कोरेगाव-भीमा हिंसाचार प्रकरणातील साक्षीदार असलेल्या पुजा सकट या तरुणीचा संशयास्पद मृत्यू झाला असून कोरेगाव-भीमापासून दोन किलोमीटर अंतरावर असलेल्या वाडा गावातील विहिरीत तिचा मृतदेह आढळला. शनिवारी पूजाच्या कुटुंबीयांनी ती बेपत्ता झाल्याची शिक्रापूर पोलिस स्टेशनमध्ये तक्रार दाखल केली होती.
1 जानेवारी रोजी कोरेगाव भीमा येथे झालेल्या हिंसाचारात पूजाच घर जाळण्यात आलं होतं. त्या हिंसाचाराच्या पूजा साक्षीदार होती. त्या घटनेनंतर पूजाचे कुटुंबिय वाडा नावाच्या गावात राहायला गेले होते. परंतू ज्या वाडा गावात पुजाचे कुटुंबिय राहत होतं, तिथल्या मालकाने ते घर सोडण्यासाठी संकट कुटुंबियांच्या मागे तगादा लावला होता.
दरम्यान शनिवारी पूजा घरातून नाहीशी झाली. त्यानंतर तिच्या कुटूंबियांनी ती बेपत्ता झाल्याची तक्रार पोलिसांकडे दिली होती. मात्र रविवारी तिचा मृतदेह वाडा गावातील एका विहिरीत आढळून आला. पूजाच्या कुटुंबीयांच्या तक्रारीनंतर नऊ जणांविरोधात आत्महत्येला प्रवृत्त केल्याचा गुन्हा दाखल करुन पोलिसांनी दोघांना अटक केली आहे. पूजा सकटने आत्महत्या केल्याचा प्राथमिक अंदाज वरिष्ठ पोलिस अधिकाऱ्यांनी वर्तवला आहे.
