मुंबई –
प्रादेशिक पक्षांना संपविण्यास निघालेल्या भाजपला महाराष्ट्रात सत्तेपासून दूर ठेवण्यासाठी शिवसेनेला काँग्रेस आणि राष्ट्रवादीने पाठींबा देवून नवा अध्याय रचावा अशा अस्वरुपाचा प्रस्ताव हि राजकीय वर्तुळात चर्चिल ग्लेअ आज त्यास अजित पवार यांनी दुजोरो हि दिला मात्र आपण हा प्रस्ताव फेटाळून लावल्याचे त्यांनी स्पष्ट केले . भाजपला अडचणीत आणण्यासाठी शिवसेनेला पाठिंबा देऊया असा एक प्रस्ताव काँग्रेसच्या नेत्याने राष्ट्रवादी काँग्रेसला दिला होता. मात्र राष्ट्रवादी काँग्रेसने हा प्रस्ताव तत्काळ फेटाळून लावला, असा गौप्यस्फोट राष्ट्रवादीचे नेते अजित पवार यांनी आज केला. अजित पवार यांच्या या विधानामुळे आता पुन्हा एका नवीन समीकरणाची चर्चा होऊ लागली आहे.
निकाल जाहीर झाल्यानंतर सत्तेसाठी साठमारी सुरू झाली आहे. प्रत्येक पक्षातून नेते वेगवेगळी विधानं करून राज्यात संभ्रम निर्माण करत आहेत. अशातच राष्ट्रवादी काँग्रेसचे नेते अजित पवार राजकीय समीकरणांबाबत वक्तव्य करून नवा संभ्रम निर्माण केला आहे. काँग्रेसच्या नेत्याचे नाव न घेता त्यांनी पत्रकारांना सांगितले की, काल निकाल जाहीर झाल्यानंतर राज्यात कोणत्याच पक्षाला बहूमत मिळालेले नाही. तसेच भाजपला सगळ्यात जास्ती जागा मिळालेल्या असल्यातरी सरकार स्थापन करण्यासाठी त्यांना २०-२२ जांगाची गरज आहे. त्यामुळे भाजपला अडचणीत आणण्याची ही नामी संधी असून या संधीचा फायदा घेत जर आपण शिवसेनेला पाठिंबा दिला आणि शिवसेना-काँग्रेस-राष्ट्रवादी असे मिळून सत्ता स्थापन करता येईल, असे या काँग्रेस नेत्याने सांगितले. मात्र राष्ट्रवादीने हा प्रस्ताव फेटाळला. अशी माहिती अजित पवार यांनी दिली.
दरम्यान, आज दुपारी राष्ट्रवादी काँग्रेसच्या नवनिर्वाचित आमदारांची बैठक बोलवण्यात आली होती. या बैठकीत राष्ट्रवादी काँग्रेस पक्षाच्या विधीमंडळ नेतेपदी अजित पवार यांची निवड करण्यात आली. त्यानंतर पत्रकारांशी बोलताना अजित पवार यांनी हा गौप्यस्फोट केला.
