पुणे कॅम्प मधील गुरुद्वारा गुरुनानक दरबारजवळील गुरुनानक पब्लिक स्कूल आणि ज्युनिअर कॉलेजचे वार्षिक स्नेहसंमेलन आणि पारितोषिक वितरण उत्साहात संपन्न झाले . नेहरू मेमोरिअल हॉलमध्ये झालेल्या कार्यक्रमास पुण्याचे महापौर दत्तात्रय धनकवडे , शाळेचे अध्यक्ष प्रकाशसिंग घई , गुरुद्वाराचे अध्यक्ष सरदार हरमिंदरसिंग घई , शाळेचे सचिव सरदार तरमिंदरसिंग व्होरा , गुरुद्वाराचे सरचिटणीस चरणजीतसिंग सहानी , शाळेच्या व कॉलेजच्या मुख्याध्यापिका सोबीनकौर जग्गी , अडमिनिस्ट्रेटर भूपिंदरसिंग सहानी , सुपरवायझर वहिदा शेख , खजिनदार कुलजितसिंग चौधरी , दलजितसिंग रेंक आदी मान्यवर , विद्यार्थी आणि पालकवर्ग उपस्थित होते .
कार्यक्रमाची सुरुवात अरदासने करण्यात आली . यावेळी शाळेतील विद्यार्थ्यांनी पंजाबी भांगडा नृत्य , जागरण गोंधळ , जोकर नृत्य, राजस्थानी नृत्य, बेटी बचाव – स्त्री भ्रूण हत्यावरील बेटी बचाव जनजागृतपर नाटक , देशभक्तीपर नाटक , बालमजुरी थांबवा या विषयांवरील नाटक सादर केले . यावेळी महापौर दत्तात्रय धनकवडे यांनी सांगितले कि , शाळेच्या जागेसाठी सर्वोपतरी प्रयत्न करू . दहावी आणि बारावीचा निकाल शंभर टक्के लागल्याबद्दल त्यांनी शाळेचे अभिनदन केले . आणि विद्यार्थ्यांचे कौतुक केले . यावेळी महापौरांच्या हस्ते गुणवंत विद्यार्थ्यांचा सत्कार करण्यात आला .