पुणे- : धनकवडी येथील बालाजीनगर मध्ये सर्वप्रथम गुरुकृपा मार्केटिंग नंतर समृध्द जीवन आणि टीव्ही चॅनल्स चालवीत असलेल्या महेश मोतेवार यांच्याबद्दल वारंवार येणाऱ्या वेगवेगळ्या बातम्यांनंतर आता मोतेवार यांचा पासपोर्ट जप्त करण्याची कार्यवाही सुरु झाल्याचे वृत्त काही वृत्तवाहिन्यांनी दिले आहे . दरम्यान मोतेवार यांच्यावर खरेच कारवाई होईल कि केवळ त्यांच्याबाबत वेगवेगळ्या बातम्याच येत राहतील … याबाबत आता पुण्यासह सर्वत्र प्रश्न उपस्थित केला जातो आहे . भाजपचे किरीट सोमय्या आर्थिक गुन्हे उघड करण्यात मशहूर झाले आहेत . पण त्यांना मोतेवार प्रकरणी यश येणार काय ? आले तर ते कितपत येईल ?असे प्रश्न आता उपस्थित होत आहेत .
मुंबईच्या आर्थिक गुन्हे शाखेनं काल ‘साई प्रसाद’या चीट फंड कंपनीशी निगडीत १६ जागांवर छापे टाकले साईप्रसाद ग्रुप कंपनीच्या सहा राज्यातील कार्यालयावर काल छापेमारी झाली. याशिवाय 15 बँकातील 192 अकाऊंट सील करण्यात आलेत. साईप्रसाद कंपनीविरोधात देशभर पाच गुन्हे दाखल आहेत.साईप्रसाद प्रॉंपर्टीज ली. गोवा आणि साईप्रसाद फुड्स ली. पुणे याचा चेअरमन बाळासाहेब भापकर याला शनिवारी अटक करण्यात आली त्याच्याबरोबर त्याचे आणखी ५ सहकारी लवकरच गजाआड केले जातील असे आर्थीक गुन्हे शाखेचे सहआयुक्त धनंजय कमलाकर यांनी म्हटले आहे . दरम्यान याचवेळी हि मोतेवार यांची ही बातमी आली यात असे म्हटले आहे कि पुण्यात ‘समृद्ध्जीवन ‘ या चिट फंड कंपनीचे मालक महेश मोतेवार यांच्यावर गुन्हा दाखल करण्यात आलाय.मोतेवार यांचा पासपोर्ट जप्त करण्याच्या प्रक्रिया सुरु झाली आहे. बोगस चिट फंड कपंन्यांविरोधात सेबी ने सुरु केलेल्या मोहिमेला यामुळे यश मिळतंय.महेश मोतेवार यांनी लोकांच्या पैशाच्या जोरावर टीव्ही चॅनल्स सुरु केले. याबद्दल देखील केंद्र सरकारनं CBI ला कार्यवाही करण्याचे आदेश दिले असल्याचं किरीट सोमय्यांनी म्हटले आहे . लक्षावधी गुंतवणूकदारांच्या निधीचा गैरवापर करणाऱ्या ‘समृद्ध जीवन’ला माजी केंद्रीय मंत्री आणि राष्ट्रवादी कॉंग्रेसचे सर्वेसर्वा शरद पवार आणि माजी उपमुख्यमंत्री अजित पवार यांनी अभय दिल्याचा आरोप भारतीय जनता पक्षाचे नेते किरीट सोमैय्या यांनी नोव्हेबर २०१५ मध्ये एबीपी माझा या वाहिनीशी बोलताना केला होता . सेबीचे प्रतिबंध असतानाही या कंपनीने तब्बल ४६३ कोटींचे व्यवहार केल्याचा आरोप करीत ‘समृद्ध जीवन’च्या घोटाळ्याचा आकडा १ हजार २०० कोटींहून अधिक असल्याची शक्यता त्यांनी यावेळी वर्तवली होती . ‘समृद्ध जीवन’चे महेश मोतेवार यांच्यावर आघाडी सरकारकडून योग्य वेळी कारवाई झाली असती तर ‘समृद्ध जीवन’चे प्रस्थ एवढे वाढले नसते; असे सोमैय्या यांनी यावेळी सांगितले होते. त्यानंतर आता मोतेवार यांचा पासपोर्ट जप्त करण्याची कार्यवाही सुरु झाल्याचे वृत्त काल वाहिन्यांनी दिले आहे .
मोतेवारप्रकरणी सोमय्या यांना किती यश येईल हे येणारा काळच सांगेल पण असे प्रश्न उपस्थित होण्यामागे कारणही तसेच आहे . २६ सप्टेंबर २०१२ रोजी मोतेवार यांनी घेतलेल्या रक्तदान शिबीरास खुद्द तत्कालीन गुजरातचे मुख्यमंत्री नरेंद्र मोदी, महाराष्ट्राचे उपमुख्यमंत्री अजीत पवार , यांच्यासह जयंत पाटील ,उद्धव ठाकरे अशा अनेक मान्यवर नेत्यांच्या शुभेच्छ्या मोतेवार यांच्या टीव्ही चॅनल्स ने मिळविल्या होत्या . ज्या आज हि समृध्द जिवन च्या वेबसाईटवर नमूद आहेत यु ट्युबवर नमूद आहेत . मोतेवार यांनी रक्तदान शिबीर आणि अन्य सामाजिक कार्याचा केलेला तथाकथित डोलारा या वेबसाईटवर आहे जो पहिला कि एवढी मोठमोठी माणसे जमवून त्यांनी निर्माण केलेले विश्व पाहता किरीट सोमय्या शेवटपर्यंत हा विषय तडीस नेतील का असे विचारले जात आहे . वास्तविक पाहता या सर्व मान्यवरांनी केवळ विधायक कार्यास –रक्तदान शिबिरास शुभेछ्या देवून रक्तदानासाठी पुढे येण्याचे आवाहन केले आहे .
पहा हे स्क्रीन शॉट -याची लिंक आहे – http://samruddhajeevanfoundation.in/gallery.aspx
आणि या काही लिंक्स ज्या आजही समृध्द जिवन फौन्डेशन च्या वेबसाईटवर आणि यु ट्युबवर आहेत .
पहा केवळ रक्तदान शिबिराला या मान्यवरांच्या घेतल्या होत्या शुभेछ्या …..
आता पाहू मोतेवार यांना मिळालेले काही पुरस्कार –
जे त्यांच्या http://maheshmotewar.com/ या वेबसाईटवर नमूद आहेत .