इथे चालला नाही मराठी बाणा; नाही चालली मराठी अस्मिता ;इथे नाही चालली गांधी घराण्याची परंपरा , आणि नाही चालले अन्य काही … फक्त चालली ‘ हर हर मोदी ‘ ची लाट … महाराष्ट्राला भाजपचा असा खास चेहरा नाही अशी परिस्थितीजन्य टीका होत असतानाही , महाराष्ट्रात मोदींचाच झंझावात चालला मोदींचाच करिष्मा चालला या निष्कर्षाला येता येईल अशा पद्धतीने विधानसभा निवडणुकीचे निकाल लागले आहेत . औरंगाबाद (पूर्व) मधून भाजपचे अतुल सावे यांचा विजय झाला आणि कॉंग्रेसचे उमेदवार आणि राज्याचे माजी शालेय शिक्षणमंत्री राजेंद्र दर्डा यांचा धक्कादायक पराभव झाला त्यांच्या समवेत हर्षवर्धन पाटील , नारायण राणे , बाळा नांदगावकर, सतेज पाटील सारख्या दिग्गजांना या मोदी झंजावातात घरी बसावे लागणार आहे
पराभूत झालेले प्रमख उमेदवार
1 कोल्हापूर- सतेज पाटील (कॉंग्रेस)
2 औरंगाबाद (पूर्व) – रांजेद्र दर्डा (कॉंग्रेस)
3 उस्मानाबाद- ओमराजे निंबाळकर (शिवसेना)
4 बेलापूर- गणेश नाईक (राष्ट्रवादी)
5 कुडाळ- नारायण राणे (कॉंग्रेस)
6 इंदापूर- हर्षवर्धन पाटील (राष्ट्रवादी)
7 जळगाव- सुरेश जैन (शिवसेना)
8 श्रीगोंदा- बबनराव पाचपुते (भाजप)
9 अमरावती- रावसाहेब शेखावत (कॉंग्रेस)
10 शिवडी- बाळा नांदगावकर (मनसे)
11 खेड- दिलीप मोहिते (राष्ट्रवादी)
12 शिरूर- अशोक पवार (राष्ट्रवादी)
13 नाशिक- वसंत गीते (मनसे)
14 दर्यापूर- अभिजीत अडसूळ (शिवसेना)
15 पुणे- रमेश बागवे (कॉंग्रेस)
16 भायखाळा- गीता गवळी (अखिल भारतीय सेना)
