पुणे कॅंटोन्मेंट मतदार संघ कॉंग्रेस पक्षाच्या विद्यमाने संविधान दिन व शहीद दिन अभिवादन कार्यक्रम संपन्न झाला . संविधान दिनानिमित पुणे कॅम्प भागातील डॉ. बाबासाहेब आंबेडकर पुतळ्यास माजी गृहराज्यमंत्री रमेशदादा बागवे यांच्या हस्ते पुष्पहार अर्पण करून कार्यक्रमास सुरुवात झाली . त्यानंतर शहीद दिनानिमित २६ / ११ मधील शहिदांच्या प्रतिमेस पुष्पहार अर्पण करून विनम्र अभिवादन करण्यात आले . त्यानंतर उपस्थित सर्व कार्यकर्त्यांनी हातामध्ये दहशतवादाविरोधात जन जागृतीपर फलके हातात धरून दहशत वादाचा तीव्र निषेध व्यक्त करण्यात आला . त्यानंतर समाजात शांतता राखण्यासाठी ” सर्वधर्मीय प्राथना ” करण्यात आली . यामध्ये बौध्द समाजातील भन्ते नाघघोष , शीख समाजातील धर्मगुरू ग्यानी अमरजितसिंग , ईसाई धर्मातील फादर डेनिस जोसेफ , मुस्लिम धर्मातील मौलाना अकबर हाश्मी , हिंदू धर्मातील महेश दवे आदींनी यावेळी समाजात शांतता राखण्यासाठी ” सर्वधर्मीय प्राथना ” केली .
यावेळी संविधान दिनानिमित भारताचे संविधान या पुस्तकाचे प्रकाशन उपस्थित मान्यवरांच्याहस्ते करण्यात आले . यावेळी सर्व उपस्थितांना या पुस्तकाचे माजी गृहराज्यमंत्री रमेशदादा बागवे यांच्या हस्ते वाटप करण्यात आले . यावेळी आपल्या भाषणात रमेशदादा बागवे यांनी सांगितले कि , शहिदांचा त्याग देश विसरू शकणार नाही , देशातला दहशतवाद संपविण्यासाठी समाज एकसंघ राहणे गरजेचे आहे . आपल्या जीवाची बाजी लावून आपले वीर जवान लढले , त्यांच्या त्यागाची आठवण ठेवण्यासाठी समाजात आपण एकसंघ राहण्याचा हा दिवस आहे . भारतात सर्व जाती धर्माचे लोक गुण्या गोविदाने राहतात सरकारवर अंकुश ठेवण्याचे काम प्रत्येकाचे आहे , ती ताकद डॉ. बाबासाहेब आंबेडकर यांनी भारताला संविधानाच्या माध्यमातून उपलब्ध करून दिली . त्यासाठी सर्व जाती धर्मातील लोकांनी संविधानाचा आदर केला पाहिजे . महाराष्ट्रात नुकत्याच स्थापन झालेल्या सरकारने विश्वासदर्शक ठरावाच्या वेळेस आवाजी मतदान घेऊन घटनेची पायमल्ली केली . या राज्याच्या इतिहासामध्ये कधीही असे कृत्य घडले नव्हते . या सरकारने सत्तेवर आल्यास एल. बी . टी. रद्द करू , टोलनाके बंद करू , शंभर दिवसात परदेशातील काळा पैसा आणू ,अशी दिलेली आश्वासने हवीत विरली आहेत . त्यासाठी कॉंग्रेसच्या सर्व कार्यकर्त्यांनी रस्त्यावर उतरून त्यांच्या आश्वासनाचा जाब विचारला पाहिजे . आणि जनतेला त्यांचा खरा चेहरा दाखवला पाहिजे .
यावेळी माजी स्थायी समिती अध्यक्ष रशीद शेख , सदानंद शेट्टी , पुणे कॅंटोन्मेंट ब्लॉक कॉंग्रेस अध्यक्ष असिफ शेख , स्थानिक नगरसेवक शैलेन्द्र बिडकर , करण मकवानी , मंजूर शेख , संगीता पवार , विनोद मथुरावाला , गौतम महाजन , अझीम गुडाकूवाला , सुनील दैठणकर , चांद शेख , बबलू सय्यद , केविन मेनवेल , मनजितसिंग विरदी , सुजित यादव , अमीन शेख , भगवान धुमाळ , उस्मान तांबोळी , मंदाकिनी गायकवाड , नलिनी सारथे , अंजली परेरा , मीराताई शिंदे , स्मिता मुळीक , राजेश शिंदे , क्लेमंट लाझरस , वाल्मिक जगताप , विनोद सोळंकी , रशीद खिजर , लतीफ शेख , नूरमोहम्मद रंगरेज , मनीष सोनिग्रा , बाळासाहेब घोडके , प्रदीप परदेशी , दयानंद अडागळे , विठ्ठल थोरात , पीटर मकवाना , परेश गायकवाड , मनोज पवार आदी मान्यवर व कॉंग्रेस पदाधिकारी आणि कार्यकर्ते उपस्थित होते .
या कार्यक्रमाचे पुणे शहर कॉंग्रेस कमिटीचे सरचिटणीस रमेश अय्यर यांनी केले तर आभार सुजित यादव यांनी मानले .
