.
महाराष्ट्र मोटार ड्रायव्हिंग स्कूल असोसिएशनचे भव्य राज्यव्यापी अधिवेशन बिबवेवाडी जवळील गंगा धाम जवळील राजयोग लान्स येथे नुकतेच संपन्न झाले . या अधिवेशनाचे उद्घाटन माजी महापौर दत्ता गायकवाड यांच्या हस्ते दीप प्रज्वलन करून करण्यात आले . यावेळी आमदार पाशा पटेल , पुणे मोटार ड्रायव्हिंग स्कूल असोसिएशनचे अध्यक्ष राजू घाटोळे , यशवंतराव चव्हाण मुक्त विद्यापीठाचे संचालक डॉ. शरणकुमार लिंबाळे , निवृत्त समापदेशक मधुकर शेबंडे , नागपूर उच्च न्यायालयातील निष्णात कायदे तज्ञ व मोटार वाहन कायद्याचे तज्ञ अड . तुषार मंडलेकर आदी मान्यवर तसेच , राज्यभरातून मोटार ड्रायव्हिंग स्कूल संचालक मोठ्या संख्येने उपस्थित होते .
या अधिवेशनात केंद्र सरकारच्या नवीन मोटार वाहन कायदा , राज्यातील ड्रायव्हिंग स्कूलच्या व्यवसायावर ऑनलाईन लायसन्समधील अडचणी आदी मुद्यांवर चर्चा करण्यात आली .
या अधिवेशनात शिकाऊ परवाना देण्याचे अधिकार मोटार ड्रायव्हिंग स्कूलला देण्यात यावे , आय. टी. डी. आर. आणि आर. डी. टी. सी. याला केंद्र सरकार ज्या प्रमाणे अनुदान देते त्या प्रमाणे सरकार मान्य मोटार ड्रायव्हिंग स्कूल अल्ट्रा मॉडेल ड्रायव्हिंग स्कूलला अनुदान देण्यात यावे , व अपग्रेडेशन दोन वर्षाचा कालावधी देण्यात यावा . देशामध्ये ३० टक्के मोटार अपघातात मृत्युमुखी पडतात . दुचाकी परवाना मोटार ड्रायव्हिंग स्कूलकडून प्रशिक्षन अनिवार्य करावे . आताचे राज्याचे मुख्यमंत्री मोटार पॉलिसी ठरविताना महाराष्ट्रातील सर्व मोटार ड्रायव्हिंग स्कूलसाठी विचारात घेऊन पॉलिसी ठरवावीत . अल्ट्रा मॉडेल सुविधायुक्त मोटार ड्रायव्हिंग स्कूल करण्याची शासनाची खरीच मान्यता असेल तर मोटार ड्रायव्हिंग स्कूलला अनुदान द्यावे . मोटार ड्रायव्हिंग स्कूलच्या मागण्यासाठी केंद्र शासन , राज्य शासन , परिवहन कार्यालयाकडे यांच्याकडे पाठपुरावा करणार . जर मोटार ड्रायव्हिंग स्कूलवर खोट्या केसेस दाखल केल्यातर महाराष्ट्र मोटार ड्रायव्हिंग स्कूल असोसिएशन त्यांना संरक्षण देणार . प्रत्येक मोटार ड्रायव्हिंग स्कूलसाठी वेगळा युझर आय डी पासवर्ड देण्यात यावा तसेच मोटार ड्रायव्हिंग स्कूलसाठी वेगळा कोटा देण्यात यावा .
या भव्य राज्यव्यापी अधिवेशनात मोटार वाहन क्षेत्रात उल्लेखनीय कामगिरीबद्दल जीवन गौरव पुरस्कार मुंबई येथील समीर मोटार ड्रायव्हिंग स्कूलचे संचालक शरदराव सातपुते , मुंबई येथील गाईड मोटार ड्रायव्हिंग स्कूलचे संचालक इक्बाल कपाडिया , मुंबई येथील (पूर्वीचे )गाईड मोटार ड्रायव्हिंग स्कूलचे संचालक जगदीश उपाध्याय , मुंबई येथील गाजमा मोटार ड्रायव्हिंग स्कूलचे संचालक गनिभाई , पुणे येथील कुलकर्णी मोटार ड्रायव्हिंग स्कूलचे संचालक बाबुराव कुलकर्णी , विनायक मोटार ड्रायव्हिंग स्कूलचे संचालक कुंडलिक घाटोळे आदींचा जीवन गौरव पुरस्कार देउन सन्मानित करण्यात आले .
यावेळी रोड ट्रान्सपोर्ट बिल २०१४ चा नवीन प्रस्ताविक मोटार वाहन कायद्याच्या संदर्भात मोटार ड्रायव्हिंग स्कूलवर होणाऱ्या संभाव्य अपघाताबाबत चर्चा करण्यात आली . राज्य अधिवेशनात सहभागाबद्दल प्रमाणपत्र प्रदान करण्यात आली . यावेळी मोटार ड्रायव्हिंग स्कूलच्या संचालकांनी आपली मनोगते व्यक्त केली .
या भव्य राज्यव्यापी अधिवेशनात उपस्थितांचे स्वागत ज्ञानेश्वर वाघोले यांनी केले , प्रास्ताविक पुणे मोटार ड्रायव्हिंग स्कूल असोसिएशनचे अध्यक्ष राजू घाटोळे यांनी केले तर सूत्रसंचालन यशवंत कुंभार यांनी केले .
