विकलांगाचा मोफत वधु वर
परिचय मेळावा आयोजित केला आहे. समाजातील जातीचे निर्मुलन व्हावे ,सर्व जातीत एकता बंधुता, एकात्मता निर्माण व्हावी या उद्देशाने राष्ट्रीय ओबीसी महासंघ व डॉ.वडगांवकर समाज सेवा ट्रस्ट च्या वतीने राष्ट्रीय सामाजिक एकात्मता अभियान सुरू केले .या अभियानातर्गत संविधान अंतरंग व्याख्याने, विविध जाती धर्मातील गुणवंतांचा व गुणवंत विध्यार्थी सत्कार,वधु वर परिचय मेळावे,आंतर धर्मीय, जातीय विवाह समारंभ ,सर्व धर्मीय सणात सहभाग,सत्यशोधक पद्धतीने विवाह लावणे ,अपंगांना मदत , सर्व धर्म जातींना सामाजिक न्याय , सामाजिक प्रश्नात सहकार्य आदी विविध प्रकारे उपक्रम राबविणेचे ठरवून त्याप्रमाणे वाटचाल चालु आहे.सदर वधु-वर मेळाव्याचा उपक्रम दि.7 जुलै 2019 रोजी दुपारी 3 ते 6 या वेळात उद्यान प्रसाद मंगल कार्यालय, खजिना विहीर चौक,सदाशिव पेठ , पुणे येथे संपन्न होणार आहे.त्या कार्यक्रमाला आशीर्वाद देण्यासाठी ख्रिश्चन धर्म गुरू मा.रेव्हरंड पिल्लेसाहेब ,शीख धर्म गुरू मा.गयानजी चिनंदरपाल सिंगजी ,मुस्लीम धर्म गुरू मा.बशीर पठाण साहेब, बौद्ध धर्माचे भन्ते सुदर्शनजी , हिंदू धर्माचे वेदाचार्य डॉ.अजय भागवत गुरुजी तसेच सहधर्मदाय आयुक्त श्रीमती आर.पी. मुक्कावर (अडगुलवार) ,अधीक्षक अनाप प्रमुख पाहुणे म्हणून उपस्थित रहाणार आहेत.कार्यक्रमाचे उदघाटन उपमहापौर डॉ.सिद्धार्थ धेंडें , उपधर्मदाय आयुक्त मा.नवनाथजी जगताप , यांचे हस्ते होणार आहे.
ज्या वधु वरांचे विवाह त्याच वेळी ठरतील त्यांचे त्याच ठिकाणी मेळावा झालेनंतर सत्यशोधक विवाह पद्धतीने मोफत आणि योग्य सन्मानाने विवाह लावून दिले जाणार असल्याचे आयोजक राष्ट्रीय ओबीसी महासंघाचे व डॉ.प्रल्हाद वडगांवकर समाज सेवा ट्रस्टचे अध्यक्ष डॉ.प्रल्हाद वडगांवकर,सरचिटणीस व फुले शाहु आंबेडकर एज्युकेशनल अँड सोशल फौंडेशन चे अध्यक्ष रघुनाथ ढोक ,विश्वस्त व सप्तपदी वधु वर केंद्राचे अध्यक्ष सुदाम धाडगे यांनी आज पत्रकार परिषदेत माहिती दिली.
