खडकवासला मतदार संघाला जागतिक दर्जाचे पर्यटन केंद्र बनवेन

मनसेचे खडकवासल्याचे उमेदवार नगरसेवक राजाभाऊ लायगुड़े यांनी आज ८ ऑक्टोबरला माळवाडी, न्यू अहिरे, शिवणे, उत्तमनगर, कोपरे, कोंडवे – धावडे, एन. डी. ए या भागात प्रचार केला. पदयात्रा काढून त्यांनी या भागातून शेकडो मनसे सैनिकांच्या सोबत शक्ती प्रदर्शन केले. त्यात महिलांचा मोठ्या प्रमाणात सहभाग होता.
राजाभाऊ म्हणाले, “मी नगरसेवक म्हणून जनतेच्या कामांना व त्यांच्या स्मस्यां सोडवण्यासाठी अहोरात्र परिश्रम घेतले आहे आणि आज देखिल घेतोय. आपन मला संधी द्या. जनतेचीच कामे करायची आहेत, असे भावनिक आवहान त्यांनी केले. या भागातील रस्ते, वाहतूक, पाणी, कचरा, या समस्या महत्त्वाच्या आहेत. त्यामुळे या समस्यांना मी पहिल्यांदा प्राधान्य देईन. व त्या सोडवण्यासाठी मी प्रयेत्न करेन. हा मतदारसंघ निसर्ग, पाणी, हवामान याने समृध्द आहे. आमच्याकडे सिंहगड, खडकवासला धरण असे बऱ्याच गोष्टी आमच्याकडे असल्याने मी या ठिकाणी पर्यटन केंद्र उभारणी करून मोठ्या प्रमाणात पर्यटकांना आकर्षित करून स्थानिक नागरिकांना रोजगार उपलब्द करून देईन.
विकास बापू दांगट खडकवासला मतदारसंघाचे मनसेचे अध्यक्ष या वेळी म्हणाले, आमच्याकडे केंद्रीय जल आणि पॉवर संशोधन केंद्र, एन. डी. ए, आय. आय. टी, व खडकवासला धरण असे मोठ – मोठे प्रकल्प झाल्याने मोठ्या प्रमाणात आमच्याकडील शेती यात गेली. त्यामुळे आमचा पिढ्यानपिढ्या असणारा शेती व्यवसायावर गदा आली आणि येतील भूमिपुत्र शेती व्यवसायापासून पोरका झाला. तसेच आमच्या खडकवासलासला धरणाचे पाणी संपूर्ण पुणे शहर, बारामती या भागाला पाणी दिले जाते. आमची जमीन आमची घरे धरणामध्ये गेली. पण आम्हालाच पिण्यासाठी, शेतीसाठी आता पाणी नाही. या समस्या आम्हाला सोडवायच्या आहेत. त्यामुळे राजाभाऊ यांना निवडून द्यावे. आम्ही हे सर्व प्रश्न मार्गी लावू.
या पदयात्रेला प्रकाश ढोरे, महेश महाले, अरुण दांगट, विकास बापू दांगट, प्रविण बापू दांगट, जगदिश वाल्हेकर, संजय पायगुडे,विजय मते, सुर्यकांत कोडीतकर, रमेश करंजावणे, प्रजोत लगड , प्रविण दांगट, भरत लायगुडे, रुपेश घुले, राहुल वाळूंजकर, गणेश धुमाळ, असे अनेक पदाधिकारी व कार्यकर्ते या वेळी उपस्थित होते.