पुणे :
‘महाराष्ट्र कॉस्मॉपॉलिटन एज्युकेशन सोसायटी’च्या ‘पै आय.टी ऑलिंपियाड’चे पारितोषिक वितरण नीरव कुलश्रेष्ठ (फर्स्ट फ्युएल सॉफ्टवेअर), अमिताव पाल (इन ओपन टेक्नॉलॉजी) यांच्या हस्ते झाले. अध्यक्षस्थानी संस्थेचे अध्यक्ष पी. ए. इनामदार होते. देशभर ऑनलाईन घेण्यात आलेल्या या स्पर्धेचे हे पाचवे वर्षे होते. 149 शाळा व कनिष्ठ महाविद्यालयातील पाच हजार विद्यार्थ्यांनी स्पर्धेत सहभाग घेतला होता.
कनिष्ठ गटात अमीना बुबरे (भिवंडी) प्रथम आली. हतीम ताहेरी सैफी द्वितीय तर स्वरीत बिडवलकर तृतीय आला. वरिष्ठ गटात रहमतुल्ला उमराणी महंमद प्रथम आला. सानिया शेख द्वितीय, महमदी नदीम मणियार तृतीय आली.
केएमईएस इंग्लिश मीडियम हायस्कूल (भिवंडी) हे कनिष्ठ गटात विजेते ठरले, तर ‘अॅग्लो उर्दू हायस्कूल’ वरिष्ठ गटात विजेते ठरले. त्यांना आय.टी. ऑलिंपियाडचा फिरता चषक देऊन गौरविण्यात आले. तसेच विजेत्यांना आयपॅड, टॅब्लेट भेट देण्यात आले.
पारितोषिक वितरण समारंभप्रसंगी मोहन गिरी (बीएसएनएल), संदीप पाठक, उदय सोनवणे, इरफान शेख, आबेदा इनामदार उपस्थित होते. प्रा.ऋषी आचार्य यांनी सूत्रसंचालन केले.
