येत्या ५ जून ते ८ जून रोजी जपान कीत्ताकेशू येथे आशियाई शरीरसौष्ठव स्पर्धेचे आयोजन करण्यात आले आहे. या स्पर्धेत भारतातून खेळाडूंची निवड करण्यात आलेली आहे.
त्यामध्ये १. अशोक कुमार, ६५ कि.ग्र (पंजाब), २. कुमार पवार, ६५ कि.ग्र (महाराष्ट्र), जय सिंग, ६० कि.ग्र (पंजाब), ४) सिद्धार्थ वानखेडे, पुरुष फिटनेस (महाराष्ट्र), ५) समीर परापुराथे दिल, ६० कि.ग्र (दिल्ली), ६) सचिन गलांडे, ८५ कि.ग्र (महाराष्ट्र), ७) मिस करुणा पी. वाघमारे. महिला फिटनेस (महाराष्ट्र), ८) पुष्पेंद भारती, ६५ कि.ग्र (चंडीगड), ९) अमित चौधरी, ८५ कि.ग्र (महाराष्ट्र), १०) सिद्धांत मोरे, पुरुष फिटनेस (महाराष्ट्र), ११) डॉ. संजय मोरे, सरचिटणीस (महाराष्ट्र), १२) मनोहर पांचाळ, टीम मॅनेजर (महाराष्ट्र), १३) शंकरन व्यंकटेशस्वामी दिकारमन, टीम कोच (दिल्ली). १४) राहुल कारूस, सहाय्यक कोच (महाराष्ट्र) हे आहेत.
एशियन बॉडी बिल्डिंग अॅन्ड फिटनेस फेडरेशनचे अध्यक्ष शेख अब्दुला बिन रसीद अल खलीफ (बहरीन) व सरचिटणीस डॉ.संजय मोरे (भारत) हे असून या संघटनेला ऑलिम्पिक कॅान्सील ऑफ एशिया (ओ.सी.ए) ची मान्यता असून इंटरनॅशनल फेडरेशन ऑफ बॉडी बिल्डिंग अॅन्ड फिटनेस या संघटनेस आय, ओ. सी. वाडा, स्पोर्टस अॅकोर्ड वर्ल्ड गेमची मान्यता आहे.
जगामध्ये १९६ देश आंतरराष्ट्रीय फेडरेशनला संलग्न असल्यामुळे १९४२ पासून या संघटनेचे काम चालू आहे. जगातील सर्वोत्कृष्ट खेळाडू अनॅाल्ड॔, काय ग्रिन, फिलहीथ, डेनीस वूल्फ या संघटनेचे अधिकृत खेळाडू आहेत. या संघटनेत जगातील सर्वोत्कृष्ट खेळाडू म्हणून सहभागी होण्याचा खेळाडूंना अभिमान वाटतो.
या स्पर्धेत निवड झालेल्या सर्व खेळाडूंना भारतीय शरीरसौष्ठव संघटनेचे अध्यक्ष श्री. रणजीत मोहिते – पाटील, सरचिटणीस डॉ. संजय मोरे, महाराष्ट्र ऑलम्पिक असोसिएशनचे सरचिटणीस बाळासाहेब लांडगे, खा.चंद्रकांत खैरे यांनी शुभेच्छा दिल्या.
येत्या ५ जून ते ८ जून रोजी जपान कीत्ताकेशू येथे आशियाई शरीरसौष्ठव स्पर्धेचे आयोजन करण्यात आले आहे असे एशियन बॉडी बिल्डिंग अॅन्ड फिटनेस फेडरेशनचे सरचिटणीस डॉ. संजय मोरे यांनी नुकत्याच पुण्यात घेण्यात आलेल्या पत्रकार परिषदेत सांगितले.
