पुणे- विशेष मुलांची विशेष काळजी घेतली की… अशा मुलांमध्ये असलेले सुप्त गुण झपाट्याने विकसित होवून ते उत्तुंग भरारी घेतात आणि आपल्या कुटुंबालाही मानसन्मान मिळवून देतात फक्त कुटुंबाची आणि समाजाची साथ मिळाली तरच हा चमत्कार होवू शकतो हे पुण्यातील गाडगीळ कुटुंबीयांनी दाखवून दिले आहे गौरी गाडगीळ ने केलेली नेत्रदीपक कामगिरी ही सर्वांना प्रेरणा देणारी आहे असे पुण्याचे पालकमंत्री गिरीश बापट यांनी येथे सांगितले .
आंतरराष्ट्रीय स्तरावरील ख्यातनाम जलतरणपटू आणि यलो सिनेमाची नायिका ‘ गौरी गाडगीळ हिच्यावर तिची आई स्नेहा गाडगीळ यांनी लिहिलेले ‘राजहंस ‘ नावाच्या पुस्तकाचे प्रकाशन श्री बापट यांच्या हस्ते झाले . यावेळी ते बोलत होते . अभिनेता उपेंद्र लिमये , दिग्दर्शक महेश लिमये , शिरीष फडतरे , गौरीचे आई बाबा स्नेहा आणि शेखर तसेच पुस्तकाचे प्रकाशक ‘सलाम पुणे’ चे अध्यक्ष शरद लोणकर आदी मान्यवर यावेळी उपस्थित होते . यावेळी गौरी हिचा २५ वा वाढदिवस ही व्यासपीठावर साजरा करण्यात आला .
ज्यांना काही उपजतच कमी मिळाले आहे अशांकडे दुर्लक्ष करणे हि अत्यंत मोठी चूक आहे त्यांना समजावून घेणे आणि त्यांच्यातील सुप्त गुण ओळखून त्या गुणांचा विकास करणे महत्वाचे आहे . ते झाले तर अशा व्यक्ती हुशारातल्या हुशार माणसालाही मागे टाकून भरारी घेवू शकतात हे गौरीने आंतरराष्ट्रीय स्तरावर आपले कौशल्य दाखवून सिध्द केले आहे . तिचे आई बाबा तिचे कुटुंब आणि स्वतः गौरी आणि तिला नेहमीच साथ देणारे स.प महाविद्यालय आणि अन्य सहकारी या सर्वांचा त्यात महत्वपूर्ण सहभाग आहे असे ते म्हणाले .
उपेंद्र लिमये यावेळी म्हणाले , यलो च्या चित्रीकरण समयी गौरीने मला पोहण्याचे धडे दिले आणि बरेच काही तिच्याकडून शिकायला मिळाले अशा नायिकेबरोबर काम करणे हा माझा न भूतो न भाविष्यतो असाच अनुभव होता .
महेश लिमये, शिरीष फडतरे आदींची यावेळी भाषणे झाली . स्नेहा गाडगीळ यांनी प्रास्तविक केले तर पल्लवी गाडगीळ यांनी आभार मानले .
आंतरराष्ट्रीय स्तरावरील ख्यातनाम जलतरणपटू आणि यलो सिनेमाची नायिका ‘ गौरी गाडगीळ हिच्यावर तिची आई स्नेहा गाडगीळ यांनी लिहिलेले ‘राजहंस ‘ नावाच्या पुस्तकाचे प्रकाशन श्री बापट यांच्या हस्ते झाले . यावेळी ते बोलत होते . अभिनेता उपेंद्र लिमये , दिग्दर्शक महेश लिमये , शिरीष फडतरे , गौरीचे आई बाबा स्नेहा आणि शेखर तसेच पुस्तकाचे प्रकाशक ‘सलाम पुणे’ चे अध्यक्ष शरद लोणकर आदी मान्यवर यावेळी उपस्थित होते . यावेळी गौरी हिचा २५ वा वाढदिवस ही व्यासपीठावर साजरा करण्यात आला .
ज्यांना काही उपजतच कमी मिळाले आहे अशांकडे दुर्लक्ष करणे हि अत्यंत मोठी चूक आहे त्यांना समजावून घेणे आणि त्यांच्यातील सुप्त गुण ओळखून त्या गुणांचा विकास करणे महत्वाचे आहे . ते झाले तर अशा व्यक्ती हुशारातल्या हुशार माणसालाही मागे टाकून भरारी घेवू शकतात हे गौरीने आंतरराष्ट्रीय स्तरावर आपले कौशल्य दाखवून सिध्द केले आहे . तिचे आई बाबा तिचे कुटुंब आणि स्वतः गौरी आणि तिला नेहमीच साथ देणारे स.प महाविद्यालय आणि अन्य सहकारी या सर्वांचा त्यात महत्वपूर्ण सहभाग आहे असे ते म्हणाले .
उपेंद्र लिमये यावेळी म्हणाले , यलो च्या चित्रीकरण समयी गौरीने मला पोहण्याचे धडे दिले आणि बरेच काही तिच्याकडून शिकायला मिळाले अशा नायिकेबरोबर काम करणे हा माझा न भूतो न भाविष्यतो असाच अनुभव होता .
महेश लिमये, शिरीष फडतरे आदींची यावेळी भाषणे झाली . स्नेहा गाडगीळ यांनी प्रास्तविक केले तर पल्लवी गाडगीळ यांनी आभार मानले .
