मला तर शरद पवार ,प्रफुल्ल पटेल, राजीव शुक्लांनी हि मदत केली – ललित मोदी

(सर्व फोटो-संग्रहीत )
नवी दिल्ली-आयपीएलचे माजी प्रमुख ललित मोदी यांना केवळ सुषमा स्वराज , वसुंधरा राजेच नाही तर शरद पवार प्रफुल्ल पटेल , पत्रकारितेतून राजकारणात गेलेले राजीव शुक्ला यांनी मदत केल्याचे बाहेर येते आहे – मात्र पवार यांनी हे खोटे असल्याचे स्पष्ट केले आहे
यूपीए सरकारमध्ये मंत्री राहिलेले राष्ट्रवादीचे अध्यक्ष शरद पवार, प्रफुल्ल पटेल आणि काँग्रेस नेते राजीव शुक्ला यांनी आपल्याला मदत केल्याचा गौप्यस्फोट करत ललित मोदींनीच विरोधकांना उघडे पाडले आहे.
मोंटेनेग्रामध्ये सध्या सुट्ट्या एन्जॉय करत असलेल्या ललित मोदी यांच्याशी ‘इंडिया टुडे’ने संपर्क साधला असता त्यांनी अनेक धक्कादायक बाबी उजेडात आणल्या. पवार, पटेल, आणि शुक्ला यांनी आपल्याला ट्रॅव्हल पेपर मिळवून देण्यासाठी मदत केली होती, असा दावा ललित मोदी यांनी केला. मात्र पवार आणि शुक्ला या दोघांनीही मोदींचा दावा फेटाळला आहे. मी ललित मोदी यांना कधीही मदत केलेली नाही. गेल्या तीन वर्षांपासून मी त्यांना भेटलेलो नाही, असे स्पष्टीकरण दिले आहे तर पवार यांनी आपण ललित मोदींना भारतात परतून चौकशीस सामोरे जाण्यासंबधी सांगितले होते. त्याशिवाय आपला त्यांच्याशी काहीही संबंध नाही, असे स्पष्ट केले. दरम्यान, प्रफुल्ल पटेल यांच्याकडून मात्र अद्याप कोणतीही प्रतिक्रिया आलेली नाही.
राजस्थानच्या मुख्यमंत्री वसुधरा राजे यांनी इंग्लंडममध्ये मी केलेल्या इमिग्रेशन अर्जाचे लिखित स्वरूपात समर्थन केले होते. दोन वर्षांपूर्वी पोर्तुगालमध्ये पत्नीवर कॅन्सरचे उपचार केले त्यावेळी वसुंधरा हजर राहिल्या होत्या, असा दावाही ललित मोदी यांनी केला.
ललित मोदी प्रकरणात ईडीच्या तपासालाही वेग आला असून वसुंधरा राजे यांचा मुलगा खासदार दुष्यंत सिंह यांच्या मालकीच्या कंपनीच्या खात्यात ललित मोदी यांनी २००८ मध्ये ११ कोटी ६३ लाख रुपये ठेवले होते, अशी माहिती समोर येत आहे.
सुषमा स्वराज यांच्याशी आमचे घरोब्याचे संबध आहेत. सुषमा यांचे पती आणि मुलीने आपल्याला एकही पैसा न घेता कायदेशीर मदत पुरवली होती असे हि ललित मोदी  याने म्हटले आहे