मुंबई : मुख्यमंत्री देवेंद्र फडणवीस आणि भाजपचे महाराष्ट्र प्रदेश अध्यक्ष चंद्रकांत दादा पाटील यांच्या उपस्थितीत मुंबई भाजप प्रदेशचे नवनिर्वाचित अध्यक्ष मंगल प्रभात लोढा शुक्रवारी पदभार स्वीकारतील. मुंबई भाजपच्या दादर येथील वसंत स्मृती भवन कार्यालयात १९ जुलै रोजी दुपारी १ वाजता होणारा हा कार्यक्रम ‘नव संकल्प’ संमेलनाच्याअंतर्गत आयोजित करण्यात आला आहे. अनेक मंत्री, खासदार, आमदार व नगरसेवकांच्या उपस्थितीत होणाऱ्या या कार्यक्रमात मोठ्या संख्येने लोक उपस्थित राहतील.
भाजपच्या या ‘नवसंकल्प’ संमेलनात उच्च शिक्षण मंत्री विनोद तावडे, शालेय शिक्षण मंत्री आशिष शेलार, गृह निर्माण राज्यमंत्री योगेश सागर आणि महिला व बाल विकास राज्यमंत्री विद्या ठाकूर यांच्यासह उत्तर मुंबईचे खासदार गोपाळ शेट्टी, उत्तर मध्य मुंबईचे खासदार पूनम महाजन आणि उत्तर पूर्व मुंबईचे खासदार मनोज कोटक ही लोढा यांच्या भाजप मुंबई प्रदेश अध्यक्षाच्या पदग्रहण समारंभात सहभागी होतील. याशिवाय प्रकाश मेहता, अतुल भातखळकर, अमित साटम, राम कदम, भाई गिरकर, राज के पुरोहित, मनीषा चौधरी, प्रसाद लाड, कॅप्टन तमिल सेल्वन, पराग अलवणी, सरदार तारासिंह, भारती लवेकर, प्रवीण दरेकर, आरएन सिंह आदी मुंबईतील सर्व आमदारांबरोबरच नगरसेवकही उपस्थित राहतील. या कार्यक्रमात शायना एनसी, संजय उपाध्याय, मधु चव्हाण, अमरजीत मिश्र, हाजी हैदर आजम, सुमंत घैसास, हाजी अराफात शेख, संजय पांडे आणि मुंबईतील सर्व जिल्हा अध्यक्ष, नगरसेवक व पार्टीच्या पदाधिकाऱ्यांसह मोठ्या संख्येने भाजप कार्यकर्ते उपस्थित राहतील.
मुंबईतील अनेक सामाजिक, सांस्कृतिक आणि व्यावसायिक संघटना आणि विविध संस्थांशी संबंधित लोक ‘नवसंकल्प संमेलनात’ सभागी होणार आहेत. भाजपचे ज्येष्ठ आमदार मंगल प्रभात लोढा यांची भाजप मुंबई अध्यक्षपदी नियुक्ती झाल्याने लोकांमध्ये उत्साहाचे वातावरण आहे. पदभार ग्रहण समारंभाला ‘नवसंकल्प संमेलना’च्या स्वरूपात आयोजित करण्यामागे ही भावना आहे कि, पक्षाचे कार्यकर्ते या समारंभातून विजयाचा नवीन संकल्प घेऊन पुढे वाढावे. तसेच आगामी विधानसभा निवडणुकीत मुंबईमध्ये भाजपचा मोठ्या मताधिक्याने विजय निश्चित करावा.
