पुणे-शिवसेना पुणे जिल्हा प्रमुख श्री. दत्तात्रय टेमघरे यांच्या उपस्थितीत व पुणे जिल्हा संपर्क प्रमुख श्री. सत्यवान उभे यांच्या मार्गदर्शनाखाली तसेच असिफ पटेल, युनूस शेख, हैदर बागवान व अयुब मकानदार यांच्या नेतृत्वाखाली आज खेडशिवापूर मधील ६७ मुस्लिम बंधु भगिनींनी शिवसेनेत प्रवेश केला. याच बरोबर खेडशिवापूर मधील इतर १५२ कार्यकर्त्यांनी देखील शिवसेनेत प्रवेश केला. या प्रसंगी जिल्हा प्रमुख श्री.टेमघरे म्हणाले कि, ” आज मला विशेष आनंद होतोय कि शिवसेना हा सर्वसामन्यांचा पक्ष आहे व गोर गरीब व शेतकरी व पीडित महिलांच्या मदतीसाठी सदैव तत्पर असतो आणि यातच जर समाजातले सर्व घटक बरोबर असतील तर पक्षाचे काम खूप सोपे होईल. आज जो माझ्या मुस्लिम बंधु भगिनींनी शिवसेना पक्ष निवडला, त्याबद्दल मी सर्वांचा आभारी आहे. शिवसेनेने नेहमीच सर्व धर्मांचा आदर केला आहे आणि यापुढे ही करणार”. भवानी पेठ पोलीस लाइन मधील सामाजिक कार्यकर्ते आसिफ पटेल यांनी विशेष प्रयत्न करून सर्वांचे प्रवेश करून घेतले.
यावेळी जिल्हा प्रमुख दत्तात्रय टेमघरे जिल्हा महिला संघटक कल्पना थोरवे उपजिल्हा प्रमुख रमेश कोंडे उपजिल्हा प्रमुख ज्ञानदेव शेडगे तालुका प्रमुख महेश मतेभगवान वांजळे, अनिल मते, सुरेश मारणे, मनोज साठे, तानाजी थोपटे, चंद्रकांत कुडले, संदीप कोंडे, स्वप्नील कोंडे, अप्पा रायकर, हर्षद कोंडे, सतीश खळदकर, अमोल टेमघरे व मनोज टेमघरे आदी मान्यवर उपस्थित होते
