मुंबई- शिक्षणमंत्री विनोद तावडे यांची अभियांत्रिकी विषयातील पदवी बनावट असल्याचा आरोप काँग्रेसचे माजी खासदार संजय निरूपम यांनी केला आहे.दरम्यान, निरूपम यांनी केलेला आरोप तावडे यांनी फेटाळून लावला आहे.,
पुण्यातील ज्ञानेश्वर विद्यापीठातून तावडेंनी अभियांत्रिकीची पदवी घेतली आहे. मात्र, या विद्यापीठाला अभियांत्रिकी पदवी देण्याची कोणतेही परवानगी नाही. तसेच या विद्यापीठाला यूजीसीने अनधिकृत म्हणजेच बनावट ठरवले असल्याचे संजय निरूपम यांनी म्हटले आहे. राज्याचा शिक्षणमंत्रीच बनावटगिरी करीत असेल तर काय म्हणायचे? असा सवाल उपस्थित करीत काँग्रेसने तावडेंचा राजीनामा मागितला आहे.
पुण्यातील ज्ञानेश्वर विद्यापीठातून तावडेंनी अभियांत्रिकीची पदवी घेतली आहे. मात्र, या विद्यापीठाला अभियांत्रिकी पदवी देण्याची कोणतेही परवानगी नाही. तसेच या विद्यापीठाला यूजीसीने अनधिकृत म्हणजेच बनावट ठरवले असल्याचे संजय निरूपम यांनी म्हटले आहे. राज्याचा शिक्षणमंत्रीच बनावटगिरी करीत असेल तर काय म्हणायचे? असा सवाल उपस्थित करीत काँग्रेसने तावडेंचा राजीनामा मागितला आहे.
केंद्रीय मनुष्यबळ विकासमंत्री स्मृती इराणी, दिल्लीच माजी मंत्री जितेंद्रसिंह तोमर, पाणीपुरवठा मंत्री बबनराव लोणीकर, राष्ट्रवादीचे नेते छगन भुजबळ यांच्या बोगस पदवीप्रकरणाने वाद पेटला असताना आता विनोद तावडेही गोत्यात आले आहेत. पदवीवर प्रश्न उपस्थित झाल्याने तावडें यांनी स्वतः आपली पदवी शासनमान्य नसल्याचं सांगतिलं आहे. आपली पदवी ज्ञानेश्वर विद्यापीठाची आहे. प्रतिज्ञापत्रात तसे नमूद केले आहे. त्यामुळे आपण कोणाचीही फसवणूक केलेली नाही, असा दावा तावडे यांनी केला आहे.
पुण्याच्या ज्ञानेश्वर विद्यापीठाचा मी विद्यार्थी आहे. आणि ही पदवी मी कधीही लपवलेली नाही. प्रतिज्ञापत्रात ही पदवी मी स्पष्टपणे लिहिलेली आहे. अभियांत्रिकी विद्यार्थ्यांना केवळ पुस्तकी शिक्षण न मिळता प्रत्यक्ष कामाचा अनुभवही मिळावा म्हणून ज्ञानेश्वर विद्यापीठ, पुणे यांच्या सप्रे व इतर सरांनी एक ब्रिज कोर्स सुरु केला होता. या कोर्सला मी १९८० मध्ये प्रवेश घेतला. हा कोर्स अर्धवेळ शिक्षण व अर्धवेळ इंटर्नशिप असा होता. मी १९८४ ला हा कोर्स करून पास झालो. सदर कोर्सला शासन मान्यता नाही हे मला प्रवेश घेताना सांगण्यात आले होते. त्याच्या जोडीला अशी मान्यता आम्ही घेणार नाही ही सप्रे सर व इतरांची भूमिका होती. जी मला माहिती होती व मान्यही होती. पुढे कालांतराने मनोहर जोशी ज्ञानेश्वर विद्यापीठाचे कुलपती झाले. त्यानंतर जोशी यांचे कुणी विरोधक कोर्टात गेल्याने सदर कोर्सवर कोर्टाकडून बंदी आली व विद्यापीठाने तो कोर्स तात्काळ बंद केला.
या कोर्सला शासन मान्यता नसल्याने मी कधीही पासपोर्टसाठी पदवीधारकांना असणारे लाभ घेतलेले नाहीत. ना मी कधी स्वतःची पदवीधारक मतदार म्हणून नोंदणी केली आहे. या कोर्स शिवायचे माझे शिक्षण १२ वी पास इतके आहे व ते मी लपवलेले नाही, असंही तावडे यांनी स्पष्ट केलं.
पुण्याच्या ज्ञानेश्वर विद्यापीठाचा मी विद्यार्थी आहे. आणि ही पदवी मी कधीही लपवलेली नाही. प्रतिज्ञापत्रात ही पदवी मी स्पष्टपणे लिहिलेली आहे. अभियांत्रिकी विद्यार्थ्यांना केवळ पुस्तकी शिक्षण न मिळता प्रत्यक्ष कामाचा अनुभवही मिळावा म्हणून ज्ञानेश्वर विद्यापीठ, पुणे यांच्या सप्रे व इतर सरांनी एक ब्रिज कोर्स सुरु केला होता. या कोर्सला मी १९८० मध्ये प्रवेश घेतला. हा कोर्स अर्धवेळ शिक्षण व अर्धवेळ इंटर्नशिप असा होता. मी १९८४ ला हा कोर्स करून पास झालो. सदर कोर्सला शासन मान्यता नाही हे मला प्रवेश घेताना सांगण्यात आले होते. त्याच्या जोडीला अशी मान्यता आम्ही घेणार नाही ही सप्रे सर व इतरांची भूमिका होती. जी मला माहिती होती व मान्यही होती. पुढे कालांतराने मनोहर जोशी ज्ञानेश्वर विद्यापीठाचे कुलपती झाले. त्यानंतर जोशी यांचे कुणी विरोधक कोर्टात गेल्याने सदर कोर्सवर कोर्टाकडून बंदी आली व विद्यापीठाने तो कोर्स तात्काळ बंद केला.
या कोर्सला शासन मान्यता नसल्याने मी कधीही पासपोर्टसाठी पदवीधारकांना असणारे लाभ घेतलेले नाहीत. ना मी कधी स्वतःची पदवीधारक मतदार म्हणून नोंदणी केली आहे. या कोर्स शिवायचे माझे शिक्षण १२ वी पास इतके आहे व ते मी लपवलेले नाही, असंही तावडे यांनी स्पष्ट केलं.
