मुंबई- मुंबईत दारूच्या नशेत आणखी एका महिलेने मंगळवारी मध्यरात्री 2.30 वाजता अपघात केला. या अपघातात चहा विक्री करणारा एक स्टॉलधारक जखमी झाला आहे. निधी पारेख असे या महिलेचे नाव असून, ती फॅशन क्षेत्राशी संबंधित आहेत. रिलायन्समध्ये व्हाईस प्रेसिडेंट (लीगल) पदावर काम करणा-या जान्हवी गडकर हिने मागील महिन्यात अशाच प्रकारे दारू पिऊन आपली ऑडी कार टॅक्सीला धडकवली होती. त्यात दोघांचा मृत्यू झाला होता.
पोलिसांनी सांगितले की, निधी पारेख दारू पिऊन आपली शेवरलेट कार गाडी चालवत होती. त्यावेळी वांद्रे परिसरातील कार्टर रोडवर तिचे कारवरील नियंत्रण सुटले व गाडी फुटपाथवर गेली. तेथे कडेला एका चहा स्टॉलला धडक दिली व त्यात स्टॉलधारक चहा विक्रेता गंभीर जखमी झाला आहे.
पोलिसांनी सांगितले की, निधी पारेख दारू पिऊन आपली शेवरलेट कार गाडी चालवत होती. त्यावेळी वांद्रे परिसरातील कार्टर रोडवर तिचे कारवरील नियंत्रण सुटले व गाडी फुटपाथवर गेली. तेथे कडेला एका चहा स्टॉलला धडक दिली व त्यात स्टॉलधारक चहा विक्रेता गंभीर जखमी झाला आहे.
25 वर्षाची निधी विले पार्ले (ईस्ट) मधील एका गुजराती कॉलनीत राहते. आपल्या मित्राच्या वाढदिवसाची पार्टी करून ती घराकडे चालली होती. वांद्रेतील कार्टर रोडवर येताच तिचे गाडीवर नियंत्रण सुटले व कार थेट फुटपाथवर चढली. या घटनेनंतर लोकांची तिथे गर्दी झाली. त्यामुळे घाबरून निधी पारेखने कॉरमध्ये स्वत:ला लॉक करून घेतले. काही वेळातच तेथे पोलिस पोहचले व तिला बाहेर येण्यास सांगितले. मात्र, निधी दरवाजा उघडत नव्हती. अखेर पोलिसांनी एका स्थानिक की-मेकरच्या मदतीने तिला गाडीतून बाहेर काढले.
पोलिसांनी निधी पारेखला रात्री साडेतीनच्या सुमारास कारमधून बाहेर काढल्य़ानंतर तिला रूग्णालयात नेले. तसेच तिच्या रक्ताचे नमुने घेण्यात आले. तेथे तिच्या रक्तात अल्कोहोलचे प्रमाण आढळून आले. सोबत महिला पोलिस नसल्याने त्या रात्री निधीला घरी जाण्यास परवानगी देण्यात आली. त्यानंतर मंगळवारी दुपारी पोलिस ठाण्यात आणले व अटक केली.
