पुणे- : पुणे महानगरपालिकेने खोदाई दर वाढविल्यामुळे महावितरण कंपनीच्या पायाभूत आराखडा विकास कार्यक्रमाची कोट्यवधींची कामे सध्या ठप्प आहे. खोदाई दराबाबत तोडगा काढण्यासाठी लवकरच महावितरण व महानगरपालिकांच्या वरिष्ठ अधिकार्यांची बैठक घेण्यात येईल, अशी माहिती पुणे जिल्हा विद्युत समन्वय समितीचे अध्यक्ष खासदार श्री. शिवाजीराव आढळराव पाटील यांनी दिली. आज ‘प्रकाशभवन’ येथे सार्वजनिक बांधकाम विभागाच्या विद्युत निरीक्षण शाखेच्या वतीने आयोजित पुणे जिल्हा विद्युत समन्वय समितीची बैठक झाली. यावेळी खासदार श्री. आढळराव पाटील बोलत होते. या बैठकीला आमदार विजय काळे, आमदार गौतम चाबुकस्वार, आमदार सुरेश गोरे, आमदार सौ. मेधा कुलकर्णी, समितीचे सदस्य-सचिव व विद्युत निरीक्षक श्री. अंकुश रणवरे, महावितरणचे अधीक्षक अभियंता सर्वश्री भालचंद्ग खंडाईत, शिवाजी चाफेकरंडे, अंकुश नाळे, सतीश चव्हाण, अनिल भोसले, दिलीप पडळकर, महापारेषणचे अधीक्षक अभियंता श्रीमती विजया मुखेडकर, श्री. संजय भोळे तसेच ग्राहक प्रतिनिधी श्री. राजेंद्र पायगुडे, श्री. अशोक मोडवे आदींसह शासनाच्या विविध विभागांचे प्रतिनिधी उपस्थित होते.या बैठकीत पुणे जिल्ह्यातील वीजस्थिती, विविध कामे
व माहितीचे महावितरणच्या वतीने अधीक्षक अभियंता श्री. भालचंद्ग खंडाईत व महापारेषणच्या वतीने अधीक्षक अभियंता श्री. संजय भोळे यांनी सादरीकरण केले.
या बैठकीत रस्ता रुंदीकरणातील वीजयंत्रणा हटविणे, महावितरणची वीजयंत्रणा उभारण्यासाठी इतर शासकीय विभागांच्या जागा उपलब्ध करून देणे, कडूस आणि चाकण पाणीपुरवठा योजनेची थकबाकी भरून ती कार्यान्वित करणे, दुर्गम भागातील गावांत वीजयंत्रणांचे सक्षमीकरण, ग्रामपंचायतीकडून वीजबिलाचे वाचन व वाटप, विविध योजनांची अंमलबजावणी आदी मुद्द्यावर चर्चा करण्यात आली. याशिवाय वीजचोरीविरोधी मोहिमेसाठी महावितरणच्या दक्षता व सुरक्षा विभागासह महापालिकेच्या अतिक्रमणविरोधी पथकातील पोलीस दलाचे सहकार्य घेण्याची सूचना बैठकीत करण्यात आली.
यावेळी समितीचे अध्यक्ष खासदार श्री. आढळराव पाटील म्हणाले, ‘वीज ही मुलभूत गरज आहे आणि वीजप्रश्न सर्वसामान्य नागरिकांशी निगडीत आहे. त्यामुळे महावितरण, महापारेषणचे विविध प्रश्न शासनाच्या इतर विभागांच्या समन्वयातून त्वरीत निकाली काढण्याचा प्रयत्न करण्यात येईल’. यावेळी महावितरणच्या वीजचोरीविरोधी मोहिमेला उपस्थित लोकप्रतिनिधींनी पूर्ण पाठिंबा असल्याचे सांगितले.बैठकीचे प्रास्ताविक समितीचे सदस्य सचिव श्री. अंकुश रणवरे यांनी केले तर कार्यकारी अभियंता श्री. आनंद रायदूर्ग यांनी सूत्रसंचालन केले व आभार मानले. महावितरण व महापारेषणचे जिल्ह्यातील कार्यकारी अभियंता, अधिकारी आदी मोठ्या संख्येत उपस्थित होते.
पालकमंत्री गिरीश . बापट यांची विविध प्रश्नांवर चर्चा
जिल्ह्याचे पालकमंत्री गिरीश बापट यांनी आज महावितरणच्या ‘प्रकाशभवन’ कार्यालयास भेट दिली व पुणे शहरासह जिल्ह्यातील विजेच्या विविध
योजना, प्रश्नांवर चर्चा केली. आज झालेल्या विद्युत समन्वय समितीच्या बैठकीतील मुद्द्यांची तसेच जिल्हा नियोजन समितीकडून मिळणार्या निधीबाबत माहिती घेतली. महापालिकेने खोदाई दरवाढीवर लवकरच तोडगा काढण्याचे ना. श्री. बापट यांनी आश्वासन दिले. यावेळी पुणे जिल्हा विद्युत समन्वय समितीचे अध्यक्ष खासदार श्री. आढळराव पाटील यांच्यासह महावितरण व महापारेषणचे वरिष्ठ अधिकारी उपस्थित होते.
![खोदाई दराबाबत लवकरच बैठक घेऊनतोडगा काढणार - खा. आढळराव पाटील](http://mymarathi.net/wp-content/uploads/2015/02/113-300x217.jpg)