कॉंग्रेसला गतवैभव आणून आपण जोमाने कामाला लागणार — रमेश बागवे

कॉंग्रेसला गतवैभव आणून आपण जोमाने कामाला लागणार असल्याचे माजी गृहराज्य मंत्री रमेश बागवे यांनी सांगितले .
नुकत्याच झालेल्या विधानसभा निवडणुकीत कॉंग्रेस पक्षाच्या कार्यकर्त्यांची कृतज्ञता व्यक्त करण्यासाठी रमेश बागवे यांनी कॉंग्रेस पक्षाचे नगरसेवक , पदाधिकारी आणि कार्यकर्त्यांची बैठक आयोजित केली होती . तेव्हा त्यांनी बैठकीत सांगितले कि , आपण सार्वजन लोकशाहीला मानणारे कार्यकर्ते आहोत , निवडणुकीमध्ये सर्वांनी मेहनत घेतली आहे . परंतु , नशिबाने आपल्याला साथ दिली नाही , मोदी लाटेमध्ये उमेदवार निवडून आले . आपण पुन्हा कामाला जोमाने लागू , कार्यकर्त्याश्या पाठीशी अखेर पर्यंत राहू , कॉंग्रेसच्या कार्यकर्त्यांनी खचून जाऊ नये , असेआवाहन कातून कॉंग्रेसचा शिपाई म्हणून आपण तुमच्या पाठीशी उभे राहू आय विल कम बेक असे सांगून आपण सर्व जन कामाला लागू .
यावेळी स्थायी समिती माजी अध्यक्ष रशीद शेख यांनी सांगितले कि , निवडणुकीमधील ई. व्ही. मशीन घोळ झाल्याने आपला पराभव झाला आहे .अशा प्रकारचा घोळ पुण्यातील सर्व विधानसभा मतदार संघात झाला आहे , आणि अनेक उमेदवार या ई. व्ही. मशीन घोळ बाबत उच्च न्यायालयात जनहित याचिका दाखल करणार आहे .
यावेळी स्थायी समिती माजी अध्यक्ष सदानंद शेट्टी यांनी सांगितले कि , कॉंग्रेस कार्यकर्त्यांनी खचून जाऊ नये , पक्षाची ध्येय धोरण जनते पर्यंत पोहचवून पक्ष बळकट करावा , तसेच पक्षाचे कार्यकर्ते आणि पदाधिकारी रमेश बागवेच्या पाठीशी ठाम पणे उभे राहणार .
यावेळी विरोधी पक्षनेते अरविंद शिंदे , नगरसेवक अविनाश बागवे , पुणे कॅंटोन्मेंट बोर्डाचे माजी नगरसेवक विनोद मथुरावाला , करण मकवानी , प्रसाद केदारी , मंजूर शेख , संगीता पवार , निझाम काझी ,नगरसेवक सुधीर जानजोत , नगरसेविका लता राजगुरू , लक्ष्मी घोडके , माजी महापौर रजनी त्रिभुवन , शिक्षण मंडळ उपाध्यक्ष नुरुद्दीन सोमजी ,हाजी नदाफ , रमेश अय्यर , जोस्वा रत्नम , रशीद खिजर , कॉंग्रेसचे ब्लॉक अध्यक्ष असिफ शेख , राजाभाऊ चव्हाण , वाल्मिक जगताप , भगवान धुमाळ पक्षाचे प्रमुख पदाधिकारी आणि कार्यकर्ते उपस्थित होते . या बैठकीचे सूत्रसंचालन विठ्ठल थोरात यांनी केले .