जगातील पहिले खिडकीविरहित पारदर्शक विमान उड्डाणासाठी सज्ज झाले आहे. एक ब्रिटिश विकसक लवकरच त्याची चाचणी घेणार आहे. आजूबाजूचे दृश्य पाहण्याची संधी या विमानातून प्रवाशांना मिळणार आहे. हे विमान पारदर्शक स्क्रीन बसविण्यात आले आहेत. त्यामुळे आकाश आणि आजूबाजूच्या अवकाशातील दृश्य प्रवाशांना पाहणे शक्य होणार आहे. अशी माहिती सीपीआय च्या सूत्रांनी प्रसिध्द केली आहे येत्या दहा वर्षात जगात अशी विमाने अवकाशात उडताना दिसतील असाही दावा त्यांनी केला आहे गेल्या पाच दिवसांपूर्वी याबाबतची माहिती प्रसिध्द करण्यात आली आहे अधिक माहिती uk-cpi.com (h/t: mashable) यावर मिळू शकेल असे हि म्हटले आहे
UK-based tech innovation company Center for Process Innovation (CPI)
या सूत्रांच्या म्हणण्यानुसार प्रवाशांच्या सीटजवळ एक स्विच देण्यात येणार आहे. त्याद्वारे ते आजूबाजूचे दृश्य पाहायचे किंवा स्क्रीन ऑफ ठेवायचा याचा निर्णय घेऊ शकतील. स्क्रीनवर इंटरनेट सर्फिंगही करता येणार आहे.
सेंटर फॉर प्रोसेस इनोव्हेशन (सीपीआय) संस्थेतील संशोधक आणि इंजिनीअर यांनी या पृष्ठभागाचे नाव ‘द विंडोलेस केबिन विथ अ व्ह्यू’ असे ठेवले आहे.
विमानात बसून एका छोट्याशा प्लास्टिकच्या खिडकीतून जगाकडे पाहण्याचे दिवस लवकरच इतिहासमा होतील. भविष्यातील विमानांमध्ये संपूर्ण पारदर्शी काचा बसविलेले पृष्ठभाग असतील. अतिलवचिक, उच्च दृश्यमानता असलेले तंत्रज्ञान विकसित करण्याचा आमचा प्रयत्न सुरू आहे. या स्क्रीनवर एक्सटर्नल कॅमेऱ्यांतून प्रत्यक्ष दृश्ये दाखविण्यात येतील,’ असे या संस्थेच्या संशोधकांनी सांगितले.
या स्क्रीनमध्ये ओएलईडी तंत्रज्ञान बसविण्यात येणार आहे. या पारदर्शक वजनाने हलक्या पृष्ठभागामुळे विमानाचे एकूण वजनही कमी होण्यास मदत होणार आहे.
विमानाचे वजन हा इंधन बचतीच्या दृष्टीने महत्त्वाचा मुद्दा असतो. विमानाचे वजन एक टक्क्याने कमी झाल्यास इंधन ०.७५ टक्के कमी लागते. वजन कमी झाल्यास, इंधन कमी लागते आणि परिणामी कार्बन डाय ऑक्साइड उत्सर्जनाचे प्रमाणही कमी होते. त्याच प्रमाणे वाहतूक खर्चही कमी होतो.
सध्याच्या खिडक्या तयार करण्याचा खर्च जास्त आहे.;ओएलईडी डिस्प्लेसारखे नावीन्यपूर्ण तंत्रज्ञान संकल्पनेतून प्रत्यक्ष उत्पादनात आणणे हे आमचे उद्दिष्ट आहे.
अन्य छायाचित्रे –
