मुंबई :-
महावितरण कंपनीचे कार्यकारी संचालक (मानव संसाधन) श्री. नीलेश गटणे यांनी राज्यातील मानव संसाधन, कामगार आणि जनसंपर्क संवर्गातील सर्व उपव्यवस्थापक श्रेणीपर्यन्तच्या अधिकार्यांची आढावा बैठक प्रशिक्षण व सुरक्षा केंद्र एकलहरे, नाशिक येथे नुकतीच घेतली. आतापर्यन्तच्या आढावा बैठक व प्रशिक्षण कार्यक्रमांपैकी या प्रशिक्षण केंद्रातील ही सर्वात मोठी आढावा बैठक होती. ग्राहकाला केंद्रस्थानी ठेऊन महावितरणची प्रतिमा उंचावण्यासाठी कर्मचार्यांनी समर्पित भावनाने काम करावे, या उद्देशाने ही बैठक घेण्यात आली.
या बैठकीत प्रशासकीय कामकाज जलद गतीने व सुलभ व्हावे, दैनंदिन कामकाजातील अडचणी दूर व्हाव्यात, संगणक प्रणालीमध्ये कामे वेळेंत व्हावीत, कामात पारदर्शिपणा असावा, कर्मचार्यांना कंपनीकडून मिळंणार्या सुविधा विनाविलंब मिळांव्यात इत्यादिंवर भर देण्यात येऊन मार्गदर्शन करण्यात आले. विजेसारख्या अतिमहत्वाच्या क्षेत्रात अधिकारी व कर्मचारी काम करीत असल्याने त्याची मनोभावना सतत प्रेरित ठेऊन तो ग्राहकांना चांगल्या प्रतीची सेवा देईल यासाठी या प्रशिक्षणात तंज्ञाच्या मार्गदर्शनाखाली विविध विषयांवर व्याख्यान व कार्यशाळांही घेण्यात आल्या. अशा पध्दतीचे प्रशिक्षण कार्यक्रम सर्व राज्यभर राबवून कर्मचार्यांची मानसिकता व मनोबल वाढविण्यासाठी विशेष प्रयत्न केले जातील, असा मनोदय कार्यकारी संचालक (मा.सं.) यांनी यावेळंी व्यक्त केला.
दोन दिवसांच्या या प्रशिक्षण व आढावा सत्रामध्ये निवृत्त सहसचिव श्री. वसंत चौधरी यांचे शिस्तभंग कारवाई या विषयावर तर सायन्स् ऑफ थॉटस् अँड इमोशन्स या विषयावर श्रीमती अश्िवनी मोने व मेडिक्लेम पॉलीसी संदर्भात श्री. पंकज परदेशी तसेच फायनान्शियल लिटरसी या विषयावर श्री. शैलेश चंदेल यांचे व्याख्यान झाले. मानव संसाधन व्यवस्थापन प्रणालीबाबत यावेळी संपूर्ण राज्याचा आढावा घेण्यात आला. उपमुख्य औद्योगिक संबंध अधिकारी व जनसंपर्क अधिकारी यांच्याशी विविध विषयांवर चर्चा व मार्गदर्शन करण्यात आले.
या बैठकीला मुख्यालयातील मुख्य महाव्यवस्थापक (मा.सं.) श्री. संदेश हाके, मुख्य महाव्यवस्थापक (तां.आस्था.) श्रीमती पुष्पा चव्हाण, नाशिक परिमंडलाचे मुख्य अभियंता श्री. दि.अ. कुमठेकर, महाव्यवस्थापक सर्वश्री सुभाष कालेवाड, राजेंद्र पांडे हे प्रामुख्याने उपस्थित होते. नाशिक प्रशिक्षण केंद्राचे मुख्य महाव्यवस्थापक श्री. के.व्ही. अजनाळंकर व त्यांच्या सहकार्र्यांनी या आढावा बैठकीच्या कार्यक्रमाच्या यशस्वीतेसाठी विशेष परिश्रम घेतले.
