पुणे – मराठी चित्रपट सृष्टी बहरत असताना तिचे पाय खेचण्याचेही प्रयत्न होत आहेत . मराठी चित्रपटांना सिनेमागृहे उपलब्ध होत नाहीत हि खरी महाराष्ट्रातील शोकांतिका आहे शासन आणि सर्व स्तरावर याबाबत मी चर्चा केली आहे , पण आता मराठी चित्रपटांना न्याय देण्यासाठी मिडिया नेच पुढाकार घेतला पाहिजे अशी भावना खुद्द बॉलीवूडचा स्टार अजय देवगण याने पुण्यात व्यक्त केली .
पुण्यात आपल्या ‘विटी दांडू ‘ या चित्रपटाच्या पत्रकार परिषदेसाठी देवगण पुण्यात आले होते . यावेळी त्यांच्या समवेत लेखक क्रिएटीव्ह दिग्दर्शक विकास कदम अभिनेता अशोक समर्थ , रवींद्र मंकणी उपस्थित होते
यावेळी अजय देवगण म्हणाले , मराठी सिनेमा आता बहरतो आहे ,अत्यंत चांगले चित्रपट मराठीत येत आहेत , चांगली कथा आणि स्क्रिप्ट मिळाली तर मी आणि काजोल असे दोघे हि मराठीत नक्कीच काम करू , पण मराठी सिनेमाला सिनेमागृहे का मिळत नाहीत हा प्रश्न आहे .यामुळे ८० ते ९० सिनेमे तयार होवून धूळ खात पडले आहेत , शासन ,सिनेमागृह चालकांचे प्रतिनिधी अशा सर्व स्तरावर याबाबत चर्चा झाली आहे , शासनाने कायदा हि केला आहे पण त्याची अंमलबजावणी होत नाही , त्यामुळे आता महाराष्ट्रात खऱ्या अर्थाने बलवान असलेल्या मीडियानेच याबाबत पुढाकार घ्यायला हवा . मिदिअने ठरवले तर काय होवू शकत नाही ? असाही प्रश्न त्यांनी उपस्थित केला,
मराठी चित्रपटांना चांगले दिवस आहेत म्हणून हिंदीतल्या बड्या हस्ती मराठीत दाखल होत आहेत हिंदीला दिवस चांगले नाहीत असा मात्र त्याचा अर्थ कोणी काढू नये असेही ते म्हणाले ,मी लहानपणी मराठी सिनेमे पाहत असत . त्यानंतर खंड पडला विकास कदम हे मला नेहमी प्रदाशित झालेल्या चांगल्या मराठी सिनेमांची कथा ऐकवीत . काही चित्रपट मी पहिले देखील , आठ महिन्यापूर्वी या चित्रपटाची कथा त्याने मला ऐकविली आणि पाहता पाहता चं चित्रपट तयार हि केला मी स्वतः हा चित्रपट पहिला आहे मला या चित्रपटाच्या प्रदर्शनाला कुठेही अडचण आलेली नाही मात्र अनेक सिनेमे पडून आहेत त्यांना हि प्रदर्शनासाठी सिनेमागृहे मिळाली पाहिजेत अशीच माझी भूमिका आहे
पत्रकार परिषदेची आणखी काही छायाचित्रे पहा – (all photo by- shailendra sathe )
