कराची – पाकिस्तानचा माजी क्रिकेटपटू वसीम अक्रम याच्यावर आज (बुधवार) कराचीतील नॅशनल स्टेडिअम येथे अज्ञातांनी हल्ला केला आहे. हल्ल्याचे स्वरुप आणि त्यामागचे कारण अद्याप समजलेले नाही.
हल्ल्यानंतर पाकिस्तानमधील एका वृत्तवाहिनीशी बोलताना अक्रमने माहिती दिली आहे. आपल्या मोटारीने प्रवास करत असताना नॅशनल स्टेडिअमजवळ अज्ञातांनी हल्ल्या केल्याचे त्याने सांगितले. तसेच आपण हल्लेखोरांच्या मोटारीचा क्रमांक लिहिला असून तो पोलिसांना दिल्याची माहितीही वसीमने दिली आहे.
‘वसीम स्वत: मोटार चालवत होता. दरम्यान वसीमच्या मोटारीच्या एका बाजूने काही अज्ञात हल्लेखोरांनी हल्ला केला. त्याला काहीही दुखापत झाली नाही. सध्या तो नॅशनल स्टेडिअममध्ये असून पोलिसांची औपचारिकता पूर्ण करत आहे‘ अशी माहिती वसीमचे व्यवस्थापक अर्सलन हैदर यांनी दिली आहे.वासिम अक्रमच्या कारला बाईकस्वार हल्लेखोरांनी धडक दिली. धडकेनंतर अक्रम गाडीबाहेर येताच त्याच्या दिशेने एका हल्लेखोराने गोळी झाडली. मात्र सुदैवाने कारच्या टायरला गोळी लागल्याने अक्रम बचावला. त्यानंतर हल्लेखोरांनी कार पेटवण्याचा प्रयत्न केला.हल्लेखोरांच्या गाडीचा नंबर पोलिसांना सांगितल्याचंही अक्रमने म्हटलं आहे. अक्रम नॅशनल स्टेडियमवर युवा क्रिकेटपटूंसाठी ट्रेनिंग कॅम्प घेण्यासाठी चालला होता.काही दिवसांपूर्वी पाकिस्तानचे पंतप्रधान नवाझ शरीफ यांच्या गाडीच्या ताफ्यात घुसून एका तरुणाने हल्ल्याचा प्रयत्न केला होता. सुदैवाने पंतप्रधान त्यातून बचावले.
